المشاركة الأصلية كتبت بواسطة أحمد كمال
الناس اللي بتقول انه ماسوني و الدليل انه اشترى التي شيرت نفسه ليه و لعياله و الحظاظة
بيفكروني بنكتة هريدي الداسوس
النكتة بتقول :
هريدي زهق من ظروف معيشته المهببة و قرر انه يخون بلده
راح للسفارة الاسرائيلية و قال لهم عايز ابقى جاسوس
المهم سفروه برة و دربوه و اتفقوا معاه انه هيبقى خلية نائمة
يعني ما يشتغلش و لا يجمع معلومات و لا يتجسس و يفضل كده في سرية تامة
لحد ما يحتاجوه و ينشطوه
قال لهم طب هتنشطوني ازاي
قالوا له هنبعت لك عميل من عندنا ييجي لك البيت يقول لك استاذ محمود موجود
هتقول له لأ مش موجود
هيقول لك طب هو فين
هتقول له عزل من سنتين
هيقول لك طيب شكرا و يمشي
--------
و مرت سنييييييييييييييييييييييي ين و هريدي قاعد مستني
لحد ما في يوم احتاجوه
و بعتوا العميل
و العميل راح البيت
سال البواب هو استاذ هريدي ساكن فيه قال له في الدور التاني
طلع الدور التاني
خبط
فتح له هريدي
ساله هو استاذ محمود موجود؟
رد عليه
-
-
-
-
-
-
-
لا و الله حضرتك شكلك كده عايز هريدي الداسوس ..... هو في الدور السادس انا هريدي غيره !!!!!
---------------------------
للتوضيح قصدي هنا بانهم بيفكروني بيه انهم محسسينني ان وائل عبيط زي هريدي و - على افتراض ان التي شيرت فعلا بتاع الماسونيين - هيلبسه و يلبسه لعياله و يمشي بيه في الشارع !!!!!!!!!!