بالمستندات تفاصيل خطة حبيب العادلى وزير لتفجير كنيسة القديسين بالإسكندريه

حصل "اليوم السابع" على مستندات تكشف مخطط وزارة الداخلية برئاسة وزير حبيب العادلى الأسبق لتفجير كنيسة القديسين بالإسكندرية، وهو تكليف القيادة رقم 77 بتاريخ 2 ديسمبر 2010 حول بحث إمكانية تكتيف الأقباط وإخماد احتجاجاتهم المتتالية وتهدئة نبرة البابا شنودة فى خطابه مع النظام، يتم تنفيذ عمل تخريبى ضد إحدى الكنائس بمعرفتنا ثم نقوم بإلصاق تلك التهمة أثناء التحقيقات لأحد القيادات الدينية المسيحية التابعة للكنيسة عن طريق جميع تحريات المعمل الجنائى والنيابة العامة تتجه نحو القيادة القبطية ثم نطلع البابا شنودة على نتيجة التحقيقات السرية ونفاوضه بين إخماد الاحتجاجات القبطية المتتالية على أتفه الأسباب وتخفيف حدة نبرات حديثه مع القيادة السياسية وعدم تحريض رعايا الأقباط للتظاهر والاحتجاج ودفعه نحو تهدئة الأقباط للتأقلم مع النظام العام بالدولة، وإما إعلان فيلم القيادة الكنسية بتدبير الحادث وإظهار الأدلة على الملأ أمام الرأى العام الداخلى والخارجى لتنقلب جميعاً على الكنيسة، خاصة أقباط مصر ورعايا البابا، ومن المؤكد أن البابا شنودة سوف يمثل للتهديد ويتحول موقفه للنقيض بما يضمن تهدئة الأوضاع تماماً.

وتمت الموافقة على تشكيل معاون من عناصر موثوق فيها من الجهاز، وهو أحمد محمد خالد أحد عناصر الجماعات الإسلامية المعتقل بوزارة الداخلية، وهو من العناصر النشطة وله اتصالات بعناصر متطرفة ويمكن تجنيده لتنفيذ تفجير كنيسة القديسين بالإسكندرية، وتم وضع خريطة تفصيلية بمداخل ومخارج الكنيسة وكهنتها، مما يسهل السيطرة الكاملة على تسجيلات كاميرات المراقبة والتحكم فيها لتوجيه الأدلة الجنائية.

وقام المدعو خالد بعرض الفكرة على أمير التنظيم حزب الله وتم تكليف عنصر جديد يدعى عبد الرحمن أحمد على - لمعاونته فى تنفيذ المهمة وطلب مهلة أسبوعاً لتجهيز العملية وإحضار المتفجرات والمعدات من قطاع غزة من شخص يدعى محمد عبد الهادى مع التنبيه عليه بالالتزام بمكان السكن المحدد له لحين بدء توقيت العملية.


http://youm7.com/images/issuehtm/ima...tanadkfd/1.jpg
http://youm7.com/images/issuehtm/ima...tanadkfd/2.jpg
http://youm7.com/images/issuehtm/ima...tanadkfd/3.jpg

http://youm7.com/images/issuehtm/ima...tanadkfd/4.jpg

الوثائق دي شكلها غريب اوي
انا بصراحة مش مقتنع ان موضوع زي ده الوثائق بتاعته هاتتسرب بسهولة كده
ده غير ان الهدف ما كانش هايبقى " تكتيف الأقباط وإخماد احتجاجاتهم المتتالية وتهدئة نبرة البابا شنودة فى خطابه مع النظام"
و انما كان هايبقى احداث فتنة بينهم و بين باقي الشعب (اللي هما المسلمين يعني) عشان يتلهوا في بعض

اليوم السابع دي مش تمام وشكلها عاوزاها حرب أهلية
الراجل ما تعينش بقالة ساعة ونزل مقال بيقول

اليوم السابع | الشعب يريد إسقاط حكومة شرف!

