الرجاء من الزملاء الإفادة:
تيدا 2011::: ميكسيكى
مازدا 2010 ::: يابانى
عرض للطباعة
الرجاء من الزملاء الإفادة:
تيدا 2011::: ميكسيكى
مازدا 2010 ::: يابانى
مازدا افضل...بس خد بالك التيدا توكيل احسن
بس اول مره اعرف ان التيدا مكسيكى
موديلات 2011 فقط هى إللى مكسيكى ودى إللى بتروح أمريكا بإسم versa وعاملة مبيعات مهولة هناك
رأيى أن مفيش مقارنة... المازدا تتفوق بشدة..
التيدا عربية من فئة C-Segment مبنية على شاسيه عربية أصغر Nissan B-Platform بتاع الميكرا (عربية صغيرة جدا) والرينو كليو واللوجان...؟؟؟!!
طبعا منتهى التهريج من نيسان... مع أنها شركة كبيرة ومحترمة...! :redeye:
وده واضح فـ شكل العربية الخزعبلى: أرتفاعها أكبر من عرضها.. وقاعدة عجلاتها قصيرة بشكل ملحوظ... وده طبعا أثر بالسلب عـ الهاندلينج والثبات (اللى عليهم كومنتات كتير على فكرة) حتى فـ نسخة الـVerso 1800 بتاع أمريكا...!!!
فـ المقابل.. المازدا3 مبنية على شاسيه أحد أفضل عربيات الفئة دى.. الفورد فوكس..! وده شاسيه C-Segment أصلى..:36_2_33:
خد عندك بقى... Handling و Stability وتماسك وdriveability للصبح... كل ده عشان الشاسيه الصح...!!!
وتأكيدا لتفوق المازدا3 أنها كمان عفشة خلفية Multi-Link زى بتاع الفوكس... مقابل عفشة Torsion-Beam للتيدا مع Setup مختلف عن الأوروبى..؟؟؟!! :w6266d
كلام جميل و رائع جدا
بس عمليا رأى النيسان فيها وسع داخلى غريب اخوك طويل شويه 190 سم
يفرق معايا جدا الأتساع من الداخل و خصوصا فى السفر الطويل
علشان كده رأي النيسان و خصوصا انها عربيه محترمه و مفهاش مشاكل و ادائها عالى وفيها كل الكماليات الحاليه فى السوق
هى فعلا التيدا واسعة بشكل غريب...! خصوصا لفوق, بس خد بالك أن ده يقلل الثبات.
وللأمانة... نيسان كـ توكيل الناس كلها بتشكر فيه.. على عكس غبور.؟؟؟!! :crashcomputer3:
لكن غير كده المازدا3 تتفوق... خصوصا فـ الأداء :w6266d وبرده مفيهاش مشاكل..
وعايز أقولك ممكن مازدا (الشركة) ماتسمحش لغبور يتعامل فـ عربياتها زى هيونداى. :redeye:
وربنا يوفقك للأختيار أنت والـthread starter...