حسنى مبارك vs احمد شفيق.... هوه بعينه
فيه حاجه غريبه جدا مش عارف مين خد باله منها
- حسنى مبارك لم يرد ابدا سياسه و لم يطمح لها و لم يعرف اي شئ عن السياسه و فجاءه بقى مسئول عن سياسه و تنفيذ سياسه
- شفيق لم يرد سياسه ابد برضه و مره واحده بقى مسئول عن سياسه و تنفيذها
الاتنين من مدرسه لا يوجد بها نقاش اصلا ولا مفهوم للديموقراطيه
حسنى بنى كبارى و قائد الطلعه الجويه
شفيق بنى مطارات و قاتل و انقتل فى الطلعه الجويه
حسنى مبارك قال على المعارضه سيبوهم يتسلوا
شفيق قال اجيبلهم بونبون و شيكولاته
الاتنين لما تسألهم فى السياسه يردوا عليك نفس الرد الغير مفهوم انا بنيت كذا انا عملت صرف صحى انا حاربت و قاتلت انا بتاع الطلعه الجويه نفس الكلام اللى سمعناه 30 سنه احمد شفيق بيكرره تانى و لا اكنه عارف ان الناس مش طايقه تسمع الكلام ده
انت مدير كويس اوك انا مش عايز مدير انا عايز واحد يقدر يفهم السياسه اللى الناس عايزاها
غير انى مش عايز شخصيه غريبه لا تفهم السؤال مثله
يعنى لما طول 4 ساعات اسئله و لا تشتطيع ان تأخذ اجابه واحده يبقى و ده قاعد مع الناس امال هيفهم الناس عايزه ايه ازاى؟؟
السؤال هنا هل احمد شفيق عارف الناس عايزه ايه؟؟ لأ لانه لو عارف استحاله يقعد يقول نفس الكلام اللى كان بيقوله مبارك
الناس تسأل فى سياسه وه بيرد فى موضوع تانى
و ايه حكايه الفور سيزون ديه؟؟؟ قالها 20 مره و مالهاش اى معنى
و كمان فيه نقطه مهمه ماحدش ناقش فيها
ايه حكايه اللجان الشعبيه ديه؟؟ يعنى ايه لجنه شعبيه تفصل بين الشرطه و الشعب؟؟ ايه الافك المبين ده؟؟ الناس تقوله العالم مافهوش كده العالم فيه سلطه قضائيه يقول و ماله تبقى لاير تانيه!!!
بدل ما نطلق ايد القضاء و نجعله مستقل عن الحكومه و الدوله نفكر فى فكره شنعاء
بيقول ناس من مصر الجديده مثلا فيها القاضى و الدكتور و الطيار يبقوا لجنه شعبيه و يبقى في 3 لجان لحل الخلاففات مع الشرطه زى المحلفين
لا ده فاهم يعنى ايه محلفين ولا فاهم يعنى ايه قضاء و مراقبه من القضاء و لا سلطه نيابيه
بجد شئ فى منتهى الستفزاز
طيب لو منطقه عشوائيه هتعمل ايه؟؟؟ هينتدب لجان من احياء تانيه؟؟ ولا هيجيب عمو السفاح و اونكل الملقاط و مستر طفاش يعملوا لجنه شعبيه
مفهوم غريب و طريقه اقر ان تكون للاحكام العرفيه او قعده العرب
رئيس وزراء مصر بعد الثورة عايز يقنن قعده العرب ياله من انجاز و رؤيه متقدمه
كلام فى منتهى الاستخفاف و راح قعد فى الفورسيزون مع الشباب و الله عليهم
ليه الجيش سايبه؟؟؟؟ ده سؤال يحتاج الى اجابه
