قففل على الساااااحل .. الصيف الجاي في تركيا

**م.احمد زكريا** · 03-03-2011 10:12 PM

جول يلغي التأشيرة بين مصر وتركيا ويؤكد: الشعب المصري ألهم الشعب التركي

التقى الرئيس التركي عبد الله جول أثناء زيارته لمصر بكل أطياف السياسي، وبدأ زيارته بلقاء المشير طنطاوي رئيس المجلس الأعلى للقوات المسلحة وتحدثا فيها عن سبل التعاون السياسي والاقتصادي بين مصر وتركيا في الفترة القادمة مؤكدا بأن تركيا ستدعم السياحة والاقتصاد في مصر، كما تحدث معه عن أهمية الديمقراطيىة في مصر قائلا: لاتخافوا من الديمقراطية لأنها الحل الأمثل لاستقرار مصر ولبناء البلد من جديد مثل حدث في تركيا.

كما اجتمع جول بعدد السياسيين والنشطاء بينهم مرشد الإخوان د.محمد بديع والقيادي بالإخوان د.عصام العريان والمهندس إبراهيم المعلم رئيس مجلس إدارة دار الشروق ود.أيمن نور بالإضافة إلى جورج إسحق، والتقي بشكل منفصل مع د.محمد البرادعي، كما التقى بمجموعة من شباب إئتلاف الثورة، وهو اللقاء الذي طرح فيه أحد شباب الإئتلاف إسلام لطفي إلغاء التأشيرة بين مصر وتركيا، وهو الأمر الذي وافق عليه فورا جول داعيا أن تتخذ مصر نفس الموقف بالنسبة للقادمين من تركيا.

وقال جول للشباب أن الثورة المصرية ألهمت الشعب التركي وجعلت ينحنى للشعب المصري العظيم احتراما، داعيا إلى تعاون إقليمي بين مصر وتركيا وعدد من الدول العربية لمواجهة أي محاولات للسيطرة على المنطقة من أي قوى استعمارية.

**م.احمد زكريا** · 03-03-2011 10:41 PM

المشاركة الأصلية كتبت بواسطة maserati

السلام عليكم و رحمة الله و بركاته

أنا عن نفسى, حتى لو بأت السياحة فى تركيا ببلاش, أنا هصيف فى مصر برضه, بلدى و الفنادق و القرى السياحية و الكافتريات اللى فى بلدنا أولى و خاصة فى الأزمة اللى احنا فيها دلوقتى.

بس, المشكلة أن الجماعة بتوع السياحة دول, دايما لما السياحة تنضرب فى مصر, تلاقيهم بيعاملونا كمصريين, كويس و ميه فل و 14 و لما السياحة تشتغل كويس و يبدأ يجيلهم أفواج تانى من بره و البلية تلعب معاهم, يبدأوا يطنشونا و يدونا الطرشة و يتعالوا علينا, يعنى عيب الكلام ده, ما يصحش يعنى .

شوفت هاتسافر تركيا تتعامل كسائح أجنبي وهايدلعوووووووك

**فتح الباب** · 03-03-2011 11:18 PM

المشاركة الأصلية كتبت بواسطة ralliart

والله قرار جامد وهيظبط الاسعار اكتر مما هي متظبطة بس انا خايف تبقى طريق للهجرة الغير شرعية ويعملو مشاكل خصوصاً انهم جنب اوروبا

بأذن الله كمان سنه بالكتير هتشوف الاوضاع فى مصر هتبقى احسن من اوروبا وبالتالى مش هايبقى فى هجره غير شرعيه . انما بتوع الهجره الغير شرعيه كان عندهم حق طبعا وشوفوا انتو فى ظل الارقام اللى بنسمعها اليومين دول
تخيلوا بقى كل الارقام دى هتبقى هى هى مع الفرق انها هتكون للشعب فأن شاء الله مصر هتبقى احسن

