الموضوع: ترحيب بأعضاء اللجنة الإلكترونية الجدد

المشاركة الأصلية كتبت بواسطة heshamzaky

مع أحترامى لكاتب الموضوع . السادة المشرفين لو شايفين أن الموضوع دة كويس و يدل على ترحيب المنتدى بالاعضاء الجدد يسيبوة لو الموضوع مالهوش لازمة و مغزى برجاء اتخاذ ما هو مناسب

الكلام ده مش أول مرة يتعمل....الاشارة لمجموعة معينة من الاعضاء و رميهم بانهم حزب وطني و السخرية منهم لمجرد اختلافهم في الرأي و طبعا لما تسأل قصدك علي من يترد عليك " هم عارفين نفسهم" و بعدين يطلع مجموعة كل واحد يقول و انا كمان عارفهم ...طب يا جماعة و ما تتكلموا علي المكشوف هو انتوا بتتهموا حد بالباطل لا سمح الله؟ ليه اسلوب الغمز و اللمز ده و طبعا الاسلوب ده لا يليق باعضاء نايل موتورز و لابد من اخذ رأي الادارة في المشاركات اللي من هذا النوع

المشاركة الأصلية كتبت بواسطة heshamzaky

بص يا باشا الموضوع المكتوب حا تلاقى بعض الزملاء بيتهكمو على بعض الناس لو واحد لسة مسجل فى المنتدى جديد و شاف الكلام المكتوب حا يحس ان اصابع اتهام بتشير الية بصورة غير مباشرة و دة ممكن يطفش الاعضاء الى حا يسجلو أشتراكات جديدة و يحسو بحساسية . و النتيجة يبقى أن الناس الجديدة حا تكتفى بالمشاهدة و التصفح و تحجم عن التسجيل بالمنتدى الى هوة منتدى سيارات أصلا صح و لا غلط . و حتى لو كان الى مسجل تيع اى حزب و لا تبع اى حاجة ما ينفعش الناس تتريق و تهاجم لان دة شخصنة حوار بصورة غير مباشرة

طبعا اي عضو جديد و قال رأي مخالف لصاحب الموضوع ممكن يحس ان التهمة دي موجهة له و بما ان صاحب الموضوع سايب الكلام عايم و نظام هم عارفين نفسهم يبقي في ناس كتير خصوصا الاعضاء الجدد ممكن يخافوا يقولوا رأيهم بصراحة لان ممكن يحطوا نفسهم موضع شك...أكيد ماحدش يحب الناس تفتكره لجنة الكترونية

المشاركة الأصلية كتبت بواسطة hussein_emara

حستأذنكوا في سؤال؟

هل المقصود بالكلام ده كل من يحمل لقب عضو جديد و كان بيؤيد التهدئه ام ماذا؟

ارجوا الاجابة للاهمية.

الله اعلم...صاحب الموضوع مش هايقول هو بيقصد من و سايب الناس تخمن و طبعا زي ما قلت ده هيخلي اصحاب الرأي المعارض يخافوا يقولوا رايهم عشان ما يبقوش في وضع اتهام...انا باعتبر ده نوه من الارهاب الفكري و قمع الرأي المعارض...اصل القمع مش لازم يكون امن مركزي بس

بس يا تري المقصود بالاعضاء الجدد ايه؟ كم يوم يعني عشان مايبقاش عضو جديد و كم مشاركة؟ عشان بس الناس تاخد بالها
و كمان انا شايف عضو مالوش غير مشاركتين بس و اشترك امبارح و مشاركاته مؤيدة لوجهة النظر التي يتبناها صاحب الموضوع

علي العموم انا هاتكلم مع الادارة بخصوص المواضيع اللي من هذا النوع