الموضوع: استفال او اقيل..يالا ايه الحجة الجديدة

المشاركة الأصلية كتبت بواسطة hn_kamal

عصام شرف هو دكتور فى كلية الهندسة جامعة القاهرة
وكان وزير نقل سابق (بمدة قصيرة جدا فى الوزارة - تقريبا سنة)

أيوه قصدي أيه أنجازاته على أرض الواقع ........مشاريع أصلاحات حاجات محسوسة

المشاركة الأصلية كتبت بواسطة زينة الله

هى دى مشكلة البعض إنه معندوش طلبات للأسف و كأن البلد مش محتاجة أى شئ و تمام التمام

فقط يترصدون لمن " لهم الطلبات و يفكرون بإيجابية لإيجاد حلول لمشاكل البلد والمشاركة فى حلها ولو بالقول "

ليكن العمل الوحيد لمن ليس لهم طلبات هو الخلاف اللى من غير طلبات مع من لهم طلبات !!!!!!!!!!!!!!!!

أعتقد إن الخلاف الايجابى فى الرأى هو خلاف مبنى على فكر و استراتيجيه و أهداف و طلبات مش لمجرد الخلاف

عشان نساعد بعض للوصول لحال أفضل بمودة و حب وتعاون بين أفراد المجتمع ككل

و تقبل تحياتى واحترامى

ومين قال ان حلول اللى ليهم طلبات هى اللى حتحل مشاكل البلد...هى دى مشكلتنا فى الوقت الحالى ان اى حد بقى شايف نفسه ان حلوله هى اللى حتصلح الحال وممكن تكون بتخرب اكتر...على العموم انا فى الاخر بقيت اقول شفيق مش مهم ومش علامة يعنى..يمشى مش حنخسر حاجة...بس المهم ان محدش يطلعلنا كل شوية بطلب جديد وان اللى يطلع بطلب ده يكون عليه اجماع علشان نتفادى ان كل شوية يطلع مجموعة تقول دى طلبات الثورة كلها

رئيس الوزراء اللي ميعرفش يحمي الشعب من البلطجة

للاسف مينفعش يبقي رئيس وزراء

والله انا بحترم احمد شفيق جداا وصعب علي امبارح
لانه مش في مكانة

الهدف دلوقتي الغاء امن الدولة نهائيا ونزول الشرطة للحفاظ علي الامن

وفي حال نزول الشرطة للبلطجة هيطلع عين ابوهم وهايتقتلو

قرار من المجلس الاعلي للقوات المسلحة بنزول الشرطة ولو منزلتش الضابط اللي مينزلش يتحال للاقالة او المعاش

في ناس عاطلين كثير ممكن تؤدي دور الشرطة واحسن

نضفو وحافظو عالبلد

المشاركة الأصلية كتبت بواسطة hobiko

ده أكبر دليل انكوا ولا عارفين ولا عايزين تعرفوا .........

بتتعاملوا بأسلوب سطحى جدا جدا ...........

انت عارف ايه هى المطالب اصلا ؟؟؟؟؟

طب شوف ايه المطالب ...... وتعالى كلمنا فيها

افهمها .....قيمها ...... كون رأى فيها ...... اقترح رؤية لمستقبل بلدك

شوف مفيدة فعلا للبلد ...... ولا اى كلام و حتضعينا

شوف فعلا ممكن تنقل البلد دى لقدام ...... ولا حتجيبها ورا

هو احنا طالبين شقة و عربية كوبيه لكل متظاهر ؟؟؟؟؟؟؟؟!!!!!!!!!!!!!!!!

شوف انت بعقلك المطالب دى ممكن تفيدك و تفيد بلدك ولا لأ ؟؟؟؟؟

انا عاجبنى توقيعك جدا ...... واضح انك من الناس اللى بتفكر

طب ما تفكر فى المطالب و شوفها كويسة ولا لأ ...... قابلة للتنفيذ و لا لأ ..... ده وقتها ولا مش وقتها

بجد الثورة دى فرصة مش بتيجى الا كل 100 سنة ....... تعالى نفكر ازاى نفيد البلد دى

تقبل تحياتى

تحيات ايه بعد وصفك للتفكير بالسطحية لمجرد انه مختلف مع افكارك العظيمة

ادينى شخص محدد او مجموعة محددة بتقول اراء محددة وثابتة واحنا نتاقش فيها ونشوفها كويسة ولا لا
لكن كل واحد يجرى على ميدان التحرير بمجموعة مطالب طيب ده جابها منين وبتمثل مين وفين الاجماع اللى عليها

فى حاجات مفيش اختلاف عليها زى محاسبة كل الفاسدين وحل امن الدولة وفى حاجات انا مش موافق عليها كمصرى شارك فى الثورة ومش من حقك انك تتكلم باسمى وباسم ملايين تانية وتقول هى دى مطالب الثورة

اللى يتكلم يقول هو مين

المشاركة الأصلية كتبت بواسطة ahmed4000

ومين قال ان حلول اللى ليهم طلبات هى اللى حتحل مشاكل البلد...هى دى مشكلتنا فى الوقت الحالى ان اى حد بقى شايف نفسه ان حلوله هى اللى حتصلح الحال وممكن تكون بتخرب اكتر...على العموم انا فى الاخر بقيت اقول شفيق مش مهم ومش علامة يعنى..يمشى مش حنخسر حاجة...بس المهم ان محدش يطلعلنا كل شوية بطلب جديد وان اللى يطلع بطلب ده يكون عليه اجماع علشان نتفادى ان كل شوية يطلع مجموعة تقول دى طلبات الثورة كلها

تمام أنا معاك يبقى نشوف الحلول واحد واحد و نناقش بموضوعيه و بطريقة علمية ما له و ما عليه

واللى عنده فكرة أفضل يعرضها و لا يصح الا الصحيح فى الآخر و اللى يتفق عليه الأغلبية

لكن مانقفش عند " مين قال إن الحلول دى هتحل المشاكل " و بس ... قولنا اللى يحل المشاكل و الكل عايز يسمع و يتعلم

لو ما تعرفش اللى يحل المشاكل إيه أقرا و اسمع و أتعلم من مصادر المعارف المختلفة و أنقلنا ما تعلمت فزكاة العلم تعليمه

لو كلنا عملنا كدا كلنا حنستفيد و نفيد بعض و ربنا يكتب لنا جميعا الخير يا رب

الي الامام ، يارب النضافة لمصر

المشاركة الأصلية كتبت بواسطة m.mosaad

واضح من اراء كتيرة و ردود غير لائقه اننا انتقلنا من دكتاتورية النظام لنوع جديد تماما و هو دكتاتورية جزء من الشعب حاجة جديده خالص

يا اخوانا العرب هما اللي اخترعوا عبارة الاختلاف في الراي لا يفسد للود قضية و العرب برضة هما اول ناس مش بينفذوها

الاختلاف في الراي بقي معناه انك عدوي و خائن و عميل و مهدر لدم الشهداء

ربنا يهدي

اسمح ليا اني انقلها علشان احطها عندي علي الفيس بوك بتاعي