مش عارف اللي عملته ده صح ولا غلط

النهاردة كنت طالع من الشغل متأخر أنا وزميلي قرفانين من الشغل والدنيا كلها ... واحنا طالعين بره لقينا عربية راكنة صف تاني ورا عربية زميلي ، والعربية معشقة ورافع هاند وأوتوماتيك كمان ، قلنا يمكن بيجيب حاجة من الصيدلية وجاي

استنينا 10 دقائق ... ربع ساعة ... مفيش حد ... دخلنا سألنا على صاحب العربية بوابين العمارات والكافيهات والمحلات ومحدش يعرف صاحب العربية ... استنينا نص ساعة كمان ودخلت في الساعة 11 وحظر التجول خلاص على وشك وزميلي ساكن بعيد جدا

جينا نتصل بالمرور علشان أي ونش ييجي يسحب العربية ، ما حدش بيرد ... حاولت أجيب عربيتي وأزق العربية اللي راكنة صف تاني دي ، العربية ولا هي هنا ومكلبشة في الأرض ... جبنا شباب يحاولوا يشيلوا العربية برضه مفيش فايدة

استنينا ربع ساعة كمان وقلنا خلاص كفاية قوي كده رحنا مطلعين مفتاح عجل ودب دب على الإزاز لحد ما كسرناه ونزلنا الهاند وفكينا التعشيق وحركنا العربية ومشينا

مش عارف استعجلنا في كسر الإزاز و لا كان المفروض نستنا شوية؟؟ الواحد حاسس إنه نادمان شوية خصوصا إن العربية كانت لسه زيرو بكياس الصالون ، بس صاحب العربية استفزنا جداا :_Alshmokh08[1]:

صح جدا يا ريت اي حد يعمل زيك لحد مالناس تبطل العادة الزبالة دي

هو غلطان بس
بأمانه لو انت مكانه هاتزعل ولا هاتعمل ايه ؟؟

عداك العيب و قزح

ده راكن صف تاني

و معشق

و معشق اوتوماتيك كمان

يعني مفيش دم

و يا ريته دقيقتين و خارج

و كمان دورت عليه في كل حتة


بالذات انكم فكيتوا التعشيقة يعني مش عربية محتاجة تعشق عشان تطلع المفتاح

ما يخليها ممورة و يحجر !!!!

و صاحبك لو كان بات في الشارع و لا الجيش اعتقله بسبب الحظر ماكانش حد نفعه

ارمي ورا ضهرك هو يستاهل

اقتباس:

---

المشاركة الأصلية كتبت بواسطة razini89

هو غلطان بس
بأمانه لو انت مكانه هاتزعل ولا هاتعمل ايه ؟؟

---

انا عمري ما اقفل على حد و اعشق فرامل و فتيس كمان و يا ريتني دقيقة و خارج و لا حتى سايب خبر ......

اقتباس:

---

المشاركة الأصلية كتبت بواسطة razini89

هو غلطان بس
بأمانه لو انت مكانه هاتزعل ولا هاتعمل ايه ؟؟

---

أنا عمري ما بركن صف تاني إلا للضرورة القصوى ولو ركنت صف تاني بسيب العربية ممورة ولو اضطريت أرفع الهاند بكون اللي هو داخل أشتري حاجة في دقيقتين وأطلع علطول

ينفع أركن عربيتي وسط الشارع واسيب الناس تولع بجاز؟؟؟

اقتباس:

---

المشاركة الأصلية كتبت بواسطة أحمد كمال

عداك العيب و قزح

ده راكن صف تاني

و معشق

و معشق اوتوماتيك كمان

يعني مفيش دم

و يا ريته دقيقتين و خارج

و كمان دورت عليه في كل حتة


بالذات انكم فكيتوا التعشيقة يعني مش عربية محتاجة تعشق عشان تطلع المفتاح

ما يخليها ممورة و يحجر !!!!

و صاحبك لو كان بات في الشارع و لا الجيش اعتقله بسبب الحظر ماكانش حد نفعه

ارمي ورا ضهرك هو يستاهل

---

يا باشا والله الواحد طول عمره ما بيحبش العنف ، ولا بعرف حتى أمسك حديدة في إيدي والله ، بس ساعة الاضطرار الواحد بيعمل أي حاجة ، بس بيحس بندم على الموقف ده ، خصوصا إن أول مرة في حياتك تعمل حاجة زي كده

عموما جزاك الله خيرا على رفع معنوياتي ، الواحد كان فعلا زعلان ومتضايق

هو حضرتك كسرت انهي ازاز ؟؟
هو حقك أكيد لانك مش هتسيب عربيتك ولا هتبات في الشارع
بس انا لو مكانك مكانش هيجيلي قلب أعمل كدة لان زي ما بتقول العربية جديدة وممكن يكون واحد لسة بيتعلم السواقة او جديد عالاوتوماتيك فميعرفش انها بتتمور

بس ما تحاولش تحط نفسك مكانه لاني لو قفلت على واحد بالطريقة دي يبقى استاهل اللي يجرالي

اقتباس:

