عرض للطباعة
السلام عليكم إخوتي الكرام
أنا مغير البطارية من حوالي أسبوعين. لاحظت إنه لما باجي أشغل العربية بالاقي طالع صوت زي الصرير كأنه جاي من العجل بتاع السيارة، كأن حديد بيخبط في بعضه بسرعة بصوت عالي ويعمل صوت مزعج أول ما أشغل العربية وبعدين يختفي لما أمشي. يا ترى ده ممكن يكون ايه؟ العربية موديل 2008
على فكرة الصوت ده شبه الصوت اللي كنت باسمعه قبل ما أغير بلي العجلة من حوالي سنة :)
شكرا ليكم جميعا
ممكن حاجة في السيور عاوزة تتغير شوف اتجاه الصوت منين من اليمين و لا منين
الاخ الفاضل
لم تذكر سوى موديل السيارة و لكنك لم تذكر ماشية كام كيلو و ماذا تم فيها من صيانة ؟
عموما فى الغالب دا صوت السيور و تحتاج تغير
شكرا لجميع الإخوة الكرام أصحاب الرد. السيارة عاملة 25 ألف كيلو، وصيانتها كنت باعملها في التوكيل.
طيب معلش السيور دي فين وايه وظيفتها وتكلفتها أد ايه؟
شكرا لكم جميعا
عندك سيرين سير الدينامو و التكييف و سير الكاتينة
سير الدينامو انا عن نفسي بغيرة كل 25000 كيلو ودة لما بيحصل في عيوب بيصفر في البداية و بعد ما تسخن الطنابير بيسكت
سير الكاتينة بيتغير كل 40000 دة سير خطير لازم تغيرة قبل المعاد القطعة فية = عمرة وش الموتور
سعر سير الدينامو 40 ج نية تقريبا
سعر سير الكاتية 90 جنية تقريبا
ممكن سير الدينامو او التكييف ناشف او زي حالتي ولسه مصلحه البارح كان لامم رمل وزلط رفيع جدا
حليته ونظفته وركبته تاني والصوت راح تماما
بس اللي عندي كان بقاله يادةب 6 الاف كيلو
غالبا سير دينامو.
ممكن يكون سير الدينمو وقع عليه مياه او زيت
طيب فيها حاجة لو الصوت ده اتساب كده؟
شكرا جزيلا لكم بارك الله فيكم :)
او ممكن يكون سير مضروب(مش اصلى)...ممكن يصفر بعد ماتركبه بيومين تلاته مع انه جديد
شكرا يا شباب
امبارح روحت غيرت سير الدينامو جبته ايطالي ب 32 جنيه وتركيبه 30 جنيه. فعلا لما الميكانيكي طلع السير وتناه لقاه مشقق. وما سمعتيش الصوت من ساعة التركيب، لكن هاحتاج فترة كمان للتأكد لأن الصوت كان مش دايما يظهر أصلا، كان أوقات وأوقات.
شكرا ليكم جميعا.