الموضوع: شفيق يحيي شباب الثورة ويطالب العمال العودة لمصانعهم

شفيق رجل محترم بالفعل ربنا يباركله عز علي أن بني أدم زي الأسواني يتكلم معاه بأسلوب حاواري

المشاركة الأصلية كتبت بواسطة wael17

حضرتك متأكد من الكلام ده؟ عصام شرف كان عضو في امانة السياسات في الحزب الوطني؟

http://http://www.nogumfm.com/forum/...ead.php?t=2115
داه الينك المكتوب فيه الكلام داه و العبرة علي الراوي

هو مين اللى عمل اللى قدر عليه و ايه اللى عمله معلش اصلى كنت مسافر مصر بقالى 33 سنه و مش واخد بالى

السلام عليكم و رحمة الله و بركاته

يا جماعة, هو احنا كل مايجيلنا مسؤول من أى نوع و يقعد شوية و يمشى, هنعمله مبادرة تأييد و تكريم و تأبين و الكلام اللى من القرع ده, ده احنا كده مش هنخلص, ده احنا داخلين على أيام بيضا, هتتكشف فيها حاجات كتير و مسؤولين كتير هتطير .

أحمد شفيق كان راجل OK و 100 100 , ماشى , على دماغى, بس مش معنى أننا طالبنا باقالته, أننا نبقى بنشتمه, الراجل أحمد شفيق ده زى العربية الMERCEDES S class و عصام شرف زى العربية الBMW 7 series , تمام, مش معنى أننا سبنا المرسيدس و ركبنا البى ام, أن المرسيدس دى عربية وحشة,اطلاقا, الشعب من حقه التغيير لمجرد التغيير و لا يسأل عن أسباب التغيير, طالما أن الأغلبية و الجماهير أجمعت عليها, بس كده و خلاص.

الراجل اشتغل شهر و احنا كناس , منا اللى بيفهم و منا اللى مابيفهمش, شوفنا, أن أداؤه غير مناسب خالص للفترة اللى احنا فيها و أنه به شبه ولاء للنظام القديم, أيا كانت أسباب الولاء ده, هل هو لأنه ليه مصالح معاهم و لا لأنه راجل ابن أصول, أيا كان السبب, خلاص, هو مش مناسب و خلاص و أى مسؤول ييجى البلد دى بعد كده, لازم يبقى عارف أنه هيقعد شوية و يمشى و أن لا يوجد من ولدته أمه, عشان يفرض رأى ما أو مسؤول ما على الشعب و المسؤول اللى عاوز ييجى للمنصب و مايسيبهوش, أمامه حل من اتنين, يا اما يستشهد و هو فى المنصب, يا اما مايجيش المنصب خالص.

لكن نظرية تأليه المسؤول, دى مرفوضة تماما, أنا عارف أن الشعب المصرى شعب عاطفى, بس بالتعود و مع كتر تغيير و حساب المسؤولين بصرامة, العواطف دى هتهدى شوية.

عالله بس, ماحدش يقول نعمله مسيرة الجمعة الجاية فى ميدان مصطفى محمود هو راخر .