الموضوع: شفيق يحيي شباب الثورة ويطالب العمال العودة لمصانعهم

ما انا كنت هاعيط وانا بسمع مكالمته
وبعدين افتكرت خطاب مبارك قلت هم هايضحكوا علينا تاني باسلوب المسكنة ده

المشاركة الأصلية كتبت بواسطة نور القمر

ما انا كنت هاعيط وانا بسمع مكالمته
وبعدين افتكرت خطاب مبارك قلت هم هايضحكوا علينا تاني باسلوب المسكنة ده

يا سيدتي مبارك السبب الرئيسي للفساد الذي غرقت فيه مصر
أما شفيق فلم يكن كذلك وأي شخص كان تولي مكانه كان سيواجه بنفس ما هوجم به (اللهم الا لو كان البرادعي هو الذي تولي رئاسة الوزراء) بدليل أن الكثيرين رفضوا الإنضمام للوزارة ليس رفضا لشفيق أو للوزارة وإنما يعرفون أنها مرفوضة من الجميع بدون أسباب وأنها مؤقتة لأسابيع فمن يغامر بنفسه في وزارة كهذه

المشاركة الأصلية كتبت بواسطة egyptionman

كان عضو في أمانة السياسات لكن كما يقول المثل (عدوك يتمني لك الغلط وحبيبك يبلع لك الزلط) الفريق شفيق لم يكن له علاقة بالحزب الوطني والدكتور عصام شرف كان عضو في أمانة السياسات الخاصة بجمال مبارك لكن الآن ستظهر له المبررات بأنه وأنه وأنه

يعني تم استبدال رئيس وزراء لم ينتمي يوما للحزب الوطني باخر كان وزير في عهد مبارك و عضو في امانة السياسات؟

امال فين الكلام عن الوجوه الجديدة و ما ينفعش حد من النظام القديم ؟ ده الواحد ضيع ساعات في المنتدي هنا يحاول يقنعهم ان مش اي واحد مسك منصب في عهد مبارك يبقي فاسد و ماكانش حد بيسمع و يتقال علي عدو الثورة و المدافع الأول عن النظام

أحمد شفيق مسك شهر واحد و اتقال انه مش عايز يحاسب الفاسدين و بيغطي علي الفساد و بيعمل ثورة مضادة و مش عايز يحاكم قتلة الشهداء و سايب الانفلات الامني

اعتقد من العدل الان ان نترك رئيس الوزراء الجديد و العضو السابق بالحزب الوطني لمده شهر واحد فقط و بعدها من حقنا تقييم اداءه من حيث محاكمة الفساد و الوضع الامني و محاسبته اذا اقتضي الامر

المشاركة الأصلية كتبت بواسطة egyptionman

يا سيدتي مبارك السبب الرئيسي للفساد الذي غرقت فيه مصر
أما شفيق فلم يكن كذلك وأي شخص كان تولي مكانه كان سيواجه بنفس ما هوجم به (اللهم الا لو كان البرادعي هو الذي تولي رئاسة الوزراء) بدليل أن الكثيرين رفضوا الإنضمام للوزارة ليس رفضا لشفيق أو للوزارة وإنما يعرفون أنها مرفوضة من الجميع بدون أسباب وأنها مؤقتة لأسابيع فمن يغامر بنفسه في وزارة كهذه

انا كنت مؤيدة للفريق شفيق في البداية وكنت مستبشرة فيه خير وشايفة انه بذل ما في وسعه

لكن بمرور الوقت اتضح للغالبية انه مش كفؤ كسياسي
وهو نفسه قالها بدل المرة عشرة انا تكنوقراطي ومنصب رئيس الوزراء محتاج رجل سياسي بالدرجة الاولى
ده الملخص بدون الدخول في تفاصيل

المشاركة الأصلية كتبت بواسطة نور القمر

انا كنت مؤيدة للفريق شفيق في البداية وكنت مستبشرة فيه خير وشايفة انه بذل ما في وسعه

لكن بمرور الوقت اتضح للغالبية انه مش كفؤ كسياسي
وهو نفسه قالها بدل المرة عشرة انا تكنوقراطي ومنصب رئيس الوزراء محتاج رجل سياسي بالدرجة الاولى
ده الملخص بدون الدخول في تفاصيل

والدكتو عصام شرف رجل تكنوقراط هو الآخر وخروجه في مظاهرة جامعة القاهرة كان كأحد الأساتذة
الظروف التي يتولي فيها الدكتور عصام أفضل كثيرا من التي تولي فيها الفريق شفيق رئاسة الوزارة ونتمني له التوفيق

المشاركة الأصلية كتبت بواسطة otefa

بس هايقابله أعوص مشكلة ميزانية الدولة وأزاي هايوفر الرواتب وأي زيادات فيها كمان
ربنا يوفقه أنا أتمنى ينجح علشان مصر
بس الغريب فعلا نفس الأعضاء ألي كانت بتهاجم شفيق مش قابله أننا نحيي الراجل حاجة غريبة..........طيب مايهاجمو الريس الجديد على الأقل ليه صلة واضحة بالحزب الوطني وكان وزير برده في حكومة الحزب الوطني
الأختلاف في الأراء لايفسد للود قضية

الدكتور سمير رضوان صرف مبلغ 45 مليون جنيه لمؤسسات الاهرام والاخبار ودار التحرير لصرف رواتب الموظفين فتحولت الي فضيحة على الإنترنت
ترى لو فعلها الدكتور عصام او وزير المالية في حكومته سيقال عليه نفس الشئ ؟؟؟؟؟؟؟؟