سؤال بخاطرى لا أجد له إجابة جازمة من حولى

**chato_eg** · 03-03-2011 02:56 AM

لو رحلت الحكومة الحالية بكامل وزارئها...هل ده يعنى رحيل المشير طنطاوى بصفته وزيرا للدفاع أيضا ؟؟

بفرض الإجابة بنعم ..تفتكروا الموضوع هيتم بالسلاسة دى...

حتى الآن لم تمس الجيش أية تغييرات و لا سطحية حتى...مع إيمانى الكامل بأنه مؤسسة مصرية بها الكثير من الفساد شأنه شأن كامل قطاعات الدولة....فلم نسمع عن أى تحقيقات فساد داخلى...و لا ممكن علشان أسرار حربية و ما إلى ذلك ؟

طيب لو لم يرحل المشير..هل ده هيعتبر علامة استفهام كبيرة و مسألة تهم الجميع حيث أن المؤسسة العسكرية هى السلطة الداعمة للثورة و الوزير على رأس تلك السلطة و كان أحد الأعمدة فى النظام السابق

أوقات بأحس إن موضوع إسقاط الحكومة بكامله يؤجل من أجل عدم وضع الجيش فى موقف محرج أمام الشعب....

**smartchoice** · 03-03-2011 03:12 AM

90% من شعب مصر فاسدين من جيش لشرطة لوزارة لمعظم الوظائف الحكومية للحرمية الصغيرين و البلطجية
يا ترى هنشيل مين و لا مين

بس فى حكاية طنطاوى دى شفيق بيقولك أن المجلس الأعلى فى حاجات هو ملوش فيها زى وزارة الخارجية فميقدرش يمشى أبو الغيط علشان هو فاهم اللعبة و هكذا مع الباقيين

**chato_eg** · 03-03-2011 03:20 AM

المشاركة الأصلية كتبت بواسطة smartchoice

90% من شعب مصر فاسدين من جيش لشرطة لوزارة لمعظم الوظائف الحكومية للحرمية الصغيرين و البلطجية
يا ترى هنشيل مين و لا مين

90 % من المصريين فاسدين !!!
إنت عارف إنك شتمت 90% من أصل 85 مليون فى مكان عام بدون وجود دليل إدانة لأى فرد ؟؟
أتمنى إنك تكون مدرك إللى إنت بتعمله

**aly_hosny** · 03-03-2011 03:30 AM

طب و يمشي ليه
استحالة حد يعترض على وجوده او عدم تغييره

**kono** · 03-03-2011 03:31 AM

المشاركة الأصلية كتبت بواسطة smartchoice

90% من شعب مصر فاسدين من جيش لشرطة لوزارة لمعظم الوظائف الحكومية للحرمية الصغيرين و البلطجية
يا ترى هنشيل مين و لا مين

وهل الفئات اللى حضرتك ذكرتها دى بتمثل 90% من الشعب المصرى ؟؟؟

**Dr_Mido** · 03-03-2011 05:55 AM

المشاركة الأصلية كتبت بواسطة smartchoice

90% من شعب مصر فاسدين من جيش لشرطة لوزارة لمعظم الوظائف الحكومية للحرمية الصغيرين و البلطجية
يا ترى هنشيل مين و لا مين

بس فى حكاية طنطاوى دى شفيق بيقولك أن المجلس الأعلى فى حاجات هو ملوش فيها زى وزارة الخارجية فميقدرش يمشى أبو الغيط علشان هو فاهم اللعبة و هكذا مع الباقيين

وهو معاليك منورنا فى ال 90% الفاسدين ولا معاليك ملاك من ال 10%

**misoalex** · 03-03-2011 07:08 AM

بص مش عارف ارد عليك لان كلامك كله صح

بس مش حيحصل

**ahmedsamir5edr** · 03-03-2011 07:25 AM

المشاركة الأصلية كتبت بواسطة smartchoice

90% من شعب مصر فاسدين من جيش لشرطة لوزارة لمعظم الوظائف الحكومية للحرمية الصغيرين و البلطجية
يا ترى هنشيل مين و لا مين

