محتاج استشاره بالله عليكوا بسرعه جدا جدا

**elmashtoly** · 03-03-2011 01:33 AM

بسم الله
ياجماعه فى قدامى عربيه فورد فيستا 98
الشكل الجديد محتاجه بس شغل فى الصالون
يعنى تنضيف وكده وممكن نقول مثلا لو حد عنده
فرش الباب نغيره خاالص يعنى الفرش اللى هوة فى الباب
من جوه الفرش كله مش الخارجى فقط اللى هوة فيه مكنه
رفع الزجاج الكهربا والزراير وكله على بعضه يعنى
علشان فى باب
او اتنين الفرش مقطع فقلت اغيرهم خاالص بكل اللى فيهم
هل الكلام ده ينفع والا لا واهم حاجه مين اللى يكون عنده الفرش ده
ديد او استيراد وياريا لو ارقام تليفونات حد له فى الصالونات بحيث عايز
اشد الصالون شده جامده ويعملهولى وكده وتقريبا التكلفه كام
بالله عليكم عايز اسماء وعناوين وارقام تليفونات بعد اذنكوا
وفى حاجه كمان مهمه اوى اوى العربيه لون الحوض مختلف عن
لون العربيه
الاصلى
وهوة بيقسم بالله انه مش مرشوش خالص وانه جاى بالشكل ده
وان فى عربيات فعلا بتنزل بالشكل ده وفعلا الشنب شكله
مش مختلف خاالص عن الاصلى ومفيهوش ولا خبطه
بس حاجه غريبه قلت اسالكوا هل فعلا ممكن تنزل مختلفه والا لا
لان مفيش اى حاجه تدل على انها مخبوطه او مغيره نص او حاجه
من الحاجات اللى تخوف دى
اسف على الاطاله واتمنى سرعه الرد لانى خلاص هشترى

**aYaBooY** · 03-03-2011 07:36 PM

http://www.nilemotors.net/Nile/177966-a.html
العربية لونها ايه من بره ؟؟؟ و ايه من جوة ؟؟؟؟
موضوع فرش الباب معرفش عنه اي حاجة بخصوص الجديد و اعتقد الاستيراد صعب تلاقيه هايبقي عاوز يبيبع الباب كامل بس ممكن اي سروجى يظبطهولك

**elmashtoly** · 04-03-2011 01:32 AM

العربيع من بره لونها فضى ولون الحوض
بالشنب ابيض
موضوع الابواب دى هل فى ارقام حد معين ممكن اتصل بيه
يقولى ممكن الاقيهم والا لا
والعربيه موديل 98 زى ما قلت حالتها كويسه بس الصالون عايز شغل
وشغل بسيط فى العفشه يعنى ممكن نقول
هتصرف الفين جنيه ومن غير تكييف وماتور استيراد
حالته كويسه جدا جدا معروضه عليا ب 20
ايه رايك

**aYaBooY** · 04-03-2011 01:59 AM

http://www.nilemotors.net/Nile/91508-a.html
لون الحوض بتاع الفيستا الفضي سمني و ليس ابيض
و موديل 98 منتج في المانيا و فيه امكانية فتح الشنطة من جوة زرار قدام الفتيس
الكمليات بتاعت الموديل ده تكييف باور زجاج كهرباء
موضوع موتور استيراد مش مهم بس يكون مثبوت في الرخصة
اكشف على العربية عند حد متخصص فورد مش في بنزينة و خلاص ديه نصيحة ليك
خبايا العربية ديه كتير
انا عامل عنها حزء خاص في المواضيع المهمة راجعة كويس

**elmashtoly** · 04-03-2011 05:09 AM

صراحه ياجوزيف انت موسوعه بجد
الف مليون شكر ليك والحوض فعلا لونه سمنى
مش متخيل ان حد هيقولى ان ده الطبيعى
هكشف عليها كويس جدا وانا كان معايا الشكل القديم منها
وهل الموديل ده كويس يعنى بما انه ايطالى اعتقد انه كويس
والماتور مثبوت على الرخصه فعلا والراجل جابه من سنه ونص
ورخصه 3 سنوات باقى من الرخصه سنه ونص ايضا
واسمحلى اتصل بيك استشيرك فى بعض الامور بقى
انا اخدت رقمك من موضوع الرابطه

**aYaBooY** · 04-03-2011 01:40 PM

اتصل انا تحت امرك بس اولا هيا الماني مش ايطالى
ثانيا هيا مختلفة اختلاف كلى عن الفيستا كلاسيك 1150 سي سي و لازم الي يكشفلك عليها يكون بتاع فرود و يكون كويس و خليه ياكدلك على كل مكونات الحوض يتاعها

**elmashtoly** · 04-03-2011 07:14 PM

المشاركة الأصلية كتبت بواسطة ayabooy

اتصل انا تحت امرك بس اولا هيا الماني مش ايطالى
ثانيا هيا مختلفة اختلاف كلى عن الفيستا كلاسيك 1150 سي سي و لازم الي يكشفلك عليها يكون بتاع فرود و يكون كويس و خليه ياكدلك على كل مكونات الحوض يتاعها

طيب انت رايك مين ممكن يكشفلى عليها كويس
انا من مدينه نصر وبروح بنزينه كالتكش اللى فى عباس
ايه رايك فيها بس هما بيكشفوا على شاسيه وعربيه من تحت ودواخل وكده لكن
مالهومش فى الماتور لانى رحت باللى قبلها قاللى
مالهوش فى ماتور الفورد مين اللى ممكن اروحله يشوفلى الماتور
ويشوفلى موضوع الحوض ده واسف تعبتك معايا

**aYaBooY** · 05-03-2011 03:21 PM

مدينة نصر اقرب واحد ليك حمدي ورا السرج مول

**samzm** · 10-03-2011 11:53 AM

[COLOR="Blue"]السلام عليكم ----- أريد الرأي والمشورة أنا عندي سيارة فورد اسكورت موديل 98 -- 1300 عاوز اسقط لها موتور 1600 فهل ياترى سوف تحتاج اي تعديل والافضل الكاربريتور ولا الانجكشن وتقريبا الموضوع ممكن يتكلف أد ايه ---وشكر ا ]

**abo_zied** · 11-05-2011 12:08 PM

المشاركة الأصلية كتبت بواسطة samzm

[color="blue"]السلام عليكم ----- أريد الرأي والمشورة أنا عندي سيارة فورد اسكورت موديل 98 -- 1300 عاوز اسقط لها موتور 1600 فهل ياترى سوف تحتاج اي تعديل والافضل الكاربريتور ولا الانجكشن وتقريبا الموضوع ممكن يتكلف أد ايه ---وشكر ا ]

عملت ايه غيرت الكوتور ولا لانى نفس الحكاية عايز اغير الموتور ومش لاقى 1300 كل لما ادور بلاقى 1600