---

المشاركة الأصلية كتبت بواسطة ralliart

هو حضرتك كسرت انهي ازاز ؟؟

---

أكيد هيكون إزاز الباب ، وكمان باب اللي جنب السوق مش باب السواق علشان حتى تبقى الأضرار أقل

وصدقني والله ما فكرنا في الحل ده غير بعد ما جربنا كل حاجة ممكنة

طبعا و مع كل التقدير لغضبكم و لسوء الفعل من هذا الشخص
الا ان من باب (( من افسد شئ عليه اصلاحه ))
فتترك حضرتك رقم تليفون له كي تبرء ذمتك امام الله
و لك مطلق الحرية في ان تطالب انت الاخر بما يرضيك من ترضية من هذا الرجل الخاطئ و هذا مجرد رأيي الخاص

م.حاتم السباعي

بارك الله فيك

اقتباس:

---

المشاركة الأصلية كتبت بواسطة hagan

طبعا و مع كل التقدير لغضبكم و لسوء الفعل من هذا الشخص
الا ان من باب (( من افسد شئ عليه اصلاحه ))
فتترك حضرتك رقم تليفون له كي تبرء ذمتك امام الله
و لك مطلق الحرية في ان تطالب انت الاخر بما يرضيك من ترضية من هذا الرجل الخاطئ و هذا مجرد رأيي الخاص

م.حاتم السباعي

---

رأي حضرتك فوق راسي من فوق

لكن هو يدفع تمن غلطته
لو صاحبي استنى أكتر من كده وجت ساعة الحظر واتحبس فيها ست شهور؟؟
وبعدين هو أصلا ساكن بعيد في حتة نائية وممكن يتعرض لخطر البلطجية والعربية تتسرق منه؟؟

يعني عطلة + عرضة للخطر بسبب تأخيرنا

هوه غلطان من ساسه لراسه لأن ممكن اللي هوه زانق عليه يجيله اي ظرف طارئ
بس الأمور ما تتحلش كده و لا بالأسلوب ده
بصراحة أنته غلطان
و أستغفر ربنا و كفاية شعورك بالندم دي حاجة كويسة جدا

اقتباس:

---

المشاركة الأصلية كتبت بواسطة ramy87

هوه غلطان من ساسه لراسه لأن ممكن اللي هوه زانق عليه يجيله اي ظرف طارئ
بس الأمور ما تتحلش كده و لا بالأسلوب ده
بصراحة أنته غلطان
و أستغفر ربنا و كفاية شعورك بالندم دي حاجة كويسة جدا

---

طيب ياريت تقول لي لو انت مكانه كيف ستتصرف .

انا مش عارف اقول لك ايه

بس لو كان صاحب العربيه جه وانت بتكسر الازاز

يا ترى الموقف كان هايبقى ازاي وهل كنتوا هاتروحوا قبل الحظر مش عارف بصراحه

بس انا عندي احساس ان الدنيا بقت عامله زي صنيه الكنافه اللي محشيه طرشي

مش عارف أقولك إنت صح و لا غلط
بس أنا مرة حصلي الموقف ده
و وقفت ساعتين و والدي كان مستنيني في الشارع أعدي عليه
و كانت عربية سكودا a4
لغاية لما ساعدني 5 رجالة شيلنا العربية من مكانها و طلعت و رجعناها مكانها تاني
بصراحة كنت فعلاً عايز أكسر الإزاز
بس مقدرتش و خفت لأكون ظالم له

اقتباس:

---

المشاركة الأصلية كتبت بواسطة frhateg

طيب ياريت تقول لي لو انت مكانه كيف ستتصرف .

---

+1111111111111111111111

فعلا أنا مش عارف أرد ازاي

الناس بتتكلم وهي قاعدة في بيتها واحنا قاعدين في الشارع بنتكتك من البرد وطالعين من الشغل قرفانين وعايزين نروح ، وزميلي ساكن بعيد في حتة مقطوعة وقدامة ساعة ولا ساعة ونص على ما يروح ، ويا إما يتعرض لخطر الحظر أو خطر البلطجية ،

قولوا لي لو كنتوا مكاننا هتعملوا ايه؟

لو الوقت كان نهار ومافيش حذر تجول لايوجد بديل عن العنف
لكن التوقيت كان حرج وما فيش بديل لانه اكيد ركن وهايبات وطلع ينام يبقى انا معاك فى التكسير بشروط
اهمها تأمين العربية من السرقة باى حل مؤقت مثل وضع غطاء او كسوة على العربية لاخفاء الزجاج المكسور اللى هايشجع طبعا اللصوص او لفت نظر الحارس لحراستها حتى الصباح ولو من بعيد واعطاءه مبلغ من المال نظير الحراسة

وارجع تانى يوم وادور عليه واعرض عليه الموقف والاسباب واشوف اللى يرضيه

اقتباس:

---

المشاركة الأصلية كتبت بواسطة moh.abdelbaset

ا و طلعت و رجعناها مكانها تاني
بصراحة كنت فعلاً عايز أكسر الإزاز
بس مقدرتش و خفت لأكون ظالم له