اليوم السابع | الشعب يريد إسقاط حكومة شرف!

انا مش فاهم اية لازمة مقال زي دا في الوقت دا دا الراجل بيتهيئلي ماكنش يعرف لسة انة اتعين رئيس وزراء .
العالم دي لازم تغووور والله

اقتباس:

---

المشاركة الأصلية كتبت بواسطة tlrsiap

الوثائق دي شكلها غريب اوي
انا بصراحة مش مقتنع ان موضوع زي ده الوثائق بتاعته هاتتسرب بسهولة كده
ده غير ان الهدف ما كانش هايبقى " تكتيف الأقباط وإخماد احتجاجاتهم المتتالية وتهدئة نبرة البابا شنودة فى خطابه مع النظام"
و انما كان هايبقى احداث فتنة بينهم و بين باقي الشعب (اللي هما المسلمين يعني) عشان يتلهوا في بعض

---

ركز بس في أول وثيقه بيقولك ها يلزق التهمه في احد القيادات الدينيه المسيحيه عن طريق جعل جميع تحريات المعمل الجنائي والنيابه العامه تتجه نحو القياده القبطيه
ثم يُطلع البابا شنوده نتيجة السريه ويفاوضه بين اخماد الاحتجاجات القبطيه المتتاليه على اتفه الاسباب وتخفيف حدة نبرته مع القيادات السياسيه ودفعه نحو تهيئة الاقباط للتأقلم مع النظام العام بالدوله
الى اخر الوثيقه
وطبعا كده كده فتنه

انا مش مصدق صراحه
شكلها مضروبه

اليوم السابع.......جريدة فتنة وبتطبخ الأخبار على هواها
طيب شوف رد أخواننا المسيحين على خبر زي ده
جماعات أسلامية وحزب الله(مسلمين)
أيه الحكمة من نشرهم خبر زي ده في التوقيت ده

ميكي. عدل التعليق عالصورة اللي حاططها فالتوقيع. وعرفنا مين الطفل الرابع اللي واقف ورااااااااااااا بعد ماعرفنا مين التلاتة اللي بيلعبو علي حجر الملك.

اقتباس:

---

المشاركة الأصلية كتبت بواسطة mahmoudselim

اليوم السابع دي مش تمام وشكلها عاوزاها حرب أهلية
الراجل ما تعينش بقالة ساعة ونزل مقال بيقول

اليوم السابع | الشعب يريد إسقاط حكومة شرف!

اليوم السابع | الشعب يريد إسقاط حكومة شرف!

انا مش فاهم اية لازمة مقال زي دا في الوقت دا دا الراجل بيتهيئلي ماكنش يعرف لسة انة اتعين رئيس وزراء .
العالم دي لازم تغووور والله

---

فلتقرأ المقال جيداً قبل أن تحكم عليه.

اقتباس:

---

المشاركة الأصلية كتبت بواسطة mr_vampire

ميكي. عدل التعليق عالصورة اللي حاططها فالتوقيع. وعرفنا مين الطفل الرابع اللي واقف ورااااااااااااا بعد ماعرفنا مين التلاتة اللي بيلعبو علي حجر الملك.

---

شوف هو ماسك ايه وبيعمل ايه انت تعرف هو مين ههههههههههه مش محتاج تشوف وشه

اليومين دول يومين الافلام والاكشن ، وخصوصا ان ما فيش رقابة علي مصداقية الاخبار ، وعموما اليوم الساقع معروفة للجميع واهو كله بياكل عيش علي قفا الحكومة دلوقت

مصدر الخبر ايه ؟؟؟؟؟؟؟؟؟؟؟؟؟ظ

يعني هيكونو حرقو كل الوثائق اللي اتحرقت ونسيو دي؟؟ لا واليوم السابع هتوصلها قبل النيابة ؟

اقتباس:

---

المشاركة الأصلية كتبت بواسطة everlasting

فلتقرأ المقال جيداً قبل أن تحكم عليه.

