الموضوع: شكرا شفيق .... ارتاح بقى

شكرا شفيق

شكرا جزيلا يا عم شفشق
ارحل يا باشا بس اوعى تقلق
فى القلب ليك اكبر مكان
ونيشان كمان اهو معلق

شفيق يا راجل لساك مصدق
من غيرك انت لازم هانغرق
يا عم سيبنا نربى عيالنا
وبلاش معاندة وفى الكرسى تلزق

منى تحية وتمانين مليون
لسيادة الفريق وقلبه الحنون
خسارة فينا قلبه الرقيق
خسرنا بعده علبة بونبون

على شرم يلا ويا اللى راح
خلينا نبدأ ننسى الجراح
عايزين نعمر تانى بلدنا
وانت يا سيدنا يلا ارتاح

زياد ...

المشاركة الأصلية كتبت بواسطة ezzatfox

لا تعليق
حبيت بس اسجل امتعاضى مما وصلنا الية من عدم احترام اى شىء او اى قيمة .. حتى لو لم يكن يصلح لموقعة دة ميديناش الحق نهزأة و نقل قيمتة على الاقل احتراما للسن .

لا تعليق

وهو ليه الحق يهزأ مننا ويزل اهلنا ويقول شوية عيال وهابعت لهم شوية بونبون وشوية حمير وشوية جمال

احنا نحترمه وهو يسفك دمنا ويذل اهلنا وينزل كلابه السعرانة تقطع لحمنا فى مشهد ولا فى الخيال

هو يلزق فى الكرسى ليحمى سيده واحنا نخبط دماغنا فى الحيط ونبوس فى ايده افضل يا رمز الوجود والكمال


وبعدين هو حارب علشان مستنى شكر ولا لوجه الله وحده وليه بيحاول يزلنا باللى عمله لنا مش ده واجبه

نفس اسلوب استاذه مبارك انا بطل انا بطل طيب انا كمان ابويا بطل حارب وعمى وحمايا وخالى وخالى ومنهم واحد

اتصاب بشظية معجزاه لدلوقتى ليه ما قالش حد فيهم انا بطل ولازم احكم

انت بطل فى مجال الحرب والقتال والفنون العسكرية منين جيبت القدرة على ادارة الدولة المدنية

انت بطل فى المعسكر على جنودك وكفائتك مش محل نقاش هناك وطلعت معاش من سنين طويلة

جاي ليه تتحكم فينا وتزل اهالينا وتمن علينا بخبرتك العسكرية وقدرتك القتالية وسلطاتك الفرعونية

ارحمونا بقى من الكلام عليه يا شعب لا يعشق الا جلاديه