---

جبنا 8 رجالة وماعرفناش نعمل حاجة

اقتباس:

---

المشاركة الأصلية كتبت بواسطة zyadahmed

لو الوقت كان نهار ومافيش حذر تجول لايمكن هافكر فى العنف
لكن التوقيت كان حرج وما فيش بديل لانه اكيد ركن وهايبات وطلع ينام يبقى ايه الحل الا التكسير
لكن مع تأمين العربية من السرقة باى حل مؤقت مثل وضع غطاء او كسوة على العربية لاخفاء الزجاج المكسور اللى هايشجع طبعا اللصوص او لفت نظر الحارس لحراستها حتى الصباح ولو من بعيد واعطاءه مبلغ من المال نظير الحراسة

وارجع تانى يوم وادور عليه واعرض عليه الموقف والاسباب واشوف اللى يرضيه

---

ده لو ساب العربية بتاعته لتاني يوم الصبح تبقى مصييييبة أكبر!!!!!!!!! :_Alshmokh08[1]:
يعني هنستناه للصبح؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

معلش لو أنا عملت حركة زي دي ولقيت إزاز عربيتي مكسور والله العظيم هتكسف على دمي ولو عرفت أوصل للراجل اللي كسر إزازي هعتذر له على التأخير والعطلة اللي سببتهاله

هي كانت نوعها ايه دي اللي مش عايزة تتحرك دي

انا دايما لو اضرتني الظروف للركن صف تاني وعلي منزل مثلا لازم اشد الهاند
حاطط ورقه في اجنده العربيه فيها اسمي ورقم موبايلي
بحطها علي الازاز
وبحاول انجز علي اد ما اقدر

انما اعمل اللي هوا عمله ده
بصراحه هوا يستاهل
بس انا لو مكانك بصراحه مكنتش كسرت الازاز
كنت حفضل واقف
بس بردو معرفش لو كانت المده طولت مثلا ساعه ولا ساعه ونص
كنت عملت ايه
ساعتها الواحد مبيبقاش في وعيه اصلا
بيكون عصبي جدا

عالعموم انتا مش غلطان
حتي لو مكنش فيه حظر
وكنت الصبح

كنت حاول تزقها بعربيتك او حاجة او كنت تقطرها تشدها شوية

بشس انت شكللك عملت كل حاجة بس انا لو مكانك دمى هيفور جدا جدا ولو مكانة دمى هيفور جدا جدا جدا
وبرضة زى مفرض احد الاعضاء الكرام ان ممكن يكون لسة جديد وميعرفش انها انها بتتمور او ممكن يكون نسى يمورها

بس خلاص قد سبق السيف العزل

بس كدة البوابين اللى انت سالتهم ممكن يقولوا لصاحبها لو كان من المنطقة وهتبقى عركة كبيرة :))

محدش بيتعلم ببلاش
هو ده تمن انه يكون عنده احساس بغيره و يركن العربية عدل و ما يعشقش و لا يشد فرامل و يعدل الكاوتش
ياريت يكون استفاد حاجة من هذا الدرس

نوعها ايه العربية الى 8 رجالة معرفوش يزقوها دى ؟؟؟؟؟؟

بأمانة يستاهل حتي لو بيتعلم التعليم مش ببلاش
ومع إحترامي للناس إللي بتقول لو كنت مكانه
بلاش نبقي سلبيين وبالذات دي حاجة معروفة للكل إنها غلط
والراجل عمل إللي عليه وسأل الناس إللي فالمنطقة الأول وحاول يشيلها
أنا ساعات بركن بعد المكان إللي بنزل فيه لمشوار معين بشارع علشان متعرضش لموقف زي ده
ولصاحب الموضوع لو حضرتك حاسس بتأنيب الضمير
لو روحت تاني للمنطقة إللي كانت فيها العربية دي وقابلت صاحبها إشرحلوا الموقف وعاتبه وفهمه إن إللي عملوا أصلآ غلط
وللأسف ده كان عقابه
وأظن الراجل لو عنده دم من بتاع بعد 25 يناير هيتفاهم بسهولة
ولو حصل أي حاجة غير كده
إنسي إني قولتلك الكلمتين دووول
:bye:

مش غلطان طبعا
ده انا ببقي راكن جنب الرصيف وبحط ورقه علي القزار فيها رقم تليفوني يمكن حد يركن قدامي او ورايا وييجي حد يقفل عليه وميعرفشي يطلع فيتصل بيا اطلعه

بس انت كنت ممكن تشوف اي عربيه نقل مثلا او جيب واي بواب كان كتف العربيه من ورا وكنت جرتها شويه وكانت هتمشي غصب عن اللي صنعها وكنت تريح دماغك

انا مره كنت راكن قدام مكان وتقريبا كان مخزن وروحت يوم من الشغل لقيت العربيه نصها في الشارع بالعرض والباشا عشان يوقف عربيته قدام المخزن قام زاققها باكصدام الشيروكي من ورا مطبقلي الحته اللي فوق الفانوس اللي وار ولما زهق قام جاب حبل وشدها وسابها في عرض الطريق