---

ومن غير ما أقراء اصلا العنوان نفسة مش وقتة خاااااالص
وبعدين هو بيتكلم ان الراجل دا كان عينة المخلووع طاب اية المشكلة هو في حد فهمة ان شباب الائتلاف رافضين اي حد كان متعين.. دا اذا كان عمرو موسي اغلب الشباب متفقة علية يكون رئيس . الشباب رافضة اي شخص كان موقفة سلبي والراجل دا (عصام شرف) مواقفة الايجابية تتحدث عنة.

يعني كفاية السؤوال ال طرحة في المقال.


لكن السؤال: هل أستاذ فى هندسة القاهرة هو أصلح شخص لقيادة الحكومة فى هذه المرحلة الانتقالية.. أم أننا نحتاج إلى رئيس حكومة سياسى، يختار وزراء خبراء كلاً فى مجاله؟

ورد الباشا الفليسوف علي نفسة وقال

وحتى كتابة هذا المقال لم يكن شرف قد اختار تشكيلة حكومته المقبلة، وبالتالى من غير المعروف من خرج ومن دخل

فهمني انتا بقي يعني هو عاوز يوصلنا لاية؟!

صدق كرمبو لما سماها اليوم السائع
ساقعة ساقعة يعني

رئيس تحرير اصفر وجريدة تتعمد عناوين مثيرة

بغرض الانتشار

كلام فارغ
طبعا كلام فارغ

بكره هنقعد على الحيطة ونسمع الزيطة .. الصبر جميل.
وان كنت اعتقد أن كثير من الوثائق المتداولة هنا وهناك هتطلع فشنك ، ومجرد تصفية حسابات.

السلام عليكم
اولا انا عن نفسي أصدق أي فعل إجرامي من النظام البائد وبالأخص لو كان هدف الفعل إفتعال أزمه طائفيه بغرض تلهية الشعب وصرف عقله عن التفكير في قضايا الفساد والنهب والاهدار
ولكن السؤال الذي من شأنه إثبات أو نفي حقيقه أو مصداقيه الوثائق المرفقه بالموضوع هو :
هل النظام السابق كان يوثق جميع أوامره وتحركاته وخطواته بشكل كتابي ؟؟؟
,أجابتي أنا عن نفسي : هذا النظام لم يكن بتلك السذاجه ...... مع الوضع في الاعتبار أنه في مستوي اي شبهه أيا كانت .... وممكن أي فعل يصدر منه

طبعا ظهور الموضوع ده في هذا الوقت المقصود به الفتنه لاغير
والغباء ان اليوم السائع ناشر ان حبيب العادلي عايز تكتيف الأقباط وإخماد احتجاجاتهم المتتالية وتهدئة نبرة البابا شنودة فى خطابه مع النظام، يتم تنفيذ عمل تخريبى ضد إحدى الكنائس بمعرفتنا ثم نقوم بإلصاق تلك التهمة أثناء التحقيقات لأحد القيادات الدينية المسيحية التابعة للكنيسة عن طريق جميع تحريات المعمل الجنائى والنيابة العامة تتجه نحو القيادة القبطية ثم نطلع البابا شنودة على نتيجة التحقيقات السرية ونفاوضه بين إخماد الاحتجاجات القبطية المتتالية على أتفه الأسباب وتخفيف حدة نبرات حديثه مع القيادة السياسية وعدم تحريض رعايا الأقباط للتظاهر والاحتجاج ودفعه نحو تهدئة الأقباط للتأقلم مع النظام العام بالدولة، وإما إعلان فيلم القيادة الكنسية بتدبير الحادث وإظهار الأدلة على الملأ أمام الرأى العام الداخلى والخارجى لتنقلب جميعاً على الكنيسة، خاصة أقباط مصر ورعايا البابا، ومن المؤكد أن البابا شنودة سوف يمثل للتهديد ويتحول موقفه للنقيض بما يضمن تهدئة الأوضاع تماماً.
ده علي اساس ان يرضي عنه المعارضون لسياسة المتبعه من الكنيسه سواء من الأقباط او المسلمين
ده غير ان تم اغفال اهم دليل يدل علي غابئهم وعلي نشرهم للفتنه وهو
وتمت الموافقة على تشكيل معاون من عناصر موثوق فيها من الجهاز، وهو أحمد محمد خالد أحد عناصر الجماعات الإسلامية المعتقل بوزارة الداخلية، وهو من العناصر النشطة وله اتصالات بعناصر متطرفة ويمكن تجنيده لتنفيذ تفجير كنيسة القديسين بالإسكندرية، وتم وضع خريطة تفصيلية بمداخل ومخارج الكنيسة وكهنتها، مما يسهل السيطرة الكاملة على تسجيلات كاميرات المراقبة والتحكم فيها لتوجيه الأدلة الجنائية.

