هتجوزوهسافر ماليزيا ويا ريت بعض معلومات .

**محمد جلال** · 03-03-2011 12:41 AM

[justify]ان هتجوز 10/3/2011 بعد تأجيل بسبب الاحداث الاخيرة وهسافر ماليزيا وحجزت خلاص فأرجو لو حد عنده معلومات عن البلد الاسعار المواصلات الناس هناك ايه نظامهم فى التعامل عملتهم = كام دولار المطاعم اى حاجة ممكن تساعدنى فى رحلتى انا رايح كولالمبور 3 ايام وبعد كده جزيرة لينكاوى 5 ايام وهاخد طيران الخليج للكويت وهنزل هناك وهكمل بعد كده لكولالمبور والعودة بنفس الشكل وبالنسبة لموضوع الجيش ماليزيا ملهاش تأشيرة دخول ولازم اخد تصريح بالسفر حد يعرف اعمل ايه او نمرة خدمة المواطنين بمنطقة التجنيد ولكم كل الشكر[/justify]

**eng/muhamad** · 03-03-2011 01:23 AM

الف مبروك
و بالنسبه لتصريح السفر لازم تروح منطقه التجنيد
انا عاوز اعرف حضرتك حاجز تبع شركه سياحه و لا لوحدك و لا ايه النظام
و الموضوع اتكلف كام ؟
و حضرتك متاكد ان ماليزيا ملهاش تاشيره؟

**Tarek Gen 2** · 03-03-2011 04:27 AM

المشاركة الأصلية كتبت بواسطة tamergalal

[justify]ان هتجوز 10/3/2011 بعد تأجيل بسبب الاحداث الاخيرة وهسافر ماليزيا وحجزت خلاص فأرجو لو حد عنده معلومات عن البلد الاسعار المواصلات الناس هناك ايه نظامهم فى التعامل عملتهم = كام دولار المطاعم اى حاجة ممكن تساعدنى فى رحلتى انا رايح كولالمبور 3 ايام وبعد كده جزيرة لينكاوى 5 ايام وهاخد طيران الخليج للكويت وهنزل هناك وهكمل بعد كده لكولالمبور والعودة بنفس الشكل وبالنسبة لموضوع الجيش ماليزيا ملهاش تأشيرة دخول ولازم اخد تصريح بالسفر حد يعرف اعمل ايه او نمرة خدمة المواطنين بمنطقة التجنيد ولكم كل الشكر[/justify]

انا اصحابى فى منتدى بروتون لسة راجعين من ماليزيا من رحلة لمدة 10 ايام لسة راجعين منها من اسبوعين تلاتة كدة
حط الموضوع فى قسم بروتون و وجهه لايمن عادل او عبد الرحمن هيجاوبوا كل اسألتك

**MohssenRashed** · 03-03-2011 08:12 AM

الف مبروك يا باشا ان شاء الله

انا لسه راجع من تايلاند و ماليزيا من 4 ايام.

انا قعدت 3 ايام بس في كوالا بص ياسيدي العملة بتعتهم اسمها رينجت = 2 جنية مصري.

المواصلات هناك تاكسيات بس اسعارهم غالية على حسب الوقت ( يعني وقت خروج الاشغال وكدة بيبقى غالي).

بالنسبة للاكل فدي حاجة سهلة خالص خصوصا ماليزيا الاكل كلة حلال و هتلاقي بادج ( حلال) ملزوق في معظم محلات الاكل.

فعلا ماليزيا ملهاش فيزا بس لازم تصريح سفر من الجيش عشان مصر مش ماليزيا.

لو مسافر مع الكويتية اعمل حسابك ان مواعيدهم وحشة جدا.

لو في اي استفسار تاني انا تحت امرك

**محمد جلال** · 05-03-2011 07:54 PM

المشاركة الأصلية كتبت بواسطة eng/muhamad

الف مبروك
و بالنسبه لتصريح السفر لازم تروح منطقه التجنيد
انا عاوز اعرف حضرتك حاجز تبع شركه سياحه و لا لوحدك و لا ايه النظام
و الموضوع اتكلف كام ؟
و حضرتك متاكد ان ماليزيا ملهاش تاشيره؟

الله يبارك فيك والتصريح ممكن يطلع من مكتب التجنيد اللى تبع المحافظة عندنا فى السويس ولا من حلمية الزيتون ولا الزقازيق وانا حاجز تبع شركة سياحة اسمها توماس كوك والموضوع اتكلف 17860 جنيه مصرى لفردين فى فنادق 4 نجوم وماليزيا ملهاش تأشيرة فالمطلوب لو رحت مكتب التجنيد اروح اقولهم انا مسافر للجهة الفلانية بدون تأشيرة واكيد بيكونوا عارفين بس هقولهم مسافر ماليزيا هيدونى التصريح بدون طلب اى اثبات على سفرى مش عارف واشكرك .

