الموضوع: الكاتالوج التونسى

انا ملاحظ حاجة غريبة اوى مبين اللى بيحصل فى مصر و تونس وكل يوم بيذيد الشعور ده لدرجة انى بقيت اتابع اخبار تونس علشان اعرف اية اللى حيحصل فى مصر , صدفة او مش صدفة معرفش بس حقول شوية حاجات حصلت او بتحصل فى تونس و انتو شوفوها حصلت فى مصر ولا لأ

- بداية الثورة فى تونس كانوا شباب الأنترنت هناك
- تصادمات عنيفة مع الشرطة و سقوط شهداء
- نزول الجيش و فرض حظر التجول
- خطاب لبن على للشعب على عدم الترشح و مزيد من الإصلاحات
- رحيل بن على عن السلطة
- كسر السجون و فرار السجناء
- انتشار البلطجة و السلب و النهب
- تشكيل لجان شعبية للدفاع عن الناس
- حرق اقسام الشرطة
- القبض على الفاسديين من الوزراء و اقارب الرئيس و زوجته
- تجميد ارصدة الفاسدين و الرئيس
- اخبار عن سوء حالة الرئيس الصحية
- مظاهرات فئوية فى كل مكان
- حركة النهضة الإسلامية "زى الأخوان عندنا" بدئت تشارك فى الحياة السياسية بعد الحظر
- خروج مظاهرات حاشدة، فيما أطلق عليه اسم "جمعة النصر" للمطالبة برحيل الحكومة الانتقالية، كما طالب المتظاهرون بتجميد الدستور، وانتخاب جمعية تأسيسية لوضع دستور جديد للبلاد،
- استقالة رئيس الوزراء و تشكيل وزارة جديدة

فيية حاجات تانية عن المجتمع التونسى كمان:

- دورى كرة القدم متوقف
- السياحة اضربت بس فية حملة على الانترنت بعنوان “احب تونس” لدعم السياحة الوطنية
- البورصة مقفولة
- سرقة مخطوطات اثرية من القيروان
- العثور عن كاهن مقتول
- فنانون تونسيون ساندوا الثورة الشبابية وآخرون انتقدهم الشعب لتأخر مواقفهم زى درة و عبير صبرى و لطيفة
- لبنك المركزي التونسي اعلن أن الاحتياطي الحالي من العملة قد يسجل تراجعا في الأشهر القادمة إذا لم يسترجع النشاط الاقتصادي نسقه العادي في أقرب وقت
اما عن اخر الأخبار:
- عفو عام عن السجناء السياسيين
- المعتصمون فى القصبة (ميدان التحرير بتاعهم)…استقالة رئيس الوزراء غير كافية و يجب رحيل كامل لاعضاء الحكومة وحل حزب التجمع الدستوري الديمقراطي الحاكم سابقا "الحزب الوطنى بتاعهم" وانتخاب مجلس تأسيسي
- تعزيزات أمنية مكثفة أمام مقر وزارة الداخلية بالعاصمة نتيجة الشغب
- خروج مظاهرات للمطالبة برجوع رئيس الوزراء المستقيل "عددهم قليل"
- وزارة الدفاع تستنكر حملة التشكيك ضد الجيش
- الشرطة التونسية تلقي القبض على قاتل الكاهن
- مسيرة سلمية تدعو الى العودة الى العمل

كفاية كدة

المشاركة الأصلية كتبت بواسطة زينة الله

فعلا معاك حق .. أنا برضو مستغربة نفس الفساد و نفس الحلول و الخطوات و الأحداث !!!
و كمان عندهم لما بعض أفراد الأمن امتنعوا عن اداء عملهم فصلوهم و تم الاستعانة بضباط الجيش اللى على المعاش

يعنى اللى طلعوا معاش على 45 سنة مثلا عندنا من الجيش ممكن يتم التعاقد معاهم ( بدل ما بيروحوا يشتغلوا ضباط أمن فى الفنادق )

و كذلك اللى مش لقين شغل من الحاصلين على ليسانس حقوق و دارسين القانون (زى دراسة رجال الشرطة)

و بكدا يبقى عندنا ناس عسكرين و دارسين قانون ممكن يأدوا دور الأمن الممتنع عن اداء مهمته و ننعم بالأمان و نطمن على نفسنا

فكرة ممتازة يا ريت تتطبق على الشرطة , و هتخلى الشعب يقدر يتعاون معاهم لانهم هيحسوا انهم ناس جديدة غير ملوثة بدماء الشهداء