ايه رأيكم انهي افضل بغض النظر عن فرق السعر من نحية الشكل والتحمل والسحب والعفشه
عرض للطباعة
ايه رأيكم انهي افضل بغض النظر عن فرق السعر من نحية الشكل والتحمل والسحب والعفشه
السلام عليكم
اخي الكريم ... كيف حالك
اعتقد الفرق الرهيب بين العربيتين كبير اوي كفئة سعرية
اعتقد اللوجان الهاتش .. ب 73000
والماتريكس المانيوال 93000
يعني حوالي 20000 جنيه فرق
بس علي العموم ان هيونداي عربياتها غالية جدا في الفئة السعرية بتاعتها ومفهاش وسائل امان وكماليات كتير ناقصة وفي الاخر نفس سعر عربيات واغلي كمان من عربيات في نفس الرينج بتاعها وفيها وسائل امان وليها اسمها ةماركات معروفة
انا لو منك لو الماتريكس احلي ... برده مش هاشتريها علشان عارف انها اغلي من سعرها المفروض ولو علي الاقل 10000 جنيه
يعني مثلا قبل ما اشتري الصني كان قدامي النيو اكسنت
تخيل موديل 2010 بـ 75000 جنية .... و2011 بـ 84000 جنيه
افهمها ليه بقي وهي هي نفس العربية ومفهاش لا امان ولا كماليات ولا اي حاجة خالص وغير كل ده وكيلها غبووور
انت المفروض تبص علي الحاجة اللي بتخدم العربية الاول
زي التوكيل .. قطع الغيار .. الصيانة ... الكلام ده كله
الماتريكس جميلة جدا وسحبها حلو وعائلية بشكل جميل اوي ماشاء الله ... توكيلها انت عارف سمعته واعتقد انها غاليه وكمان من غير وسائل امان... ديه مفهاش اير باج حتي للسواق.
اللوجان جميلة طبعا .. وتوكيلها محترم الي حد ما ... بس قطع غيارها لسه ما انتشرتش ... وماتورها مش زي ماتور الماتريكس اكيد
وواسعه من جوة برده وتكييفها الناس بتقول عليه محترم
وفعلا في فئتها تقريبا سعرها مميز ... !!!
انت ممكن تاخد لفة كده علي اسعار قطع الغيار وتروح تشوفهم علي الطبيعة وتشوف انت مستريح لايه
ومتنساش الاستخارة وربنا ييسرلك الخير يارب
اقعد بالعافية :))
اقتباس:
المشاركة الأصلية كتبت بواسطة sonasteel
يسلم فمك يا باشمهندس حسين :)))))))
sonasteel الف شكر لحضرتك وكلامك مقنع فعلا وواقعي وانا مش عارف ايه اللي بيحصل في اسعار الهيونداي زياده مستمره بدون داعي وانا فعلا لقيت ان السانديرو نفس ابعاد الماتريكس في الطول والعرض مفروض حتى لو في فرق مايبقاش ضخم كده....بشكرك على النصيحه