**محمد جلال** · 05-03-2011 08:44 PM

المشاركة الأصلية كتبت بواسطة mohssenrashed

الف مبروك يا باشا ان شاء الله

انا لسه راجع من تايلاند و ماليزيا من 4 ايام.

انا قعدت 3 ايام بس في كوالا بص ياسيدي العملة بتعتهم اسمها رينجت = 2 جنية مصري.

المواصلات هناك تاكسيات بس اسعارهم غالية على حسب الوقت ( يعني وقت خروج الاشغال وكدة بيبقى غالي).

بالنسبة للاكل فدي حاجة سهلة خالص خصوصا ماليزيا الاكل كلة حلال و هتلاقي بادج ( حلال) ملزوق في معظم محلات الاكل.

فعلا ماليزيا ملهاش فيزا بس لازم تصريح سفر من الجيش عشان مصر مش ماليزيا.

لو مسافر مع الكويتية اعمل حسابك ان مواعيدهم وحشة جدا.

لو في اي استفسار تاني انا تحت امرك

الله يبارك فيك يعنى يكون معايا بدجت اد ايه للرحلة دى وكنت بتدفع كام للتاكسيات فى العموم واسعار الاكل ايه اخبارها والهديا هناك اسعارها ايه اخبارها
فعلا ماليزيا ملهاش فيزا بس لازم تصريح سفر من الجيش عشان مصر مش ماليزيا.
والتصريح ممكن يطلع من مكتب التجنيد اللى تبع المحافظة عندنا فى السويس ولا من حلمية الزيتون ولا الزقازيق
ولو رحت مكتب التجنيد اروح اقولهم انا مسافر للجهة الفلانية بدون تأشيرة واكيد بيكونوا عارفين بس هقولهم مسافر ماليزيا هيدونى التصريح بدون طلب اى اثبات على سفرى مش عارف واشكرك .

**Ahmed_Elkhateb** · 06-03-2011 01:16 AM

يا فاندم المفروض ان شركة السياحة هيا اللى بطلعلك التصريح وبتعمل كل حااااااااجه وتجيب التأشيرة وكل حاجه انا شغال فى شركة سياحة وفى قسم عندنا مختص بالرحلات الخارجى ديه وبيعمل الحجات ديه

**elfashn** · 06-03-2011 01:40 AM

اولا الف مبروك. ثانيا انا مسافرتش ماليزيا بس انا مرشد سياحى وعالطول بشتغل مع ماليزيين وعندى فكره بسيطه عن الحياه هناك.ماليزيا جميله جدا وخصوصا لينكاوى حاجه كده اجمد من شرم الشيخ عندنا على الصور الى انا شفتها+الاكل هناك رخيص ارخص من مصر وكل انواع الاكل هتلاقيها هناك والاكل بتاعهم لذيذ جدا جدا اصل انا مجربه اخر مره سألت على الرنجت كان ب1.5ج معرفش بقى وصل 2 ج فى الاحداث الاخيره دى ولا ايه عموما اهل البلد 3 انواع ملاي ودول السكان الاصليين للبلد ومعظمهم مسلمين والنوع التانى الصينى ودول بلا دين او مسيحين والنوع التالت الهنود بس كلهم طيبين اعمل حسابك فى الشوبنج لآن البلد تهبل فى كل حاجه وروح برجين بتروناس ده سيتى ستارز بتاعهم بس حاجه ملهاش حل.خلى بالك باليل متأخر ممكن يبقى فيه سرقات ومعظمها بينتش الحاجه منك وانت ماشى وهو بيبقى راكب موتسيكل فبلاش العروسه تبقى لابسه سلسه او ساعه شكلها غالى او حتى شنطه شكلها غالى ومتساش تروح السوق الصينى هناك وفاصل جامد جدا على اد متقدر وخلى بالك الصينين ليه حركات بيغشو بيها يعنى ممكن تيجى تشترى حاجه ولما تروح تلاقى فى الشنطه حاجه تانيه.الاجهزه الالكترونيه هناك اخر حاجه وارخص من مصر بكتير.اه بالنسبه لموضوع تصريح السفر لازم تروح التجنيد وممكن تاخد معاك تذكرة السفر لآثبات الوجهه وميعاد السفر. وفعلا ماليزيا مش بتحتاج فيزا تروح وتيجى بالسلامه وشهر عسل سعيد

