اطلب وضع مكبرات صوت كبيره في ميدان التحرير تذيع أغنية اخترناه اخترناه دون توقف.فإن تمكن المعتصمين من العمل في تلك الظروف،فاليكن لهم كل الحق فى استقالة شفيق
اطلب وضع مكبرات صوت كبيره في ميدان التحرير تذيع أغنية اخترناه اخترناه دون توقف.فإن تمكن المعتصمين من العمل في تلك الظروف،فاليكن لهم كل الحق فى استقالة شفيق
متشكر يا استاذ مينا و صدقني في ناس كتير نفسها تتكلم بس مش عايزة يتقال عليها أعداء الثورة
انا مش من الناس اللي كنت باكتب كتير في المنتدي الاجتماعي و مشاركاتي قليلة جدا بس لما لقيت في ناس بتتكلم باسمي و باسم الشعب بدون تفويض و بيصروا علي اقالة أحمد شفيق بحجة انه من النظام السابق و بعدين يفرضوا علينا عصام شرف حسيت ان الثورة بتتسرق
هو انا نزلت يوم 25 يناير عشان بعد شهر الاقي ناس بتتكلم باسمي و تحجر علي رأي و لما اعترض يقنعوني اني قلة و مش عايز مصلحة البلد؟؟؟؟؟؟؟؟؟ لو أعرف انها هاترسي علي كده ما كنتش نزلت بصراحة
مش ده اللي كان بيحصل قبل الثورة؟ لما تلاقي نفسك و كل قرايبك و زمايلك مش بتروحوا تنتخبوا و لو رحتوا بتنتخبوا اي حد غير الوطني و بعدين يتقالك ده الوطني كسب بنسبة 99%...يعني انا و كل الناس اللي حواليا دي 1%...هي عافية يعني؟؟؟؟
أنا لست مع عصام شرف و لست ضده ببساطة لانه لسه ما شفتش منه حاجة..و لكن انا ضد فرضه علي الشعب من قبل من يطلقون علي انفسهم ائتلاف الثورة و ادعاء انهم يمثلون الشعب
و انا ضد الادعاء بكلام من نوعية " الثوار اختاروه" طيب أنا و كل مؤيدي شفيق متهمين اننا اعداء الثورة و بندافع عن النظام السابق...ماشي...طب الثوار الكتييييير اللي معانا هنا في المنتدي اختاروا عصام شرف؟؟؟؟؟؟ اعملوا بحث في المنتدي علي " عصام شرف" مش هتلاقي كلام عنه قبل يوم الخميس لما تكلف بالوزارة يعني لو فعلا ده كان اختيار الثوار المفروض يبقوا عارفينه و بيتكلموا عنه و اسمه مطروح علي الساحة قبل ما يمسك رئاسة الوزارة
حد من ثوار المنتدي اتكلم عنه قبل ما يتم الاعلان عنه؟ يمكن انا مش عارف اعمل بحث كويس
ولا المفروض احنا ماضيين ورقة علي بياض لائتلاف شباب الثورة و هما يشوفوا من الكويس و يفرضوا علينا
و اول ما اذيع خبر تعيينه انتشرت علي الانترنت صفحات للتعريف به و ده اكبر دليل لن ماحدش يعرفه
و طبعا الصفحات دي تجاهلت انه عضو في لجنة السياسات في الحزب الوطني
و أغلب الثوار معانا في المنتدي ماكانوش يعرفوا بس رفضوا يعترضوا من باب العزة بالاثم و العناد
و لا استطيع تخيل ان يتم اختطاف الثورة بهذا الشكل و نفاجأ ان رئيس وزرائنا عضو بلجنة السياسات بالحزب الوطني اللي الشعب كرهه وولع في مقراته يوم 28 يناير
و دي صفحة من جريدة المصري اليوم بتاريخ 24 اغسطس 2010
عندما سألوه
ما انتماءك السياسى؟
- أنا عضو فى المجلس الأعلى للسياسات بالحزب الوطنى.
http://www.almasry-alyoum.com/article2.aspx?ArticleID=267089&IssueID=1872
الكلام ده قبل الثورة ب 4 شهور بس!!!
