ركبت ديسك واسطوانه وبلية دبرياج والعزم زفت

**magedtohami** · 03-03-2011 04:26 PM

معايا عربية 125 بتاعت والدي مكنه 1600 اتنين كامة بتاعت ال132 المكنه حالتها كويسه جدااااااااااااااااااااااا بجد
الاسبوع الي فات رحت اركب اسطوانه وديسك وبليه بعد مافك المكنه لقا الديسك مشروخ ولو اني مش مصدقه بس غيره وجاب واحد تاني وبلية دبرياج جديده وملى الاسطوانه وبعد كل ده المكنه عزمها سيئ جدااااااااااااااااا وغيرت سير كتينه وبلية كاتينه كمان مش عارف في ايه بقا حد يقولي وشكرا ده الشاهين الي 1400 واحد كامه اشد منها بكتير

**saadelden** · 03-03-2011 06:05 PM

عزمها ف المطلع ضايع ؟؟
ولا مابتجريش ؟؟

شوف كبس الماتور سليم و لا بيهرب ؟!

**magedtohami** · 04-03-2011 01:38 AM

فالطلعه بتاعتها ضعيفة جدا مبتفركش كده متحسش بقوتها لكن بتجري عادي واشوف كبس الموتور ازاي

**amrelsaqqa** · 04-03-2011 01:54 AM

يعنى انت غيرت ديسك اللى هو اغلى حاجة وغيرت بلية
وبعد ده كله تملى الاسطوانة ؟؟
ملى الاسطوانة ده هجص طبعا
كان لازم الطقم ييجى جديد على بعضه

**Qmax** · 04-03-2011 02:11 AM

المشاركة الأصلية كتبت بواسطة amrelsaqqa

يعنى انت غيرت ديسك اللى هو اغلى حاجة وغيرت بلية
وبعد ده كله تملى الاسطوانة ؟؟
ملى الاسطوانة ده هجص طبعا
كان لازم الطقم ييجى جديد على بعضه

ممكن اعرف من حضرتك الحاجات دي الواحد يعرف ازاي انها عايزه تتغير
مع العلم انا معايا شاريد 1300 - موديل 92
سحب العربيه ممتاز وبتفرك وفي المطالع اللهم صلي على النبي زي الفل
هل في طريقه تانيه اعرف بيها
انا عندي بس ان دواسة الدبرياج عاليه ساعات في الزحمه اكون مدي العربيه الأولاني ودايس دبرياج عالاخر والعربيه عايزه تمشي و يحصل رجرجه اقوم ممورها ومديها الاولاني تاني تتظبط
انا معنديش خبره ومش عايز الميكانيكي يعمل حاجه تخليني أزعل منها عشان عندي كل حاجه بتاع الفبريكا

وأسف لصاحب الموضوع اني استغليت موضوعه

**amrelsaqqa** · 04-03-2011 03:05 AM

المشاركة الأصلية كتبت بواسطة qmax

ممكن اعرف من حضرتك الحاجات دي الواحد يعرف ازاي انها عايزه تتغير
مع العلم انا معايا شاريد 1300 - موديل 92
سحب العربيه ممتاز وبتفرك وفي المطالع اللهم صلي على النبي زي الفل
هل في طريقه تانيه اعرف بيها
انا عندي بس ان دواسة الدبرياج عاليه ساعات في الزحمه اكون مدي العربيه الأولاني ودايس دبرياج عالاخر والعربيه عايزه تمشي و يحصل رجرجه اقوم ممورها ومديها الاولاني تاني تتظبط
انا معنديش خبره ومش عايز الميكانيكي يعمل حاجه تخليني أزعل منها عشان عندي كل حاجه بتاع الفبريكا

وأسف لصاحب الموضوع اني استغليت موضوعه

طالما انت وصفت ان العزم كويس وفي المطالع كويس والفرك كويس وفي الطلعة مفيش رجة
يبقى خلاص الدبرياج كويس
وما تحاولش تختبره اكتر من كدة لأن اختباره نفسه هو اللى بيقصر عمره
بس قلل من الفرك والسواقة العنيفة والاحمال الزيادة لو عايز تحافظ عليه اطول فترة ممكنة

وما تدوسش الدواسة للاخر و العربية ماشية في الزحمة او واقفة في اشارة لان ده بيعمل احتكاك ويبوظ الاسطوانة ( مع انه نظريا المفروض الدوسة للاخر بتفصل الدبرياج تماما بس اللى بيحصل واقعيا مش كدة عشان بيبقى مستوى الدواسة مش مظبوط بشكل صحيح وماحدش بيقدر يدوس لدرجة انه يفصل تماما )

