الموضوع: الدكتور عصام شرف - للرجال مواقف - شاركوا ما تعرفونه عن رئيس الوزراء الجديد

بالنسبه لجزء كبير من المصريين كلام يوديهم ويجيبهم
ممكن برضه الرد بكلام كتير
من اول جزء كبير من المصريين قاعدين بيحاربوا التغيير للافضل
ممكن جزء كبير من المصريين اتعودوا على الاستعباد
ممكن جزء كبير من المصريين بيدعوا الفهم وكل كلامهم بيطلع غلط
ممكن كمان جزء كبير من المصريين قاعدين ورا النت بيحطموا فى رفقاءهم عشان مصالح مش مفهومه
امم ممكن برضه جزء كبير من المصريين قاعدين عشان يعاندوا اى حاجه من غير ادنى فهم لمطالب الثورة

شوف مافيش اكتر من ان نضايق بعض او نرمى بعض بكلام لا يرقى للحوار

يا ريت بلاش الكلام من النوعيه ديه
عشان مرفوض

المشاركة الأصلية كتبت بواسطة hamadahosni

انا كنت بشتغل فى إدى شركات المقاولات التابعة لوزارة النقل ايام ما كان د/ عصام شرف وزير للنقل
الراجل ده كان تقريبا الوزير الوحيد اللي بينزل بنفسه يتابع أحوال القطاعات اللي تابعة لوزارته و مبيستناش تقارير و لا مساعدين
هذكر اكتر من حالة
1 - كنا شغالين في بعض أعمال التطوير في محطة مصر , مرة نزل لوحده من غير اي حراسة و لا موكب و من غير ما حد من قيادات السكة الحديد يعرف , قطع تذكرة درجة تانية لقطر متجه لمنوف على ما اتذكر , و ركب لوحده القطر زيه زي الناس و راح منوف و رجع , و طبعا بعد ما شاف بنفسه الحالة السيئة جدا للقطر و الاهمال, ناس كتير جدا من قيادات السكة الحديد المسئولة عن هذا الاهمال تم تغييرها و معاقبتها.
2- كان بينزل بالليل مترو الأنفاق و برضه يقطع تذكره و يركب زيه زي الناس علشان يتابع حال المترو , و أكتر من مرة ناس تتجازى و تتنقل بسبب الاهمال

كان وزير بتاع شغل و كان بيحاول يصلح بس وقتها ملحقش

+111111111 شكرآ جزيلآ طمنتنا شوية

المشاركة الأصلية كتبت بواسطة ahmedjumpo

دكتور عصام شرف كان استاذ دكتور بكلية الهندسة جامعة القاهرة و كان بيدرسلى هندسة النقل و المرور و ماتعرفوش اد ايه الرجل ده محترم و يتميز بالعلم و الذكاء و التخطيط و كنا بنقعد معاه و نناقش مشاكل النقل فى مصر و الاسباب و الحلول و كان احد مساوئ المرور هو ان الداخلية هى اللى كانت مسئولة عنه


يا استاذى نصيحة ابعد عن التلفزيون المصرى و خذ بالك حضرتك ان المجلس العسكرى و رئيس الوزراء السابق لما كانوا بيعملوا لقاءات عملوها فى القنوات الخاصة
حاجة تانى لا يوجد شخص فى هذا الكون هتلاقى الناس كلها متفقة عليه وده طبيعى و لكن لما يكون الشخص محترم و مش معروف عنه الفساد فده بيخلى حتى اللى بيختلفوا معاه بيحترموه

[color="rgb(65, 105, 225)"]+1111111111 شكرآ لحضرتك أكتر أنا كده إقتنعت بيه أكتر بالذات حكاية التدريس
لأني برضوا طالب وصعب أقتنع بدكتور بسهولة[/color]

المشاركة الأصلية كتبت بواسطة xander2010_evo

هوا مش ده الوزير بتاع حوداث القطارات والجزرة ولا أنا بيتهيألي؟؟؟؟؟؟؟؟؟

[color="rgb(65, 105, 225)"]دي كانت مشاركة سابقة ليا فالموضوع هنا
يا جماعة أنا أعترف أنا ظلمت الراجل ده
إتلغبطت بينه وبين الوزير إللي قبلو
آسف ..معلش بقي الوزراء بقوا كتير[/color]