حملة شكر وتقدير للفريق/احمد شفيق

**Queue** · 03-03-2011 10:44 PM

بجد والله انا اول مرة اشارك في حاجه تبع الfacebook بس الراجل ده فعلا محترم و هو مشي دلوقتي شبه متهان فقلت اشارك الموضوع ده مع الناس هنا للي عايز يقول له كلمة شكر يدخل على الفيس على اللينك ده
â€«ط.ظ…ظ„ط© ط´ظƒط± ظˆطھظ‚ط¯ظٹط± ظ„ظ„ظپط±ظٹظ‚/ط§ط.ظ…ط¯ ط´ظپظٹظ‚ | Facebookâ€¬
و متنساش أعجبني او like .
ملحوظة:انا مش صاحب الصفحة دي.
شكراً

**beautiful0mind** · 03-03-2011 11:08 PM

فعلا كل التقدير لشخص احمد شفيق

**mr_vampire** · 03-03-2011 11:19 PM

معلش هرد علي جزئين : اولا جزئية الاعتذار::

--الشعب لما يطلب منه انه يمشي لانه ببساطة شديدة ( اخد صلاحياته من شخص معندوش صلاحية اصلا وانتهت شرعيته وصفته كرئيس للجمهورية ) يبقي محدش غلط فيه.

ولو الناس زودت فالتريقة عليه يبقي هو اللي بدءها لما قال ( سيبوهم ونجيبلهم بونبون ).

--لما شكل وزارة جديدة واصر علي وجوه قديمة تستفز الناس يبقي كدة حط نفسه في موقف لا يحسد عليه ادام شعب بأكمله.

--ثانيا: حملة الشكر والتقدير :: لما تثبت عدم صحة مأنسب اليه من قضايا فساد يبقي ساعتها نشكره ونقدره علي اللي عمله في مصر للطيران ( مع ان بشهادة ناس فالمجال نفسه ) ان الفساد والتربح والمحسوبية اللي فالخفي اعظم من الانجاز اللي ظاهر لينا.

اسف للاطالة

**أبو عبدالله** · 03-03-2011 11:21 PM

بصراحه ده اسمه استخفاف بعقولنا كلنا
ايه يا جماعه
هو احنا كل واحد هنعمله رمسيس
ايه الحكايه دي
عبودية الأشخاص دي لازم نتحرر منها بقه
يعني لو افترضنا حسن النية في الموضوع
يعني هو مش فيه ناس كانت تستحق المجهود ده اكتر من الكابتن شفيق الطيار بتاع المعارك
فيه مصريين كتير يستحقوا مجهودنا وتكريمهم
ليه مشغلناش بالنا بهم
بصراحه ده اسمه تحييز اعمى
لأن لما يبقى فيه اولويات بصراحه يبقى ده اسمه استخفاف بعقولنا

**cayman69300** · 03-03-2011 11:29 PM

انا عن نفسى باحب احمد شفيق و باحترمة جدا

**Queue** · 03-03-2011 11:42 PM

الف شكر لكل الناس الي ردت انا على فكرة كنت مع ان د.شفيق يمشي بس لاسباب غير التي قيلت منها الضغط النفسي الي كان مينفعش اي بني ادم يشتغل فيه كويس ,
انا دلوقتي فقط عاوز الناس الي شافتة تعب او عمل حاجة واحدة كويسة للبلد تقول له شكرا بس والف شكر مرة تانية لكل الي رد.

**mahmoud_magdy** · 03-03-2011 11:54 PM

شكرااااااا وله كامل التقدير والاحترام
ولكن بدون حملات
وزي ما قال ابو عبد الله الانحيار ممنووووووووووووووع ويكفي الشكر

**itsonlyme** · 03-03-2011 11:59 PM

المشاركة الأصلية كتبت بواسطة أبو عبدالله

بصراحه ده اسمه استخفاف بعقولنا كلنا
ايه يا جماعه
هو احنا كل واحد هنعمله رمسيس
ايه الحكايه دي
عبودية الأشخاص دي لازم نتحرر منها بقه
يعني لو افترضنا حسن النية في الموضوع
يعني هو مش فيه ناس كانت تستحق المجهود ده اكتر من الكابتن شفيق الطيار بتاع المعارك
فيه مصريين كتير يستحقوا مجهودنا وتكريمهم
ليه مشغلناش بالنا بهم
بصراحه ده اسمه تحييز اعمى
لأن لما يبقى فيه اولويات بصراحه يبقى ده اسمه استخفاف بعقولنا

**m_car** · 04-03-2011 12:02 AM

احمد شفيق اللى مكنش عارف يعمل اى حاجة وكل شوية يتنطط من برنامج لبرنامج والدليل انه فاضى والله ومش لاقى حاجة يعملها وبعدين ده اتعين من قبل انسان لا شرعية له

وبعدين نشكره ونقدره على ايه يعنى عمل انجاز ايه

**mmolazem** · 04-03-2011 12:22 AM

المشاركة الأصلية كتبت بواسطة mr_vampire

معلش هرد علي جزئين : اولا جزئية الاعتذار::

--الشعب لما يطلب منه انه يمشي لانه ببساطة شديدة ( اخد صلاحياته من شخص معندوش صلاحية اصلا وانتهت شرعيته وصفته كرئيس للجمهورية ) يبقي محدش غلط فيه.

ولو الناس زودت فالتريقة عليه يبقي هو اللي بدءها لما قال ( سيبوهم ونجيبلهم بونبون ).

--لما شكل وزارة جديدة واصر علي وجوه قديمة تستفز الناس يبقي كدة حط نفسه في موقف لا يحسد عليه ادام شعب بأكمله.

--ثانيا: حملة الشكر والتقدير :: لما تثبت عدم صحة مأنسب اليه من قضايا فساد يبقي ساعتها نشكره ونقدره علي اللي عمله في مصر للطيران ( مع ان بشهادة ناس فالمجال نفسه ) ان الفساد والتربح والمحسوبية اللي فالخفي اعظم من الانجاز اللي ظاهر لينا.

اسف للاطالة

لاشكر على واجب.

صاحب الضربة الجوية المزعوم لم اجد فى نفسى اى شعور بالشكر تجاهه او اى استعداد للتأسف له لأنه هو من اهان نفسه بعدما اهان شعبه.

كذا الحال مع صاحب المطار المفتخر ( الا بعدما يثبت يقينا عدم تورطه من قريب او بعيد بالفساد الذى أفسد علينا حتى الهواء الذى نتنفسه ) .