الموضوع: شفيق يحيي شباب الثورة ويطالب العمال العودة لمصانعهم

المشاركة الأصلية كتبت بواسطة abf-nassar

يعني عصام شرف كان عضو لجنة السياسات بتاعه جمال مبارك ومحسوب علي نظام مبارك ويعتبر سياسي مش تكنوفراط ( انا كرهت الكلمة دي من كتر ماقلها الشعب المصري ماعلينا )
ههههههههه دلوقت اللي هيدافع عنه سوف يتم اتهامه انه من اللجنة الاليكترونية للحزب الغابر وكده هتبدأ معركة اراء جديدة واتهامات جديدة بس مع تبديل الكراسي بين الناس اللي كان متهم بانه لجنة هيبقي اجندة واللي كان متهم بانه اجندة هيبقي لجنة هههههههه دي هاصت
ابوس ايديكم سيبوا الراجل الجديد في حاله خليه يشتغل
علشان انا خلاص علي وشك اني انزل التحرير بكره ( علشان اشحت ) وهي بكره هتبقي مليونية وفاعلي الخير كتير اهو الواحد يعمله كام الف ووجبتين كنتاكي

أنا نازل معاك

وانا معاك في موضوع الوجبة دة لاني هاحجز رصيف مميز اشحت علية

السلام عليكم و رحمة الله و بركاته

أنا من رأيى أن الموضوع لا يستحق كووووووووووووووول الهجوم و الدفاع و الخوف و الترقب ده.

احنا مالناش عند رئيس الوزرا -أيا كان مين هو- الا شغله, شغله و بس, اذا شغله عجبنا و لقيناه بيعمل خطوات ايجابية على أساسها أننا هنحس أن الراجل ده فى خلال الفترة اللى جايه, ييجى منه, خلاص هيفضل و نشيله على راسنا من فوق, غير كده, يبقى يتغير لحد ماييجى رئيس الوزرا اللى يكون فاهم و مستوعب الشعب عاوز ايه.

أحمد شفيق كان راجل كويس, بس كان بيتعامل من طرف مناخيره و أنه هو رئيس الوزرا اللى فاهم و أن عامة الشعب هم شويه ناس جهال و مش فاهمين حاجة و كان واضح جدا أنه لايقبل النقاش أو المراجعة فى كلامة و كانت عنده حكاية (الأنا) دى عالية شويتين و قعد يقول أنه هو اللى عمل مصر للطيران و المطار و حط مصر على الخريطة العالمية للطيران و الكلام ده, ok , بس ده شغله اللى هو بيقبض عليه مرتب كبيييييييييييييييييير أوى و اللى لو ماعاملهوش يبقى مقصر, الكلام ده مش فضل منه و لا منه .

نفس الكلام مع عصام شرف, أى حاجة أو أى قرار هو بياخده و لا هياخده, ده من صميم مهامه الوظيفية اللى هو لو شايف أنها كتير عليه, ممكن من دلوقتى يقول أنه مش أدها و يمشى معزز مكرم و يرجع يشوف هو كان بيعمل ايه.

المطلوب مننا, أننا ننزل الناس منازلهم, يعنى, نحترم منهم العلماء و الأمناء و الناشطين و المثابرين على العمل من أجل راحة الشعب, بس كده و خلاص, لكن مش لازم, أننا نتملقه بالليل و النهار و نصليله من دون الله -و العياذ بالله- عشان نبقى بنحترم المسؤولين بتوعنا, ده غلط طبعا.

أما نشوف عصام شرف هيعمل ايه فى اليومين الجايين, أحمد شفيق قعد شهر كااااااااااااااامل, ماقدرش يجبر وزير الداخلية المصرى أنه ينزل الشرطة فى مواقعها تانى و يخليها تشوف شغلها بكفاءة, أما نشوف عصام شرف ده هيعمل ايه, ازاى , يبقى رئيس وزرا و مايعرفش يمشى كلمة على وزير الداخلية اللى تحت ايده, ايه الفوضى دى .