وقام المدعو خالد بعرض الفكرة على أمير التنظيم حزب الله وتم تكليف عنصر جديد يدعى عبد الرحمن أحمد على - لمعاونته فى تنفيذ المهمة وطلب مهلة أسبوعاً لتجهيز العملية وإحضار المتفجرات والمعدات من قطاع غزة من شخص يدعى محمد عبد الهادى مع التنبيه عليه بالالتزام بمكان السكن المحدد له لحين بدء توقيت العملية.
ده غير ان وزارة الداخليه اعلنت اي ان اللي نفذ العمليه من جيش الأسلام الفلسطيني وقد اعلنوا عن هذا مسبقا وده الخبر

اليوم السابع | بعد ساعات من قرار حظر النشر..العادلى يكشف لـ"الأهرام": المتهم أحمد لطفى إبراهيم ضُبط بالخارج والأمن فتش منزله بعد يوم من التفجير ومنفذ الجريمة ليس مصريا..ولا يوجد ارتباط بين حادثى سمالوط والإسكندرية

اليوم السابع | طالع النص الكامل لحوار وزير الداخلية للزميلة الأهرام..

وجايين دلوقتي ويقولوا الهدف من اجل توريط المسيحين في التفجير يبقي المقصود ايه
الجريده دية لازم تنحل وكل يوم بتفقد مصداقيتها اكتر

لاحظوا الأطراف المشرشرة للأوراق واللى بتدل على (اصطناع الصدق) بشكل مبالغ فيه.

الورق فشنك 100%

1- ده منظر ختم وزارة داخلية؟
2- الأمضاء بجانب الختم في الورقتين الأولتين مش متطابقتين...التانية مهزوززة....يعني أي كلام
3- فيه مخطط سياسي من الدرجة الأولى زي ده و يتكتب بالسذاجة دي كأن واحد بيكتب قصة و سيناريو و حوار؟
4- من إمتى وزارة الداخلية بتعمل Boarder روش زي ده على ورق المخططات بتاعتها؟
5- ليه مافيش ختم نسر؟
6- الورق ده مطبوع من على كومبيوتر و متصور على الأقل 5 مرات على مكن تصوير مش نضيف لإضفاء عنصر المصداقية و الأهمية للورق

كله في الكلتش

اقتباس:

---

المشاركة الأصلية كتبت بواسطة nadernabil

الورق فشنك 100%

6- الورق ده مطبوع من على كومبيوتر و متصور على الأقل 5 مرات على مكن تصوير مش نضيف لإضفاء عنصر المصداقية و الأهمية للورق

كله في الكلتش

---

والله نفس اللي فكرت فيه
هو ختم النسر مكانش في الدُرج ههههههههه

و معلش يعني.....وزارة الداخلية مش هاتكتب التاريخ و الأرقام بالإنجليزي في الأوراق الرسمية اللي زي دي....
أكيد نسخة الويندوز بتاعتهم فيها أرقام عربي!!!

