عاوز اروش العربيه و محتاج كل اقتراحاتكم مهما كانت بسيطه او ضخمه و مكلفه
السلام عليكم و رحمه الله و بركاته
اخواني الاعزاء
طبعا انتم عارفين اني كنت عامل موضوع اسمه
اسعد خبر لكل بيجوهاتي علي مستوي العالم ( بيجو 305 )
و طبعا ده اللي حرك شباب مصر كلها و خلاهم عملوا ثورة 25 يناير:00020140:( سامحني يا رب علي كدبي )
المهم و طبعا انا بحب العربيه دي اوي لكن العربيه لما اشتريتها صاحبها كان مهمل فيها جدا
العربيه للتذكير 305 موديل 79
انا ان شاء الله ناوي اظبطها من الالف الي الياء
فالي عنده اقتراح مهما كان مكلف او هايف من وجهه نظركم قولوهولي علشان استفيد
لاني باذن الله ناوي اشدها و اركبها مش اشد علشان ابيع
اي تعديل في الميكانيكا الكهربا العفشه الشكل الخارجي
او اي حاجه
استيكرات رينجات اشكال اي شيء بمعني الكلمه
لكم مني كل الشكر
و انا طبعا مليش بعد الله غير اخواتي البيجوهاتيه
