مقبل على شراء سيارة وأرجو النصيحة

**hamlet76** · 07-04-2008 03:43 AM

السلام عليكم ورحمة الله وبركاته
أرجو من الإخوة جميعا مشاركتي في حيرتي حيث أنني مقبل على شراء سيارة جديدة بنظام القسط كي ترحمني وعائلتي الصغيرة من زحام المواصلات وأفكر في ثلاث أو أربع سيارات هي رينو كليو وبروتون جي 2 ونيسان صني ولانسر 1300 ..
برجاء من يعرف عيوب ومزايا تلك السيارات افادتي بالنصح
وشكرا للجميع

**sa3dawy** · 07-04-2008 03:54 AM

الف مبرووك مقدما
ثانيا ياريت تجيب تجيب ياريس والله عربية كفاءة وتوكل على الله
انما لو من المجموعة دى بس يبقة بروتون جين 2 طبعاااااااااااااااااااااا اااااااااااااااااااا وبلا تردد

**hamlet76** · 07-04-2008 03:58 AM

شكرا أخ سبعاوي على النصيحة لكني سمعت وجود بعض الملاحظات على الجين الآن وأنا اتصفح الانترنت حيث شكا الكثير من العفشة خصوصا أننا في مصر نعيش في بلد بها الكثير من المطبات والطرق غير الممهدة

**fahd_628** · 07-04-2008 04:54 AM

السلام عليكم

مبدأيا انا رأى تستبعد الكليو لأنها مش فى المقارنة خالص :)

بص بقى

الجين 2 حتاخد منها سحب و ثبات و قوة صاج و كماليات مش موجودين فى العربيات الباقية و وسعها الداخلى معقول جدا مش ديقة و مش واسعة و الشنطة جميلة و عفشتها مسمعتش ان فيها مشاكل خالص و العربية عالية و مش بتحك فى المطبات

الصنى سيارة جميلة برضة محرك كويس و ثبات كويس و كماليات كويسة للسوبر صالون بس عيبها انها تقفيل مصرى فا ممكن تتوقع اى حاجة + ان مكونات مصرى داخلة فيها و للأسف المكونات دية مش بجودة عالية زى اليابانى مثلا واحد معانا فى المنتدى العربية ظهر فيها بقع بيضاء و دة لأن كان فية حاجة غلط فى الدهان و كمان مش لوحدة واحد تانى حصل معاة نفس الحكاية
بس فى المجمل العربية ممتازة برضة و الوسع الداخلى معقول مش واسعة اوى برضة و مش ضيقة

الانسر انا رأى بلاش الا اذا كنت عاوز تدفع 100 الف فى عربية 1300 سى سى مانيوال و كمالياتها مش كتيير لأن بصراحة سعرها بقى عالى جدا و حرام يتدفع فيها كدة

**hamlet76** · 07-04-2008 05:38 AM

شكرا لك عزيزي فهد على هذه المعلومات الرائعة .. بس ايه رأيك في هيونداي ماتريكس؟؟؟

**cazanova555** · 07-04-2008 05:58 AM

كلام فهد صح بس في حاجه

انا مش شفت حد اشتكي من الانسر خالص بجد هي عربيه تمام

بس انا لو منك اجيب بروتن

**hazem_khidr** · 07-04-2008 06:32 AM

تعالي نمسكهم واحده احده
1.الرينو علي راي فهد بلاش منها انت راجلصاحب عيال و بيتك اولي بالوقت و بالمصاريف اللي حتتصرف في صيانتها :)
2.الجين تو حلوه و اثبتت نفسها و كل كلام فهد كويس بس قطع غيارها لسه غليه و محتاجه توكيل برضه في كل حاجه و استهلك بنزين متوسط لكن دايما محتاجه بنزين 92
3.الصني عربيه ممتازه و خصوصا للعائله لكن استهلاك بنزينها عالي شويه.
4.اللانسر عربيه ممتازه و اثبتت وجودها لكن موديلها قدم و دي نفس مشكله الصاني ان الشكل بقي قديم بالنسبه للموديلات الحديثه.
.......................
رايي الشخصي كعائله
ياريس
لانسر
صني
شوف انت حترتاح في مين