طب انا معلش يا استاذ وائل هسالك سؤال واحد بس لما دلوقتى ناس متظاهرين ( وركز على متظاهرين دية ) يروحوا على معظم مقرات امن الدولة فى مصر وعايزين يحرقوها ويولعوه فيها تفتكر ده اية اللى بيحصل هيقولك حزب وطنى مين من مصلحته انه يولع فى امن الدولة غير لو هو حد خايف من حاجة وعايز يخلص من الملفات بتاعته
وعايز افهم بردو حاجة تانية فى دولة متقدمة فى العالم شعبها يطلب ان يتلغى امن الدولة
ولما الناس اللى رايحة تحرق امن الدولة دلوقتى وحد يموت يقولك شوفت اهو امن الدولة والشرطة بيموتوا الناس وفى الاخر بيبقوا شهداء
للاسف احنا فى زمن بنخلى البلطجى شهيد
أمن الدولة موجود في كل الدنيا....المشكلة لما يتم استخدامه لقمع المعارضة و ده هو اللي المفروض يتغير مش نحل الجهاز...هي انجلترا و امريكا بيكشفوا خلايا القاعدة ازاي؟ عن طريق اجهزة مثل أمن الدولة
يعني لما يبقي عندنا خليه للقاعدة ولا شبكة جواسيس من يتعامل معهم؟ مباحث الاداب ولا مباحث المخدرات؟؟؟
و لسه هانشوف أغرب من كده لما يبقي اللي بيمشي البلد مجموعة شباب مسمية نفسها ائتلاف الثورة و بتدعي انها تمثل الشعب
مش هم اللي اختاروا عصام شرف اللي قال من 4 شهور في المصري اليوم
ما انتماءك السياسى؟
- أنا عضو فى المجلس الأعلى للسياسات بالحزب الوطنى.
■ كيف ترى الحراك السياسى فى الشارع المصرى؟
- الحراك فى حد ذاته جيد لكنى لا أفضل أن يكون حراكاً تصادمياً وأخشى أن تضيع مصلحة الوطن فى «زيطة» وصخب هذا الحراك.
إنت بتكلم كتير أوي على فكرة ..... و من غير مضمون تقريباً
مش ملاحظ انك بتعمل نفس إلي كنت بتنتقده ...... من يومين تلاتة بس
بتهاجم شرف و إنت ماشفتش منو وحش ولا حلو ...... و كنت زعلان اننا بنهاجم شفيق رغم إنو أثبت في مواقف كتير إنو مش عارف حاجة
احنا بس شعب عاطفي إلي يطلع في خطاب .... يقول عايز أموت في بلدي ...... ننزل نعمله مظاهرات تريد تكريمه ...... رغم الظلم 30 سنة
و إلي كل ما يطلع يكلم يقول أنا مش عارف حاجة ...... بس عشان محترم و مؤدب ...... دة ينفع يبقى رئيس وزارة !!!!!!!!
و قبل كدة بتهاجم المتظاهرين عشان ليهم مطالب ........ و مكلفتش خاطرك تقرأ المطالب دي و تشوف صح ولا غلط
و لما قلنالك هي دي المطالب و ناقشنا فيها و إيه إلي مش عجبك فيها ..... قبل ما تهاجم المتظاهرين
قلت أنا معنديش وقت !!!!!!!!!!!!!!!!!!!!!!!!!!!!!!!!!!!!!!!!!!!!!!!!!
