-
مشكلة ولاعة السيارة
عندى ولاعة السيارة لا تعمل اطلاقا وعايز احل المشكلة
ناس قلتلى هتلاقى الفيوز بتاعها بايظ (مش عارف هقدر اغيره بنفسى وازاى واجيب جديد منين)
وناس قالتلى الولاعة نفسها بايظة (مش عارف دى انفع احلها لوحدى ولا محتاجة كهربائى)
ومش عارف ايه الكلام الصح فالموضوع ده
محتاج ردودكم
-
ممكن تفك ولاعة وتديها كهربا م البطارية وتجربها ولو بايظة كنت شاريها للفيات ب15ج معرفش عندك كام
-
انا كانت الولاعة بتعتي بايظة والامب بي ثري بيعلق كل شويه
جيبت واحده جديدة بعشره جنيه والكهربائي ركبها
-
اشكركم اخواتى على الاهتمام
انا لقيت الولاعات فى التوفيقية ب 15 جنيه بس قلت اشك ان ممكن يكون فيوز هو اللى فيه المشكلة
-
باشا نصيحه لو ملكش فى الكهرباء يبقى تروح لكهربائى احسن وافضل
لان ضفيره العربيه مش سهله لو لاقدر الله حصل قفله او ماس
-
انا عارف ومقدر كلامك استاذ mrghost بس انا لو هعمل حاجة اخرى هغير فيوز بس مش اكتر
-
دلوقتى انا فكيت فيوز الولاعة لقيته بايظ ولقيت لونه اخضر فاتح ومكتوب عليه رقم 30
ومش عارف اشترى منين فيوز جديد وايه احسن نوع وبكام وايه اللى يركب مكانه بالظبط عشان مولعش العربية
-
وكنت كمان عايز اعرف رقم 30 بيرمز لايه؟؟؟
للامبير؟؟؟
-
أيوه الأمبير وزي ما قلت لحضرتك فيوز خده وروح لأي واحد بتاع قطع غيار وجيب زيه بالظبط ولو قالك خد أكتر من 30 قله لأ لإن لو حطيت فيوز أكتر من 30 والولاعة سحبت أكتر من 30 ضفيرة الولاعة ممكن تتحرق
على فكرة أنا طالب في هندسة كهربى
-
طب الفيوزات دى اجيبها صينى ولا ايه احسن صناعة ليها وبكام عشان مينضحكش عليا
وشكرا اوىىىىىىىى اخى بجد لاهتمامك
Content Relevant URLs by
vBSEO 3.6.0 PL2