شباب الثورة يدعون "شرف" لأداء اليمين بميدان التحرير

عرض للطباعة

03-03-2011, 02:44 PM
Qmax

شباب الثورة يدعون "شرف" لأداء اليمين بميدان التحرير

فور الإعلان عن تشكيل حكومة جديدة برئاسة وزير النقل الأسبق عصام شرف بعد قبول استقالة الفريق أحمد شفيق، أنشأ عدد من الشباب على موقع الفيس بوك صفحة تطالبه بأداء اليمين بميدان التحرير، فيما تناقل عدد من الشباب أنهم أجروا اتصالاً هاتفياً بشرف وأبدى موافقته.

وأعلن المجلس الأعلى للقوات المسلحة فى رسالة حملت رقم (26) على صفحته على موقع "فيس بوك"، قبوله استقالة رئيس الوزراء في الحكومة الانتقالية الفريق "أحمد شفيق"، وتكليف المهندس"عصام شرف" وزير النقل الأسبق.

يذكر أن "شرف" شغل منصب وزير النقل، فى حكومة الدكتور أحمد نظيف وأقيل بسبب خلافاته مع نظيف
المصدر اليوم السابع
03-03-2011, 02:51 PM
احمد المصرى

انا مش موافق والسبب يا جماعه نسيب الناس تشتغل شويه هتفرق فى ايه اليمين يتعمل فى ميدان التحرير ولا فى اى مكتب اهم حاجه الاعمال مش الشكل الخارجى يعنى لو اليمين اتعمل فى ميدان التحرير هيبق الراجل دا كويس
03-03-2011, 02:51 PM
Everlasting

أتمنى ذلك.
03-03-2011, 02:52 PM
mr_vampire

والله فكرة. ليه لاء؟؟؟؟؟؟؟؟؟؟؟؟؟؟

عالاقل يبقي عارف انه محط انظار ال 80 مليون ولو غلط المحاسبة هتبقي من قبل الشعب قبل ماتكون من رؤسائه.
03-03-2011, 02:55 PM
Ahmed_Elkhateb

انا بردو بأيد الفكرة دييييه مفهاش مشكله وعلشان يبان انو انسان متواضع ومفيش مشكله يعنى هيا جت على اليوم اللى هيحلف فيه
03-03-2011, 02:56 PM
himaz

يا جماعة مع احترامى ده اسمه فراغ اخر 25 حاجة

حرااااااااام بجد

انا ارفض بشدة مجرد الفكرة اصلا
03-03-2011, 03:00 PM
Qmax

اكيد ليهم هدف في كده والراجل مادام وافق يبقى هو كمان له هدف واحنا نصبر بقى ونشوف ايه اللي هايتم
03-03-2011, 03:02 PM
Ahmed Nasr

انا برده رأيى نسيب الناس عشان نعرف نحاسبهم بعد كده
03-03-2011, 03:06 PM
mr_vampire

اقتباس:

المشاركة الأصلية كتبت بواسطة احمد المصرى

انا مش موافق والسبب يا جماعه نسيب الناس تشتغل شويه هتفرق فى ايه اليمين يتعمل فى ميدان التحرير ولا فى اى مكتب اهم حاجه الاعمال مش الشكل الخارجى يعنى لو اليمين اتعمل فى ميدان التحرير هيبق الراجل دا كويس

مع احترامي لراي حضرتك يااستاذ احمد لان ببساطة شديدة جدا ( اليمين في حد ذاته لا يعبر عن اي شيء بالنسبة للناس اللي داخلة وناوية تسرق فولا هيهمها يمين ولا حلفان ولا عقاب فالاخرة ). ماهو كل الوزاراء اللي مسجونين واللي اتمنع سفرهم وجمدت ارصدتهم ( حتي رئيس الجمهورية اللي بقاله 30 سنة بيحلف اليمين علي الحفاظ عالوطن والعمل لرفعته ورفعة مواطنيه وهو اول واكبر واهم سبب للذل والتسول والتشرد اللي عاشه الشعب في عصره المزدهر بالفساد) فمحدش هيحاسبه علي اليمين اللي موفاش بيه لان حسابه عاليمين عند ربه.

--فببساطة اليمين في حد ذاته ادام الجماهير والشعب كأنه رسالة واضحة انك واقف لوحدك ادام الملايين اللي انظارهم عليك والعقاب هييجي منهم قبل ماتقابل وجه كريم.

تقبل مروري
03-03-2011, 03:07 PM
Everlasting

د.عصام شرف كان أحد المطالبين بإسقاط النطام، في ميدان التحرير.
03-03-2011, 03:17 PM
mr_vampire

معلش ياشباب استفسار بسيط ( هو د/ عصام شرف تولي المنصب ده بطلب من المجلس الاعلي ولا بترشيح من شباب الثورة ؟؟؟؟؟؟؟؟ لان كنت سمعت ان المجلس طلب من الشباب تقديم اسماء مقترحة لاحلالها مكان الاسماء المرفوضة والمطلوب ازالتها.
03-03-2011, 03:21 PM
cheetos_892005

اقتباس:

المشاركة الأصلية كتبت بواسطة mr_vampire

معلش ياشباب استفسار بسيط ( هو د/ عصام شرف تولي المنصب ده بطلب من المجلس الاعلي ولا بترشيح من شباب الثورة ؟؟؟؟؟؟؟؟ لان كنت سمعت ان المجلس طلب من الشباب تقديم اسماء مقترحة لاحلالها مكان الاسماء المرفوضة والمطلوب ازالتها.

ده كان من الاسماء المطروحه من الشباب
03-03-2011, 03:48 PM
mr_vampire

اقتباس:

المشاركة الأصلية كتبت بواسطة cheetos_892005

ده كان من الاسماء المطروحه من الشباب

طب كويس اوي والله. ده خطوة حلوة واول مرة شعب هو اللي يختار رئيس وزرائه:b4_388:. عقبال ماتكمل ونختار رئيسنا.