لمة التشيك نورت بعد تغيير فلتر البنزين
بما اني حسيت انها حاجه هبله اني معرفش اغير فلتر البنزين بنفسي قمت سال ميكانيكي عن كيفية فكه وفعلا عملت كده وشيلت الكلبسات والفيشه ونفخت فيها حسيت انه مسدود
النهارده اشتريت واحد جديد جي ام من عند سعيد نصار ب 35 جنيه ولما وصلت البيت خلعت القديم وركبت الجديد زي القديم بالظبط بعد مانقلت الكلبسات من القديم للجديد ودوري ياحجه لقيتها مبرجله شويه وبعدين صوت الموتور علي فجاه وبعدين هدي وهووب لمبة التشيك نورت
طفيت وتاكدت ان السلك اللي بتركب في الفلتر متوصل كويس ودورت تاني برده مفيش فايده
كنت رايح عند اهلي والمشوار حوال 40 كيلو ورحت بيها كده والعربيه مكتومه قوي وبحس انها عايزه تبطل
مش عارف ايه الغلط اللي عملته بس كل حاجه متركبه زي القديم
الحاجه الوحيده اللي ملاحظها ان السلك اللي بيركب في الفلتر بيدخل ويطلع بسهوله شديده علي عكس الفلتر القديم كان بحس انه محكوم قوي
ياريت تفيدوني
ممكن يكون عيب فيلتر ولا ايه؟