**محمد جلال** · 08-03-2011 03:12 PM

المشاركة الأصلية كتبت بواسطة ahmed_elkhateb

يا فاندم المفروض ان شركة السياحة هيا اللى بطلعلك التصريح وبتعمل كل حااااااااجه وتجيب التأشيرة وكل حاجه انا شغال فى شركة سياحة وفى قسم عندنا مختص بالرحلات الخارجى ديه وبيعمل الحجات ديه

اشكرك وفعلا هما عملوا كل حاجة ماعدا التصريح لازم انا اللى اعمله

**محمد جلال** · 08-03-2011 03:23 PM

المشاركة الأصلية كتبت بواسطة elfashn

اولا الف مبروك. ثانيا انا مسافرتش ماليزيا بس انا مرشد سياحى وعالطول بشتغل مع ماليزيين وعندى فكره بسيطه عن الحياه هناك.ماليزيا جميله جدا وخصوصا لينكاوى حاجه كده اجمد من شرم الشيخ عندنا على الصور الى انا شفتها+الاكل هناك رخيص ارخص من مصر وكل انواع الاكل هتلاقيها هناك والاكل بتاعهم لذيذ جدا جدا اصل انا مجربه اخر مره سألت على الرنجت كان ب1.5ج معرفش بقى وصل 2 ج فى الاحداث الاخيره دى ولا ايه عموما اهل البلد 3 انواع ملاي ودول السكان الاصليين للبلد ومعظمهم مسلمين والنوع التانى الصينى ودول بلا دين او مسيحين والنوع التالت الهنود بس كلهم طيبين اعمل حسابك فى الشوبنج لآن البلد تهبل فى كل حاجه وروح برجين بتروناس ده سيتى ستارز بتاعهم بس حاجه ملهاش حل.خلى بالك باليل متأخر ممكن يبقى فيه سرقات ومعظمها بينتش الحاجه منك وانت ماشى وهو بيبقى راكب موتسيكل فبلاش العروسه تبقى لابسه سلسه او ساعه شكلها غالى او حتى شنطه شكلها غالى ومتساش تروح السوق الصينى هناك وفاصل جامد جدا على اد متقدر وخلى بالك الصينين ليه حركات بيغشو بيها يعنى ممكن تيجى تشترى حاجه ولما تروح تلاقى فى الشنطه حاجه تانيه.الاجهزه الالكترونيه هناك اخر حاجه وارخص من مصر بكتير.اه بالنسبه لموضوع تصريح السفر لازم تروح التجنيد وممكن تاخد معاك تذكرة السفر لآثبات الوجهه وميعاد السفر. وفعلا ماليزيا مش بتحتاج فيزا تروح وتيجى بالسلامه وشهر عسل سعيد

الله يبارك فيك واشكرك على المعلومات الجميلة سؤال اخير عندهم بيستخدموا نفس المخارج او المقابس الكهربائية ونفس الفولت ولا لاً علشان اخد الشاحن وشاحن ماكينة الحلاقة وشاحن الكاميراوبجد افدتنى واشكرك بعمق .

الموضوع: هتجوزوهسافر ماليزيا ويا ريت بعض معلومات .

LinkBack

أدوات الموضوع

عرض

هتجوزوهسافر ماليزيا ويا ريت بعض معلومات . - انشر الموضوع فى :

-

-

-

-

-

-

-

-

المواضيع المتشابهه

امريكا ولا ماليزيا ؟

صور من ماليزيا

بروتون واجا ماليزيا

صلاة الفجر في ماليزيا

تصدر ماليزيا .....

الكلمات الدلالية لهذا الموضوع

المفضلات

المفضلات

ضوابط المشاركة