مسلحون يعترضون طريق سيارة ميكروباص ويسرقون كل من بها

**Ahmed_Ramadan** · 04-03-2011 12:32 PM

المشاركة الأصلية كتبت بواسطة ahmedsamir5edr

المصدر لو سمحتي ..
مش عاوزين بلبله

بلبلة ايه !!!! هوا حضرتك مش عايش معانا فى مصر ؟؟!! لو عاوز حوادث من النوع ده ممكن أملالك الصفحة حوادث من نفس النوع و بمصادر

**MASERATI** · 04-03-2011 03:19 PM

السلام عليكم و رحمة الله و بركاته

أنا من رأيى أن أحسن حل مع الداخلية و الشرطة و زى ماهما مانعين الشرطة أنها تنزل الشوارع عشان ينتشر الذعر و الخوف بين الناس و بالتالى يقبلوا بالشرطة على أى وضع كان, أن رئيس الوزرا الجديد, يحط جدول زمنى للواء محمود وجدى, و فى خلاله يكون اللواء محمود وجدى نزل الشرطة تشتغل كويس و بكفاءة 100% و كأن شيئا لم يكن, عمل كده, أهلا و سهلا, ماعملش كده, يمشى وزير الداخلية و ييجى غيره و لو عصام شرف كان خايف من وزير الداخلية المصرى و مايقدرش يعمل معاه كده, احنا كمصريين اللى هنعمل كده و احنا اللى هنعمل حملة اسمها (حملة ال30 يوم لوزير الداخلية المصرى) اللى فى خلالها لازم يكون منزل الشرطة تشتغل فى كووووووووووووووول مواقعها زى البنى آدمين, ماذا و الا , معادنا بعد شهر ننزل ميدان التحرير و نطالب باقالة وزير الداخلية المصرى و ساعتها العالم كله هيقف معانا و ماحدش هيقدر يغلطنا, لأننا ادينا فرصة و هو اللى ماشتغلش.

صح كده و لا أنا غلطان ؟؟؟؟!!!!

**zeyad1810** · 04-03-2011 03:29 PM

المشاركة الأصلية كتبت بواسطة baskota

مسلحون يعترضون طريق سيارة ميكروباص
ويسرقون كل من بها

مع استمرار تجول البلجية والحرامية بكل حرية فى ظل الغياب الامنى الشديد والمدبر لنشر الذعر والرعب بين المواطنين عقابا لهم على موقفهم ضد الشرطة
يعترض مجموعة من البلطجية المسلحين طريق ميكروباص على الطريق السريع بالاسكندرية
مهددين كل الركاب بالقتل اذا لم يسلموا كل ما معهم من نقود وذهب موبايلات
وتحت التهديد تخلى كل الركاب عن مامعهم وهم فى حالة ذعر شديد
وفور وصول كل منهم الى منزله سارع بالاتصال بكل من يعرف لينصحه بعدم حمل نقود كثيرة او ارتداء مصوغات

الى كل ضابط تخلى عن واجبه نرجو منك الا تعود
فبعد كل ما يحدث زاد غضبنا منكم واصبح التسامح مرفوض وصعب المنال

يا رب الناس اللى مش فاهمة تفهم مين السبب فى اللى احنا فية ومين اللى لسة بيحاول يخرب البلد علشان ينتقم من الشعب

**Ahmed_Ramadan** · 04-03-2011 04:16 PM

على فكرة الشرطة قبل كده ماكانتش عدلة أوى ولا بتشوف شغلها ....الأمن ده شعور أكتر منه تنفيذ على الأرض

اللى عاوز أقوله ان نص الشعب بلطجية على حرامية مينفعش معاهم موضوع حقوق الانسان و الكلام ده ...محتاج قسوة و تعامل من غير رحمة للنوعية ديه من الناس

**Dr_Smart** · 04-03-2011 04:31 PM

لسه صاحبي من كام يوم على طريق دمنهور اسكندريه الزراعي فوجئ بقطاع طرق موقفين العربيه اللي قدامه ونزله صاحبها ضربوه بمطواه ... بس ربنا ستر لحق نفسه ولف بسرعه هرب

**MISS_MONA** · 04-03-2011 04:33 PM

ربنا يستر والموضوع ده ينتهى بقى
احنا بقينا قاعدين فى بيوتنا خايفين
منهم لله اللى عايزين الناس تعيش فى الرعب ده

**فتح الباب** · 04-03-2011 04:48 PM

يظل تاريخ اسود فى تاريخ الشرطه ووالله مهما قدموا فالتاريخ سجل هذه الواقعه ولا يمكن مسحها ابدا

**mahamedaraby** · 04-03-2011 04:52 PM

معلش انا هخرج بره الموضوع بس انا شايف ان الموضوع ملهوش اى علاقه بالقسم اللى محطوط فيه ياريت نقل الموضوع

**فتح الباب** · 04-03-2011 04:53 PM

لكن احنا ممكن نحاول نتظاهر بالنسيان كى تسير الامور وطبعا ده مش سواد قلب من ناحيتى انما انا كمصرى لست تافها ولا احد يجروء ان يضحك علي مثلما كان تفكير ووصف كل كبير ذو سلطه فى البلد كيف وصفوا الشعب المصرى بعباره وهى ( المصريين سازجين )

**walidzakzok** · 04-03-2011 05:07 PM

يعني اللي كتبت الموضوع كتبت الكلمتين دول عشان تخوف الناس اكتر ماهي خايفة وخلاص مهي كل الناس عارفة ان فيه انفلات امني ايه بقى لازمة المواضيع دي..

كمان يا جماعة اي ظابط دلوقتي بيقف فى الشارع الناس بتبهدل امه وان ما بادافعش عنهم انا عارف انهم كان فاكريين نفسهم اسيادنا لكن انا بقول الواقع