اقتباس:

---

المشاركة الأصلية كتبت بواسطة mr_vampire

ميكي. عدل التعليق عالصورة اللي حاططها فالتوقيع. وعرفنا مين الطفل الرابع اللي واقف ورااااااااااااا بعد ماعرفنا مين التلاتة اللي بيلعبو علي حجر الملك.

---

هههههههههههههه ماهو كتبلك علي البمبرز انو القذافي ههههههههههه
بس ياصبحي احنا بقينا ناخد عبر من توقيعك يابقي اللي جاي وعليه الدور بو تفليقه هههههههههههههههههههه

أي عيل صغير في الشارع و لقى حاجة تدين العادلي هايروح للنائب العام

طالما هما برمات اوي كده يكملوا الوطنية بتاعتهم و يسلمولوا المستندات

فى راى ان ده كلام فاضى
لو الوزير هيعمل كده هيسيب مذكرات تدينوا
فى ناس عايزه تولعها وهى اكتر ناس متضرره من الثوره لحد دلوقتى

كلام فارغ ومايعملهوش وزارة الداخلية الليبية وممكن علي كدبو ان يعمل فتنة بجد

اقتباس:

---

المشاركة الأصلية كتبت بواسطة otefa

اليوم السابع.......جريدة فتنة وبتطبخ الأخبار على هواها
طيب شوف رد أخواننا المسيحين على خبر زي ده
جماعات أسلامية وحزب الله(مسلمين)
أيه الحكمة من نشرهم خبر زي ده في التوقيت ده

---

++++++++++++++1

"التنظيم السياسي السري"
هي وزارة الداخلية فيها تنظيمات سرية :36_1_1[1]:
تسمية كوميدية قوي

أرجو من الاعضاء استخدام نفس المنطق في تقيم أو وثائق أخري منشورة. أنا بقيت حاسس اننا بسهولة بنكدب اللي ميجيش علي هوانا ونصدق اللي بيعجبنا
للعلم أنا غير مصدق لاقي وثائق مسربة في أي خبر لا ده ولا بتوع جهاز أمن الدولة. أنا بس شايف الأعضاء لجأوا للحكمة والبعض قدر يخلق أسباب وجيهه جدا لتكذيب الوثائق ديه وبيصدق ويتعاطف بسهولة مع غيرها عشان بتيجي علي هوانا.
ويارب نتبع نفس الاسلوب مع الأخبار المنقولة. فيه جهات مختصة للتحقيق و حاليا كمان بقي فيه شفافية هي ادري و اوقع بتوجيه اتهامات أو تبرئة التهم.

في عرف النظم الأمنية العمليات دي اسمها عمليات قذرة
ودي عمرها ما بتكون بورق مكتوب ......دي بتكون شفوي ..... بالأمر المباشر
...
...
انا مش مصدق الكلام ده
هو ممكن اوي يكون فعلا الداخلية لها علاقة بالتفجير ..... لكن مش بالشكل الساذج ده

اعتقد ان المستندات دي مزورة
واللي مزورها وزارة الداخلية
وعناصر الوزارة هم اللي مسربينها للجرايد
وبعد ما تتقدم للنائب العام وتبقى رسمي ...... يكتشفو انها مزورة ..... ويبقى دليل على ان الوزارة بريئة وان الشعب الفاسد والجماعة المحظورة والعناصر المندسة هم اللي بيظلمو الوزارة ويضطهدوها ......:majd(4):
وممكن القضاء بقي يحكم بصحتها رغم انها مزورة نكاية في العادلي ورفاقه .... ويبقى السحر انقلب على الساحر
سيناريو درامي كوميدي استعراضي روائي تسجيلي وثائقي ..... مش كدة