لو جالك عقد عمل بره مصر هتوافق ولا هترفض؟

**Moh.Fahmy** · 04-03-2011 06:29 PM

ما فيش علاقة دلوقتي بين الثورة و فرصة عمل خارجية - المعيار هو ظروف كل واحد ايه يعني انا مثلا الحمد لله عايش كويس في بلدي انما عشان اسافر بره و اتغرب لازم تجييلي فرصة اتحصل منها علي خمسة اضعاف دخلي الحالي بشرط تكون معايا اسرتي - و برضه مواصفات البلد اللي انا رايحها ايه - انما اكيد لو جت هذه الفرصة لن اتردد في قبولها مع العلم ان جاتلي فرص سفر كتير قبل كده انما ترددي و تفكيري الطويل اضعها مني انما كله خير

**tito_1980** · 04-03-2011 06:36 PM

طبعا هوافق

**Ahmed Tarek 00** · 27-12-2014 05:59 PM

ماسيبش بلدى أبداااااااااا

**eng.m7md.ali** · 28-12-2014 01:22 PM

شوفو الكومنتات من سنة 2011 بعد الثورة علطول كانت الناس عندها امل كبير اوي في البلد ... دلوقتي هههههههه

**mk3** · 28-12-2014 04:42 PM

المشاركة الأصلية كتبت بواسطة eng f3lix

شوفو الكومنتات من سنة 2011 بعد الثورة علطول كانت الناس عندها امل كبير اوي في البلد ... دلوقتي هههههههه

انا كنت هتجنن مختش بالى من التاريخ اقول الناس عكست ولا ايه

**mcomics** · 28-12-2014 08:32 PM

سبحان مغير الأحوال ..والأقوال كمان!
و لسة ياما نشوف

**Mahmoud Naguib** · 28-12-2014 11:00 PM

ههههههههههههههههههههههههه هههههههه أنا قاعد بقرأ ف الكومنتات وأنا مذهول جدا جدا
والناس اللي عمالة بتقول بعد الثورة مش هسافر دي ! كانوا عايشين ف وهم فاكرينه هيتحقق !!
وبقرأ وأنا فاكر ان الموضوع ده لسة منضاف اليومين دول !!!!!

دلوقت اللي كانوا مش عايزين يسافروا قبل الثورة عايزين يسافروا !!

ربنا اخرجنا من هذه القرية الظالم أهلها

**omar101970** · 29-12-2014 02:53 PM

انا باشتغل فى الخليج من بدايه 2008 وفعلا بعد الثوره فى 25 يناير كان كلى امل ان مصر حتكون احسن وفكرت فعلا انى ارجع مصربس الحمد لله ما عملتش كدا ولحد دلوقتى والى ان يشاء الله باشتغل فى الخليج.
وكل ما اقابل حد من زمايلى فى مصر يقولى ما تعرفشى تشوفلى عقد عمل برا
كل اللى اتمناه ان ربنا يصلح الأحوال فى مصر.

**yuong313** · 30-12-2014 02:36 PM

ايه اللي دخل قبل الثورة من بعد الثورة
لو ده المقياس ماكنتش المصريين سافرت الخليج واتمرمطت في الثمانينات
ده اكبر دليل ان الموضوع مالوش علاقة بالثورات
ولكن العوامل الاقتصادية وارتفاع الاسعار هي العامل الاساسي في الاختيار
يعني في واحد ظروف عمله كويسة ومستقرة طبعا مش حيفكر في السفر ولكن لو ظروف حد اتاثرت بالظروف الحالية سيضطر للسفر

ولكن في ناس مش بتفكر في العائد المادي مثلا وتري الامور بنظرة اخري وتجد ان مصر ليس لها مستقبل علي المدي القريب والمدي القريب يعتبر مابين 10-15 سنة
فيفضل السفر نظرا للاحوال السياسية والاخلاقية والاقتصادية

انا من هؤلاء لو جالي اي فرصة سفر وركزوا في كلمة فرصة يعني فرصة كويسة ومعايا عائلتي لايمكن ان افكر في البقاء في مصر وساسافر فورا دون تردد برغم عملي المتميز جدا في مصر

**dongol123** · 30-12-2014 03:28 PM

انا عايز أسأل الناس اللي قالت هتسافر

ايه المبلغ اللي لو حوشته ممكن يخليك ترجع مصر

يعني مليون جنية كفاية ولا نص مليون ولا كام

ده طبعا علي اعتبار ان الظروف السياسية و الاخلاقية مش داخلة ضمن المعادلة