الشارع بدون صاحب

**أبو إياد** · 03-03-2011 07:55 PM

السلام عليكم ورحمة الله وبركاته

بما ان نايل موتورز منتدى خاص بالسيارات يبقا اكيد جميع الاعضاء مشتركين فى مشكله واحده مشكله بيعانى منها كل من يستخدم سياره وهى فوضى المرور ولازم يكون فى حل اذا كان الجهاز الامنى بيعاند يبقى الطرف الاخر لازم يكون ايجابى لازم نشوف حل للى بيحصل دلوقتى الحوادث كترت بشكل رهيب والخناقات كذلك بالاضافه ان كل سائق او مالك سياره فى ظل الظروف اللى بنعيشها بيحمل سلاح او شومه او اى شىء يدافع بيها عن نفسه وده طبعا بيؤدى لنتائج رهيبه وفى الاخر مفيش حد يفصل بينهم

من ضمن المشاكل اللى ظهرت بشكل كبير

شلل تام فى جميع الشوارع وجميع الاتجاهات فى جميع الاوقات
عمل مواقف للميكروباصات فى شوارع رئيسيه
الانتظار اللى وصل الى صف ثالث فى الشوارع الرئيسيه
كسر اشارات المرور
السير عكس الاتجاه
الفهلوه اللى زادت جدا بين راكبى السيارات
السير بدون لوحات مروريه

المصيبه الكبرى وهى ظهور التوك توك ليساعد الميكروباصات فى قيادة الشارع ويتحكمون فيه الآن في ظل غياب أمني واضح

ياعنى ايه ميكروباص يقف يحمل على الشمال ويقف مكان مايعجبه
ياعنى ايه اكون ماشى فى شارع زى التحرير فى الدقى وعلى شمالى توك توك
ياعنى ايه اكون واقف فى اشاره حمرا وورايا واحد عمال يزمر ويزعق وينور النور علشان امشى

والمصيبه لو فتحت بوقك وانتقضت اى شخص من هؤلاء مش بعيد تتقتل بدون مبالغه

من الاخر الشارع اصبح بدون صاحب

ده يرضى ربنا لما امشى فى طريق الواحات والاقى المنظر ده

..[/URL]

ايه الحل؟
عاوزين احتراماً متبادلاً بين الناس و الكلمة للعقل والمنطق وليست لأصحاب العضلات والصوت المرتفع والبلطجيه
هناك ثورة تطلعات وطموحات لا تتناسب مع ما هو موجود علي أرض الواقع.

**ramy87** · 03-03-2011 08:07 PM

يبقى الحال كما هو عليه لحين عودة الجهاز الأمني مرة أخرى
و ربنا يستر

**Nistelrooy** · 03-03-2011 08:12 PM

فية غياب مروري شديد الايام دي

**أبو إياد** · 03-03-2011 08:13 PM

لا يا استاذ رامى لازم يكون فى حل وزى ما انا بفكر لازم الكل يفكر لغايه لما نهتدى لاى حل بجد انا اتخنقت انا المفروض اخرج من الشغل الساعه 5 لكن بفضل انى اكون فى الشغل لغايه الساعه 10 علشان باتعب من الزحمه وبانزل الشغل من فيصل لوسط البلد من ساعه ونص لساعتين وفعلا تعبت وبعانى جدا من اللى بيحصل وضغطى دايما عالى بسبب اللى باشوفه
ايه اللى احنا وصلناله ده مش وقت تصفيه حسابات نهائى

**shaddadfalcon1** · 03-03-2011 09:03 PM

دلوقتي بقيت اشوف كل العربيات مفيمه وحاطه نمر بتاعة 25 يناير فوي النمر بتاعتها وماشيه عكسي ومركبه سرينه دي غير الركنه صف تالت

**walidzakzok** · 03-03-2011 09:40 PM

المشاركة الأصلية كتبت بواسطة ahmed2y

انا مش عارف اقول اية بجد عندنا طبقة فى الشعب لازم يتلمو فى سفن وفى وسط البحر وتتفجر ناس زبالة الزبالة لا يوجد امل عاوزين محارق ويحطو فيها اقسم بالله الكان بتعملو الشرطة مع بعض الناس كان صح واتمنى انة يفضل ويرجع تانى لان فى طبقة لازم يداس عاليها بالجزمة لان غير كدة مش هيمشو صح

وطبعا انا اسف فى بعض تجاوزاتى وعارف الى هيتقال عاليا بس صدقونى هو دة الصح

للاسف الشرطة كانت عاملة زي غطا البلاعة كانت قافلة على بلاوي....بس دة ميمنعش ان اسلوب الشرطة كان فيه تجاوزات

**shaddadfalcon1** · 03-03-2011 10:15 PM

اللي يغيظ لما ابقي مروح وماشي علي الزراعي والاقي فئه خامسه جاي عكسي علي الزراعي ياناس
طيب التوكتوك وقلنا ماشي انما واحد راكب بي ام ولا ميرسيدس يبقي ازاي !!