**Hassan Khalil** · 07-04-2008 12:58 PM

كلام جميع الاخوة ممتاز .. و فهد و حازم اجادوا و افادوا .. و لو تسمحلي اكمل علي كلامهم ..
انت عايز ايه من العربية .. عايز شكل .. شبابي و اللا كلاسيكي ؟؟ .. عايز اتساع .. صالون و اللا شنطة .. ؟؟ عايز توفير للبنزين ؟؟...عايز سعر منافس ؟؟؟ ..بتفكر في سعر اعادة البيع عشان حتبيع قريب ؟؟
علي حسب احتياجاتك تحدد عربيتك .. و متفكرش تطلع بره محيط احتياجاتك و امكاناتك احسن حتتعب جدا ..
* اللانسر .. جميلة بس يا ريت تبعدها احسن اصبحت مغالي فيها جداجدا .. و الاوتوماتيك في 1300 مش أد كده .
* الياريس .. ممتازة بشهادة ملاكها .. و انا ركبتها مرة .. و ماشاء الله .. جميلة .. محرك ممتاز .. سحبه جيد جدا حتي في الاوتوماتيك ..استهلاك بنزين قليل .. تكييف رائع.. اتساع جيد جدا للصالون و الشنطة .. لكن سعرها ارتفع مؤخرا .
* الصني .. صفقة رابحة .. مميزاتها اعلي من العيوب الظاهرة فيها حتي الان .. موضوع الدهان لغاية دلوقتي لم يثبت انها سمة متداولة في النيسان .. موتور و فتيس ياباني .. عربية شياكة كلاسيكية الطبع .. سعرها لغاية دلوقتي كويس جدا .. انتشارها زاد مؤخرا .. شنطة واسعة جدا .. صالون مناسب و ضيق قليلا من الخلف لاصحاب القامات الطويلة .. استهلاك بنزين عالي شوية .
*الجين 2 ... شكل شبابي شبابي .. عربية جيدة الصنع .. بعض الزملاء بيقولوا فيها عيوب تقفيل لكن انتهت مع بداية موديلات 2007 ... سعر منافس جدا بالنسبة لامكاناتها.. شنطة محترمة بالنسبة لعربية هاتشباك .. صالون مريح من الامام .. و ضيق قليلا من الخلف .. لكن مش الضيق اللي يخلي القعدة صعبة .. استهلاكها للبنزين معقول جدا ( تجربتي الشخصية )
مش حاعرف اتكلم علي الرينو لاني معرفش عنها حاجة و مركبتهاش و لا سوقتها اصلا .
********
ممكن لو متقبل شكلها تدخل الهوندا سيتي 1300 في حساباتك .. و بعدين تصغر المقارنة في عربيتين بس ..و تستخير ربنا سبحانه و تعالي .. و نباركلك قريبا :)

**hfekry** · 07-04-2008 01:13 PM

عن نجربة بلاش "الكليو" .
خليك فى الياريس أو الانسر

**tutankhamoun** · 07-04-2008 01:32 PM

السلام عليكم

بالنسبة للنيسان صني
................ سيارة ممتازة و تعد من أفضل ما تم تجميعه في مصر و كل الكلام اللي أحنا بنسمعه عليها علشان مصنوعة في مصر بس .... إنما لو كل العيوب دي ظهرت فيها و هي ياباني مكنش حد فتح بقه عليها
إنما هي في كل حاجة ممتازة و يعيبها الإستهلاك للوقود فقط

ميتسوبيشي لانسر
سيارة أكثر من رائعة و لكنها مشهورة على حساب سيارات أفضل منها .... و سعرها عاليييييييييييييييييييييي يييييي جدا

رينو كليو

كسيارة جيدة و لكن سمعة غلو قطع الغيار و الصيانة تجعلها خارج حساباتك

الوحش الأسد ..... جيــــن 2
محرك فظيع في السحب
موفر في البنزين بطريقة لن تصدقها عند القيادة الهادئة
قطع غيار متوفرة و لن تحتاج إلى التوكيل في أشياء كثيرة و تباع في شارع دمشق و عند أولاد منصور في الجيزة و أسعارها لا تزيد عن أي سيارة جديدة
مثلا تيل فرامل أمامي و خلفي بحوالي 300 جنيه مصري لا غير
شنطتها واسعة
ثبات على الطريق و في المنحنيات على سرعات عالية رهيب
موضوع التقفيل ( رائع و لا يوجد به أي عيوب في موديلات 2007 )
و حتى و إن ظهر عيوب فبتكون بسيطة مثل زرار معلق أو زجاج كهرباء علق و كل هذه العيوب التي ظهرت في موديلات 2006 كان يتم تصليحها مجانا في التوكيل
و زي ما قلت ......... موديلات 2007 لا يوجد بها عيوب
راجع هذه المواضيع عن جين 2
http://www.nilemotors.net/Nile/showthread.php?t=10677
http://www.nilemotors.net/Nile/showthread.php?t=10722
http://www.nilemotors.net/Nile/showthread.php?t=2266
http://www.nilemotors.net/Nile/showthread.php?t=2504
http://www.nilemotors.net/Nile/showthread.php?t=20079
http://www.nilemotors.net/Nile/showthread.php?t=20056
-----------------------------------------------------------------

و أنا رأيي الشخصي إنك تجيب
هوندا سيتي 1300 سي سي
محرك موفر في البنزين ........... و رهيب ......... و قوي و سحبه عالي

و بعدين تمشي عائلي و تمشي شبابي برضه

إنما لو عايز تختار من القائمة أو أي عربية تانية يبقى عندك 3 أختيارات
1 نيسان صني ( لو مش هامك موضوع الإستهلاك العالي للوقود )
2 جين 2
3 الرائعة هوندا سيـــــــــــتي
-------------------------------------------------------------------------------
و في رأيي تبعد عن اللانسر 1300 بسبب الثمن المبالغ فيه و أيضا ابعد عن التويوتا ياريس بسبب السعر المبالغ فيه تحقيقا لمبدأ المقاطعة الذي طالب به الأخوة على صفحات منتدى نايل موتورز
حتى يعيد توكيل تويوتا و توكيل ميتسوبيشي مراجعة سياسة التسعير لديهم
و شكرا و أرجوا أن أكون أفدت

الموضوع: مقبل على شراء سيارة وأرجو النصيحة

LinkBack

أدوات الموضوع

عرض

-

-

-

-

المواضيع المتشابهه

مقبل على شراء اوكتافيا 98 اوتوماتيك وطالب النصيحة

مقبل على شراء سيارة..اريد بعض الاستفسارات

مقبل على شراء سيارة!وعايز استفسارات من اهل الخبرة

اسئلة للمتخصصين فى المنتدى ... تهم كل مقبل على شراء سيارة

أرغب في شراء ميجان... وأرجو النصيحة

الكلمات الدلالية لهذا الموضوع

المفضلات

المفضلات

ضوابط المشاركة