+4444444444444444444444

**chato_eg** · 03-03-2011 11:41 AM

المشاركة الأصلية كتبت بواسطة misoalex

بص مش عارف ارد عليك لان كلامك كله صح

بس مش حيحصل

حاجات كتير أوى اتقال عليها " مش حيحصل "....بس كل شىء له نهاية....
أكثر ما يقلقنى فى مسألة وزير الدفاع ليس شخصه بقدر ما يمتلكه من سلطة تبدو إنها أوسع من سلطة رئيس الجمهورية السابق
فهو القائد الأعلى للقوات المسلحة و رئيس المجلس الأعلى للقوات المسلحة و لا يزال يرتدى الملابس العسكرية ( أى أنه لا يزال فى الخدمة العسكرية فعليا و يمتلك سلطة إصدار قرارات تنفيذية مباشرة للقوات العسكرية )....و فى الوضع الراهن يبدو أنه الرئيس الفعلى فى المرحلة الحالية...
يعنى انتقال السلطة للجيش شىء جميل...و لكن كيفية إدارة السلطة فى المؤسسة العسكرية هو ما يقلقنى...فبعلمى المتواضع جدا هى ليست مؤسسة تدار بنظام ديموقراطى و لا يصح إدارتها بنظام ديموقراطى أساسا......
و عليه فالدولة بكاملها انضمت إلى سلطات وزير الدفاع ....
مع الاعتبار لتاريخ الوزير الشخصى و سنوات خدمته الطويلة تحت مظلة النظام السابق.....
فأنا قلقان

تخيلوا معى حجم الحرج الذى سوف يعترى المؤسسة العسكرية عندما تطال مطالب الشعب إقالة وزير الدفاع..
و لا أشك أنها سوف تكون علنية و قوية بعد إسقاط رموزا مثل وزير الخارجية و وزير العدل إن شاء الله فى القريب العاجل...

**lonedoctor** · 03-03-2011 02:50 PM

المشاركة الأصلية كتبت بواسطة chato_eg

لو رحلت الحكومة الحالية بكامل وزارئها...هل ده يعنى رحيل المشير طنطاوى بصفته وزيرا للدفاع أيضا ؟؟

بفرض الإجابة بنعم ..تفتكروا الموضوع هيتم بالسلاسة دى...

حتى الآن لم تمس الجيش أية تغييرات و لا سطحية حتى...مع إيمانى الكامل بأنه مؤسسة مصرية بها الكثير من الفساد شأنه شأن كامل قطاعات الدولة....فلم نسمع عن أى تحقيقات فساد داخلى...و لا ممكن علشان أسرار حربية و ما إلى ذلك ؟

طيب لو لم يرحل المشير..هل ده هيعتبر علامة استفهام كبيرة و مسألة تهم الجميع حيث أن المؤسسة العسكرية هى السلطة الداعمة للثورة و الوزير على رأس تلك السلطة و كان أحد الأعمدة فى النظام السابق

أوقات بأحس إن موضوع إسقاط الحكومة بكامله يؤجل من أجل عدم وضع الجيش فى موقف محرج أمام الشعب....

الشعب يريد اسقاط الجيش

الموضوع: سؤال بخاطرى لا أجد له إجابة جازمة من حولى

LinkBack

أدوات الموضوع

عرض

سؤال بخاطرى لا أجد له إجابة جازمة من حولى - انشر الموضوع فى :

-

-

-

-

-

-

-

المواضيع المتشابهه

سؤال للسادة مالكي فرد فوكاس (معلش محتاج إجابة ضروري)

أسئلة أتمنى أن أجد لها إجابة

ادعوا لبنتى واجبروا بخاطرى

هل يوجد استرا كابرولية ؟ .. سؤال يريد إجابة ؟

سؤال أرجو أن يكون له إجابة بخصوص طرازات شيرى A11 - A11 LONG

الكلمات الدلالية لهذا الموضوع

المفضلات

المفضلات

ضوابط المشاركة