أنا من رأيى أن رئيس الوزرا الجديد, يحط جدول زمنى للواء محمود وجدى, و فى خلاله يكون اللواء محمود وجدى نزل الشرطة تشتغل كويس و بكفاءة 100% و كأن شيئا لم يكن, عمل كده, أهلا و سهلا, ماعملش كده, يمشى وزير الداخلية و ييجى غيره و لو عصام شرف كان خايف من وزير الداخلية المصرى و مايقدرش يعمل معاه كده, احنا كمصريين اللى هنعمل كده و احنا اللى هنعمل حملة اسمها (حملة ال30 يوم لوزير الداخلية المصرى) اللى فى خلالها لازم يكون منزل الشرطة تشتغل فى كووووووووووووووول مواقعها زى البنى آدمين, ماذا و الا , معادنا بعد شهر ننزل ميدان التحرير و نطالب باقالة وزير الداخلية المصرى و ساعتها العالم كله هيقف معانا و ماحدش هيقدر يغلطنا, لأننا ادينا فرصة و هو اللى ماشتغلش.

صح كده و لا أنا غلطان ؟؟؟؟!!!!

المشاركة الأصلية كتبت بواسطة dr_asaos

اخى العزيز هل ترى فى وجهة نظر الفقيه الدستورى العظيم اللى كل شباب 25 يناير مجمعين عليه هل ترى انه منافق وبيطبل لشفيق؟ هل لهذه الدرجة لا نستمع لعقلاء الوطن؟ وهو نائب رئيس الوزراء ده ماكنشى بيعمل تحركات اجابية؟ ده كفاية الصحف القومية واللى كان بيعمله فيها واعادة ترشيد المرتبات وكان بدأ يقبل استقالات رؤساء التحرير وكان هيكلف الابراشى برئاسة تحرير روزاليوسف... اختلف معك بشدة اخى العزيز وهو رجل شجاع لانه يعلم جيدا انه ممكن يحسب عليه هذا الكلام ومن الممكن الا يقوله حتى لا ينخفض رصيده لدى البعض مع تقديرى...

المشاركة الأصلية كتبت بواسطة wael17

معاك حق...فعلا حاجة تحزن ان العناد يوصل لدرجة التشكيك في الجميع و الاستهزاء باراء الجميع

المشاركة الأصلية كتبت بواسطة abf-nassar

يعني عصام شرف كان عضو لجنة السياسات بتاعه جمال مبارك ومحسوب علي نظام مبارك ويعتبر سياسي مش تكنوفراط ( انا كرهت الكلمة دي من كتر ماقلها الشعب المصري ماعلينا )
ههههههههه دلوقت اللي هيدافع عنه سوف يتم اتهامه انه من اللجنة الاليكترونية للحزب الغابر وكده هتبدأ معركة اراء جديدة واتهامات جديدة بس مع تبديل الكراسي بين الناس اللي كان متهم بانه لجنة هيبقي اجندة واللي كان متهم بانه اجندة هيبقي لجنة هههههههه دي هاصت
ابوس ايديكم سيبوا الراجل الجديد في حاله خليه يشتغل
علشان انا خلاص علي وشك اني انزل التحرير بكره ( علشان اشحت ) وهي بكره هتبقي مليونية وفاعلي الخير كتير اهو الواحد يعمله كام الف ووجبتين كنتاكي

أنا كنت من مؤيدي شفيق بس مش ها أغير الكرسي الدور والباقي على ألي كان رأيهم أن النقطة الجوهرية والكارثية لطلبهم أقالة شفيق هو أنه محسوب على الحزب الوطني...........يبقى عصام مايقعدش ولا يوم على الكرسي بس مش هانقول كده لأن يهمنا الأمور تهدأ ونحكم على أداءه أن شا الله يكون عضو حزب وطني فعال
الأهم حاليا مصلحة مصر ربنا يوفق عصام شرف وييجي على مزاج ثوار الميدان
أصحاب الصوت الأعلى المسموع أعلاميا

انا احب و اقدر احمد شفيق