محتاج مشورة فى الفورد فييستا 1998

**mohamedmmm2** · 03-03-2011 01:11 AM

السلام عليكم اولا..
انا كنت عاوز اشترى عربيه وبصراحه لقيت الفييستا سعرها عليها رخيص جدا على انى يبقى معايا عربيه امريكى فول اوبشن شكلها كويس وكمان 1300 وانجكشن
وبصراحه انا معروض عليا واحدة كويسه فابريكه برا وجوا وعامله 99000 كيلو موديل 1998 وممكن تخلص على 25000

بس انا بصراحه خايف من الفورد بصفه عامه عشان اسمع ان قطع غيارها غاليه شويه وفيه حاجات صعب تلاقيها شويه وكدة.. وانا كمان لسه بابتدى ف ياترى هاقدر على قطع غيارها ولا لا

علما انى كان معايا فيات سيينا و بولو 2009 حاليا (بتاعه والدى) وقطع غيار السيينا كانت غاليه شويه بس كنت اقدر عليها بس البولو لا بصراحه

فاياريت النصيحه ولو حد يعرف اسعار قطع الغيار الدوريه (زى التيل والطنابير والمساعدين والجلب وكدة)
وكمان المشاكل المشهورة فيها (يعنى مسلا حساس بيبوظ بسرعه او منافولد او اى حاجه كذا حد اشتكى منها مثلا)

وشكرا

**aYaBooY** · 03-03-2011 07:33 PM

http://www.nilemotors.net/Nile/177966-a.html
الايجابات على سؤالك هنا
موضوع تقدر على قطع الغيار او لا ديه حاجة شخصية ترجعلك و فيه موضوع انا عاملة عن اسعار قطع الغيار و المصنعيات
لو فيه اي استفسار عن حاجة مش موجودة في المواضيع لو هاقدر اجاوبك عليها مش هاتاخر

**meda2711** · 07-03-2011 04:46 AM

بص
العربية دى جميلة جدا وهقولك مميزاتها وعيوبها

مميزاتها :
1-العربية صغيرة فال 1300 عليها مديها ما شاء الله اداء عالى جدا وسحب رهيب مع ثبات عالى جدا
2- طبعا لانها انجشكن فهى استهلالكها للبنزين ممتاز
3-شكلها جميل وجديد يعنى لسه شكلها محتفظ انها عربية جديدة مش قديمة زى الادا والشاهين وال 128 رغم ان ممكن يكونوا فى الموديل احدث
4-مريحة فى السواقة جدا كعادة العربيات الفورد يعنى الشياكة فى السواقة مع الراحة
5-شكلها داخليا جميل جدا وطابلوه انسيابى

عيوبها " وهى على فكرة عامة على معظم الفورد مش الفيستا بس"
1-قطع الغيار الى حد ما بالنسبة لناس كتير غالية جدا " طبعا الاصلى " بس الصلى هتجيبه وتنسى العيب ده ,
وطبعا فيه بدايل ارخص مش اصلى كويسة برضوا بس مش نفس خامة وجودة الاصلى

2-مش اى ميكانيكى يفهم فيها ,,, لازم حد متخصص فورد او حد فاهم فيها ومحافظها مش هيقعد يدور دى بتركب فين ولا مش عارف العيب ايه ...
انا عن نفسى بصلحها عند ميكانيكى مش متخصص فورد بس بجد حافظ الفورد وغيرلى فيها اجزاء صعبة وكان حافظ دى بتغير ازاى واماكنهم وكده من غير ما يفتى

3-بالنسبة لظبط الكهرباء الصعب لازم متخصص فورد لانها مش عربية عادية دى بتبقى بكنترول يونيت لازم يتظبط مش سلانسيه مثلا عادى ليه بيك ويتظبط بمسمار وخلاص لأ لازم ظبطة الكمبيوتر يرجعها ظبطة الفابريكة
اما الكهرباء العادية تيير لمبة والكلام ده فاى كهربائى يعمله او حتى انت

بس هى دى حكايتى مع الفيستا وبجد انا بنصحك تجبها لو شايف ان عيوبها مش عيوب بالنسبة لك وانها حاجة عادية

**meda2711** · 07-03-2011 04:49 AM

بالنسبة للمشاكل اللى انت قايل عليها فانا فعلا كانت عندى مشاكل فى الايدلر وغيرته والتى بى اس وغيرته والمنافولد وغيرته
بس ده طبعا من فترة ولما بيتغير العيب مش بيرجع تانى

وانا اقدر اقولك ان الايدلر والتى بى اس اقل نسبة حدوثا عن المنافولد لان المنافولد بتاعها فعلا مشكلة بس بيتصلح زى ما خبير القسم هنا aYaBooY كان عامل موضوع بالحل