**MASERATI** · 03-03-2011 11:29 PM

المشاركة الأصلية كتبت بواسطة tjp

بأذن الله كمان سنه بالكتير هتشوف الاوضاع فى مصر هتبقى احسن من اوروبا وبالتالى مش هايبقى فى هجره غير شرعيه . انما بتوع الهجره الغير شرعيه كان عندهم حق طبعا وشوفوا انتو فى ظل الارقام اللى بنسمعها اليومين دول
تخيلوا بقى كل الارقام دى هتبقى هى هى مع الفرق انها هتكون للشعب فأن شاء الله مصر هتبقى احسن

السلام عليكم و رحمة الله و بركاته

يسمع من بؤك ربنا, أنا أتمنى أن الكلام ده فعلا يحصل و ربنا ييسر الأمور و عصام شرف يكون عند حسن ظننا و ربنا يصلح مابين ايديه و ييسر له أولاد الحلال و البطانة الصالحة اللى ماتعملش زى البطانة الزفت اللى كانت حوالين مبارك ماعملت معاه, بس نرجع و نقول أن أصلا مبارك كان هو اللى مش متربى و ايده طويلة و عاوزه قطعها .

**waelfarid** · 03-03-2011 11:49 PM

maserati
حسني طيار حربي
يبقي لو حصلت حاجة في الطيارة يعمل ايييييييييييييييييييييه
يفتح الكابينة لفوق ويدوس الزرار اللي ينطره لفوق (تحويل الفلوس اللي سرقها لبرة اول باول) ويسيبها تلبس في ستين داهية مش اخلاق ربان سفينة(اخر شخص يغادر السفينة)
وبلد المنشأ تحتم عليه ندالة منقطعة النظير الا من رحم ربك سمعة محافظات بقي وتحياتي

**MASERATI** · 04-03-2011 01:45 AM

المشاركة الأصلية كتبت بواسطة waelfarid

maserati
حسني طيار حربي......................

وبلد المنشأ تحتم عليه ندالة منقطعة النظير الا من رحم ربك سمعة محافظات بقي وتحياتي

السلام عليكم و رحمة الله و بركاته

هههههههههههههههههههههه

أنت عارف أنا بضحك ليه؟؟؟

أصل أنا كمان منوفى (من المنوفية يعنى) .

و الله المنايفة دول عالم طيبين و غلابة .

**waelfarid** · 04-03-2011 01:56 AM

قلبي كان حاسس بس قولت لك الامن رحم ربك
بص ياسيدي في رأيي مفيش منوفي عبيط واقل واحد فيهم ميضحكش عليه ويعرف يجيب حقه كويس ده الطيب اللي فيهم
بس كل مجموعة بشر تنتمي لجزء لوني من الوان الطيف
والسمعة غلابة ومفيش دخان من غير نار
بس لوبصينا علي الدلتا المحافظة دي واخدة موقع استراتيجي أرزاق بقي وموزعها الخلاق

**atef_rashad** · 04-03-2011 01:57 AM

هيندم ندم عمره على القرار ده وهيلغيه بعد اسبوع لما جيوش التتار (كنايه عن اعداد المصريين اللى هيسافروا)يهجموا على تركيا للعمل فى اى حاجه زى ليبيا كده

-

الموضوع: قففل على الساااااحل .. الصيف الجاي في تركيا

LinkBack

أدوات الموضوع

عرض

قففل على الساااااحل .. الصيف الجاي في تركيا - انشر الموضوع فى :

-

-

-

-

-

المواضيع المتشابهه

أنا ححجز m11 الأسبوع الجاي لولولولولولولولي ياريت تفيدوني

حد هيلغي حجز الصيانة بتاعو الاسبوع الجاي؟

أنا رايح التوكيل يوم الأحد الجاي, حد جاي؟

الكلمات الدلالية لهذا الموضوع

المفضلات

المفضلات

ضوابط المشاركة