يعنى بدل ما تدوس دبرياج في الزحمة ، يبقى يا تفرمل وتسيب العربية تمشى سلانسيه على غيار 1 او 2
يا اما تمور بس التموير ممكن يكون خطر لو في نزلة مثلا او حاجة لأنك هتلاقى العربية مش محكومة
اهم حاجة طول ما العربية دايرة ما تدوسش الدواسة للاخر الا في نقل الغيارات او لما تكون العربية خلاص هتقف وهتبطل وماتستعملش الدبرياج كفرامل وخلى بالك احيانا الدوسة على الدبرياج بتخلى العربية تجرى مش تهدى

وبرضه اتأكد من سرعة السلانسيه لانها لو عالية هتعمل خشونة في الدبرياج وتلاقى العربية عايزة تتحرك حتى لو دايس على الاخر وتلاقى عضة في المارشدير وبرضه اتأكد من رجلاش الدواسة كويس عند اي ميكانيكى

**amrelsaqqa** · 04-03-2011 03:11 AM

المشاركة الأصلية كتبت بواسطة magedtohami

فالطلعه بتاعتها ضعيفة جدا مبتفركش كده متحسش بقوتها لكن بتجري عادي واشوف كبس الموتور ازاي

اتأكد من بلى العجل والفرامل ممكن تكون قافشة شوية
لازم يكون العجل ناعم تماما معاك عشان العربية تفرك وتحس بيها في الطلعة
واتأكد من ظبط الكهربا والكربراتير كويس وخصوصا الكهربا والبوجيهات لأنها بتأثر في عزم الموتور جامد

**mrastra** · 05-03-2011 12:00 AM

المشاركة الأصلية كتبت بواسطة amrelsaqqa

اتأكد من بلى العجل والفرامل ممكن تكون قافشة شوية
لازم يكون العجل ناعم تماما معاك عشان العربية تفرك وتحس بيها في الطلعة
واتأكد من ظبط الكهربا والكربراتير كويس وخصوصا الكهربا والبوجيهات لأنها بتأثر في عزم الموتور جامد

الله ينور عليك

**alaafmah** · 06-03-2011 01:22 AM

السلام عليكم
ان كان عندى نفس مشكلة صاحب الموضوع ، وعمل زية حسب كلام الميكانيكى وغيرت طقم الدبرياج كله جديد
ولم يتحسن السحب
واليك حل مشكلتى لعلها تكون حلا لمشكلتك
زود الكهرب من الاسبراتير ، وغير المكانيكى لاخر بيفهم احسن

**wael6** · 06-03-2011 10:24 PM

السلام عليكم ورحمة الله
ويارب ييسر لمصر الخير والرشاد
عربيتي اكسيل 1500 مو 95
تم بحمد الله تعالى فتح الموتور
والحمد لله لقيت الشمايز سليمه والكرنك ومخرطوش قبل كده وكانت اول مره تحل
بس لقيت عدد 2 بستم مكسورين
واشتريت طقم بستم ستاندر وطقم شنبر وطقم جوانات
والميكانيكي هيعمل روديه للصبابات ان شاء الله
هو محلش عمود الكرنك ( هل ده عادى ولا لازم الافضل يشيلوا خالص ويكرب المكنه بره )
وهل يوجد طريقة معينه للتاكد من كلام الميكانيكي من ناحية سلامة الشمايز والكرنك
نيجي لجزء الدبرياج والفتيس
لما ركب العربيه وجربها قالى صوت الوجوجه ده من الفتيس ويفضل تغييره لانك هتغيرله بلي وغوايش وبعد شهر هيرجع تانى وتكون صرفت 200 ج مثلا اقل واجب؟

وقالى بخصوص بلية الدبرياج والديسك والاسطوانه ميبانوش الا لما يحل الفتيس وانهم ع الوضع الحالى مش باينين من ناحية حل الموتور
وان صوت النحره والعربيه واقفه ولما تدوس دبرياج الصوت يروح تكون بلية الدبرياج سليمه والعيب فى الفتيس
وحتى لو غيرنا الديسك والاسطوانه والبليه مش هتفرق معاك
ولا راي حضرتك ايه(( هو المفروض وهو حالل المكنه يشوف الدبرياج والفتيس ولا ايه الوضع بالظبط ))
اصل النقطه دى مش واضحه بالنسبه لي

السؤال بقا هل لو ظبطت المكنه حاليا وصرت لما اغير الفتيس بعد شهر او اتنين هل هيأثر بالسلب ع الموتور ؟ ولا ملوش علاقه ؟

مستنى ردودكم المفصله القيمه باذن الله تعالى
ولكم جزيل الشكر والامتنان

الموضوع: ركبت ديسك واسطوانه وبلية دبرياج والعزم زفت

LinkBack

أدوات الموضوع

عرض

ركبت ديسك واسطوانه وبلية دبرياج والعزم زفت - انشر الموضوع فى :

-

-

-

المواضيع المتشابهه

هل ده عيب ديسك واسطوانه ؟

ديسك واسطوانه تانى......

للاهميه ديسك واسطوانه للc4

ديسك واسطوانه

ديسك واسطوانه i30 2009

الكلمات الدلالية لهذا الموضوع

المفضلات

المفضلات

ضوابط المشاركة