بما ان شفيق استقال ...

**besso** · 03-03-2011 07:33 PM

فعلا لقاء امبارح اثر بشكل كبير لان علاء الاسوانى كان كلامه غير لائق مع رئس وزراء مصر
بلاش رئيس وزراء مصر دى احمد شفيق اكبر منه سنا كان واجب احترامه اكثر
ده كان بيقول لاحمد شفيق (لا انت مش فاهم ,لا انا اللى افهمك)!!!!!!!!!!!!!!!!

**نور القمر** · 03-03-2011 07:39 PM

احنا كمصريين عندا عادة وحشة وانا اولكم وهي الانفعال الزائد في حالة النقد او المناقشة والموضوع اتحول لخناقة
وعلاء الاسواني كان مستفز امبارح ومش مديله فرصة يكمل كلامه او يوصل وجهة نظره خصوصا في نقطة فصل جهاز امن الدولة عن وزارة الداخلية بس كمان الفريق احمد شفيق كان قاعد يغني بامجاد الماضي في اول حواره معاه ومفهمش سؤال الاسواني
واعتقد لما قال فصل جهاز امن الدولة عن الداخلية وجعله جهاز معلوماتي وان اقتراح اترفض ممكن يكون اثار حفيظة المجلس الاعلى للقوات المسلحة

**lonedoctor** · 03-03-2011 09:04 PM

علاء الاسوانى رجل يفتقد الى ادب الحوار فضلا عن انه يتحدث مع رئيس الوزراء وحتى ولو كان الفريق احمد شفيق رجل غير مرغوب فيه فهذا لا يعنى عدم احترامه وخاصة وانه انسان متحضر ومهذب جدا
اما الاسوانى هذا فلا ادرى من هو اصلا؟

**waleedraafat** · 03-03-2011 09:22 PM

انا لم اكن ضد شفيق وتفائلت يوم تعينه وخصوصا ان صفحته بيضاء بالمقارنة بالعديد من رموز النظام، واري انه شخص محترم ولكنه للاسف احترق يوم ما اختارة مبارك (مبارك كان بيفكر في نفسه ومصلحته فقط )

وعموما لم يعجب احد بطريقة علاء الاسواني المستفزة في الحوار ، ولكنه احرج شفيق وافقده القدرة علي الاستمرار

**ahmedsamir79** · 03-03-2011 09:49 PM

علاء الأسواني اللي يحب يعرفه كويس يقرأ روايته شيكاغو ويشوف كمية قلة الأدب و الكلام الجنسي الصريح
ده اخره يكتب في مجلة فضايح درجه تالته

**nevozaky** · 03-03-2011 10:09 PM

انا باحترم الفريق احمد شفيق سواء فى الاول وهوه فى مصر للطيران او فى الطيران المدنى او وهو رئيس وزراء .لانه راجل بتاع شغل ونشيط ويحقق نجاحات .وربنا يوفقه .وسواء كان اقيل او استقال يجب احترامه .بس انا اعتقد انه استقال لانه احس بالاهانة بعد لقاء امس مع علاء الاسوانى .وافتكر انها كانت كبيرة على نفسه انه حاسس انه بيشتغل فى وقت صعب والناس بتنادى برجيله .لسه كان بيتكلم فى مداخلة فى التليفزيون فى برنامج الحياة والناس .وقال اللى انا باقوله انه بيشتغل ويتعب والناس مش عايزاه فالمساْلة دى كانت صعبة عليه اوى .على العموم ربنا يوفقه .ويوفقنا جميعا.