السلام عليكم .فى البداية يا جماعة احنا قولنا بلاش موضوع الاتهامات للناس انهم حزب وطنى او اللجنة الالكترونية.قلنا كلنا احرار وكل واحد حر فى وجهة نظره .حتى لو كان حزب وطنى هوه حر .وبلاش نحجر على حرية الاخرين .ودى الحرية والديمقراطية اللى احنا بنطالب بيها من زمان . اما عن دكتور احمد شفيق فانا عن نفسى باحترمه جدا وكنت اتمنى ان يبقى فى المرحلة الحالية ولكن بما ان فى ناس مش عايزاه وهوه مشى يبقى خلاص .وعلى فكرة انا شايفة ان مكالمته فى البرنامج مش علشان يكسب عطف الناس ولا حاجة علشان هوه انسان محترم علشان كده كان بيتكلم بالشكل كده .وهوه هيبقى عايز يكسب تعاطف الناس ليه ما هوه مشى هيبقى عايز ايه منهم ويكسب التعاطف ليه .كنا ممكن نقول الكلام ده لو هوه لسه فى الخدمة. ولكن مع تعاطفى الكبير على انه مشى انا مبسوطة انه مشى علشان يريح دماغه من اللى بيحصل فيه لانه رجل محترم على الاقل من وجهة نظرى وربنا يوفقه . وعلى فكرة انا لا انتمى الى اى احزاب سياسية . ولكن باحب اقول كلمة الحق اللى انا باحسها . اما بالنسبة للدكتور عصام شرف ربنا يوفقه وانا عن نفسى مش هاقدر احكم عليه حاليا اللى لما يبان من تصرفاته .ومش رافضة له علشان كان فى عهد الرئيس السابق حسنى مبارك .مش هى دى هتبقى طريقة التقييم . يبقى على كده نرفض القضاء اللى احنا بنحتكم ليه دلوقتى علشان يجيب لنا حقنا لانه كان فى عصر الرئيس مبارك.ونرفض انفسنا لاننا كنا عايشين فى عصر الرئيس مبارك . ونعتبر جزء من النظام حتى لو كنا مرغمين . والله الموفق لنا جميعا .تقبلوا احترامى
أتكلم كتير او قليل دي حاجة تخصني و لا تخصك في شيء
و كلامي له مضمون بس ممكن يكون مش واصل ليك لكن في ناس كتير موافقة علي كلامي اللي بتقول انه خالي من المضمون
ده اقتباس من كلامي الكتييييييير اللي مالوش مضمون زي ما بتقول
يعني أنا لا انتقدته ولا نزلت التحرير أشيله علي الاعناق
كل ما في الأمر اني مستغرب قوي من الناس اللي كانت بتتكلم عن الوجوه الجديدة و ضرورة اقالة كل من شغل اي منصب في عهد مبارك و المنتمين للحزب الوطني بحجة اني دي ثورة يعني نشيل النظام القديم كله و نحط نظام جديد..علي أساس اننا مش فاهمين يعني ايه ثورة مثلا
و بعدين يجي ائتلاف شباب التحرير يجيبولنا عصام شرف اللي قال من 4 شهور
ما انتماءك السياسى؟
- أنا عضو فى المجلس الأعلى للسياسات بالحزب الوطنى.
■ كيف ترى الحراك السياسى فى الشارع المصرى؟
- الحراك فى حد ذاته جيد لكنى لا أفضل أن يكون حراكاً تصادمياً وأخشى أن تضيع مصلحة الوطن فى «زيطة» وصخب هذا الحراك.
و لما أكتب الكلام ده و منتظر رد من الناس دي...الاقي مفيش رد...هسسسسسسسسس
و بعدين حضرتك تقولي كلامك مالوش مضمون!!
حزب وطني بمعنى ركبوله شبية في دماغه يعني!
أطمنو الحزب الوطني كحزب أنتهى تماما
الأهم من كان يساند الحزب من رجال أعمال وتجار مخدرات وووووووو..........هايعملو أيه لتجديد نشاطهم ودعم أعمالهم
هايدعمو أي حزب جديد!
هايعملو حزب!
هايدعمو أعضاء في المجالس وللوصول لها
راح الحزب الوطني بس رؤس الأموال موجودة في كل زمان ومكان
يبقى الأهم التوعية الجيدة ودراسة المرشحين بنظرة ثاقبة
وصوتك أمانة...........بس ياترى القاعدة دي هاتنفع مع 40% تحت خط الفقر!
نبدأ الديمقراطية وأن شاء الله ممكن خلال من 10 :20 سنة نوصل لما نصبو له في جزئية الأنتخابات الحرة المعبرة بصدق عن الشعب