الموضوع: حملة شكر وتقدير للفريق/احمد شفيق

المشاركة الأصلية كتبت بواسطة atef_rashad

اللى زى حضرتك مبيعجبوش العجب وهمك خراب البلد
لحد هنا واقف :_alshmokh08[1]:
الراجل خلى الناس تعتز ببلوفارتها الزرقا
الراجل حطم رقم قياسى كاطول رئيس وزرا فى برنامج ببقائه 4 ساعات ونص (يتهيالى القذافى معملهاش)
الراجل تفوق على حسنى مبارك بالصمود امام رغبه الناس باستقالته بالاضافه انه معملش حاجه فى 33 يوم الا المكالمات فى برامج التلفزيون او ظهوره بشكل شبه يومى فى معظم البرامج علشان يتكلم وخلاص
فلو سمحت ادى الراجل حقه :_alshmokh08[1]:

انا هاخد قرصين اسبرين و اتغطى كويس و اقرا الاهرام 20 مره فى اليوم ممكن اخف و اعرف انجازاته و اشكره عليها

السلام عليكم و رحمة الله و بركاته

يا جماعة, هو احنا كل مايجيلنا مسؤول من أى نوع و يقعد شوية و يمشى, هنعمله مبادرة تأييد و تكريم و تأبين و الكلام اللى من القرع ده, ده احنا كده مش هنخلص, ده احنا داخلين على أيام بيضا, هتتكشف فيها حاجات كتير و مسؤولين كتير هتطير .

أحمد شفيق كان راجل OK و 100 100 , ماشى , على دماغى, بس مش معنى أننا طالبنا باقالته, أننا نبقى بنشتمه, الراجل أحمد شفيق ده زى العربية الMERCEDES S class و عصام شرف زى العربية الBMW 7 series , تمام, مش معنى أننا سبنا المرسيدس و ركبنا البى ام, أن المرسيدس دى عربية وحشة,اطلاقا, الشعب من حقه التغيير لمجرد التغيير و لا يسأل عن أسباب التغيير, طالما أن الأغلبية و الجماهير أجمعت عليها, بس كده و خلاص.

الراجل اشتغل شهر و احنا كناس , منا اللى بيفهم و منا اللى مابيفهمش, شوفنا, أن أداؤه غير مناسب خالص للفترة اللى احنا فيها و أنه به شبه ولاء للنظام القديم, أيا كانت أسباب الولاء ده, هل هو لأنه ليه مصالح معاهم و لا لأنه راجل ابن أصول, أيا كان السبب, خلاص, هو مش مناسب و خلاص و أى مسؤول ييجى البلد دى بعد كده, لازم يبقى عارف أنه هيقعد شوية و يمشى و أن لا يوجد من ولدته أمه, عشان يفرض رأى ما أو مسؤول ما على الشعب و المسؤول اللى عاوز ييجى للمنصب و مايسيبهوش, أمامه حل من اتنين, يا اما يستشهد و هو فى المنصب, يا اما مايجيش المنصب خالص.

لكن نظرية تأليه المسؤول, دى مرفوضة تماما, أنا عارف أن الشعب المصرى شعب عاطفى, بس بالتعود و مع كتر تغيير و حساب المسؤولين بصرامة, العواطف دى هتهدى شوية.

عالله بس, ماحدش يقول نعمله مسيرة الجمعة الجاية فى ميدان مصطفى محمود هو راخر .

المشاركة الأصلية كتبت بواسطة mr_vampire

معلش هرد علي جزئين : اولا جزئية الاعتذار::

--الشعب لما يطلب منه انه يمشي لانه ببساطة شديدة ( اخد صلاحياته من شخص معندوش صلاحية اصلا وانتهت شرعيته وصفته كرئيس للجمهورية ) يبقي محدش غلط فيه.

ولو الناس زودت فالتريقة عليه يبقي هو اللي بدءها لما قال ( سيبوهم ونجيبلهم بونبون ).

--لما شكل وزارة جديدة واصر علي وجوه قديمة تستفز الناس يبقي كدة حط نفسه في موقف لا يحسد عليه ادام شعب بأكمله.

--ثانيا: حملة الشكر والتقدير :: لما تثبت عدم صحة مأنسب اليه من قضايا فساد يبقي ساعتها نشكره ونقدره علي اللي عمله في مصر للطيران ( مع ان بشهادة ناس فالمجال نفسه ) ان الفساد والتربح والمحسوبية اللي فالخفي اعظم من الانجاز اللي ظاهر لينا.

اسف للاطالة

1_الشعب مقالشي و ياريت كل واحد يتكلم عن نفسه لان شعب مصر بطل ياخد الزبادي و ينام بعد 25 يناير و يقدر يعبر عن رايه
2- حكومة شفيق سقط مع سقوط مبارك لكن رجعت المجلس الاعلي للقوات المسلحة و جدد الثقة فيه تاني يبقي كان رئيس وزراء شرعي
3- لا يوجد حتي الان اي اتهامات وجهت له من النيابة العامة يبقي الاصل في الانسان الراءة لحين اثبات العكس
4- اظن هو اعترف ان الوزرا الي احنا مش عايزنهم غصب عليهم من المشير خصوصا بتاع الخارجية و العدل
يبقي فعلا شكر للفريق شفيق علي كل ما بذله و اذا الشعب طالب بشيله يبقا الف مبروك للشعب علي رئيس الوزراء الجديد عضو امانة السياسات بالحزب الوطنيي:b4_388::b4_388::b4_388:

المشاركة الأصلية كتبت بواسطة أبو عبدالله

بصراحه ده اسمه استخفاف بعقولنا كلنا
ايه يا جماعه
هو احنا كل واحد هنعمله رمسيس
ايه الحكايه دي
عبودية الأشخاص دي لازم نتحرر منها بقه
يعني لو افترضنا حسن النية في الموضوع
يعني هو مش فيه ناس كانت تستحق المجهود ده اكتر من الكابتن شفيق الطيار بتاع المعارك
فيه مصريين كتير يستحقوا مجهودنا وتكريمهم
ليه مشغلناش بالنا بهم
بصراحه ده اسمه تحييز اعمى
لأن لما يبقى فيه اولويات بصراحه يبقى ده اسمه استخفاف بعقولنا

+111111111

شوف الخبر دا ولا تعليق عليه
اليوم السابع | ألف شخص يتظاهرون فى ميدان مصطفى محمود للمطالبة بعودة أحمد شفيق