الموضوع: دبحت خروف انبارح وعايز اخد رايكم كدا كويس ولا وحش

المشاركة الأصلية كتبت بواسطة ralliart

على فكرة شغال متضحكش عليك قوي على الأقل مش زيي
هيا الخرفان كدة مش كلها زي بعضها وبتفرق جامد في الأكل اللي كان بياكله

طيب الحمد لله انه تمام وربنا يتقبل ان شاء الله

المشاركة الأصلية كتبت بواسطة tamer_a7

علي فكره انت ما اضحكش عليك خالص
لما الخروف يصفي 30 كيلو ويكون 57 كيلو دا اكتر من ممتاز
بالهنا والشفاء ان شاء الله

ما ناس كتير بتقولى كدا وناس تانى بتقولى غير كدا فقلت انتم الحكم بينا والحمد لله ان بعد ما خد رايكم عرفت انه الحمد لله معقول مش وحش

المشاركة الأصلية كتبت بواسطة frhateg

علي فكره الوزن الصافي بيبقي حسب نوع الخروف . فيه برقي و فيه بلدي او فلاحي . احسنهم البرقي لأنه ليته صغيره و دهنه قليل و طعمه احلي اما البلدي فبيبقي ليته كبيره و دهنه اكتر . و كمان شايف ان سعره غالي حبتين و بالذات اننا مش في موسم . المهم ربنا يخلف عليك و ان كنت دبحه للعائله فبالهنا و الشفا . و ان كنت دابحه لله فربنا يتقبل منك .

والله انا مش عارف نوعه ايه بس ليته مش صغيره ومش كبيره اوى بس مش عارف نوعه ايه بصراحه ربنا يتقبل منا جميعا ان شاء الله