هل عصام شرف عضو سابق بلجنة السياسات بالحزب الوطني

**tamer_a7** · 04-03-2011 05:13 PM

انا من اكتر الناس تاييدا واحترام لشفيق
وكمان عاجبني جدا وباحترم شرف

انا بس حبب اسال الجميع هما مين المنتفعين والعملاء اللي ما بينا هنا في المنتدي
ما كفايه غلط في بعض بقي
وانا اوعدكم اني انشاء الله اي مشاركه هلاقي فيها ولو تلميح بالغلط من اي حد في اي اتجاه معارض مؤيد هاعمل عليها تقرير فورا
الشرطه مش موجوده اه بس اداره المنتدي موجوده

**Medo007** · 04-03-2011 05:26 PM

المشاركة الأصلية كتبت بواسطة tamer_a7

انا من اكتر الناس تاييدا واحترام لشفيق
وكمان عاجبني جدا وباحترم شرف

انا بس حبب اسال الجميع هما مين المنتفعين والعملاء اللي ما بينا هنا في المنتدي
ما كفايه غلط في بعض بقي
وانا اوعدكم اني ان شاء الله اي مشاركه هلاقي فيها ولو تلميح بالغلط من اي حد في اي اتجاه معارض مؤيد هاعمل عليها تقرير فورا
الشرطه مش موجوده اه بس اداره المنتدي موجوده

ما انا مش عارف بجد ايه ده
انا اللى قلته اني بحترم شفيق وحسيت بمصداقية في الكلام وان لو كنا استنينا وشوفنا كنا نحكم

وان شاء الله دكتور عصام شرف يفي بالوعود يغير البلد للاحسن

خلاص بقينا كده منافقين ومنتفعين ومثبطين!!!

**factorialx** · 04-03-2011 05:32 PM

المثبطين معانا منهم هنا بصراحه

المنتفعين مقدرش أحددهم هنا بس بره موجود منهم كتيييييير أوييييي

المنافقين كفاية أوي تقرأوا الصفحه الأولى من الأهرام و الجمهورية بعد جمعة التنحي

**ashrafakl** · 04-03-2011 06:20 PM

السلام عليكم ورحمة الله وبركاته
تقيم السياسي بناء علي عواطفه وليس علي مواقفه اكبر خطر لانة ببساطة قد يستخدم لتلميع ووضع دكتاتور علي الكرسي وللاسف يوجد قطاع من المصريين تحركهم العاطفة كلمة تؤثر فيهم وخطاب مبارك العاطفي انه يريد ان يموت في وطنه اكبر دليل

تقييم لموقف واحد من عدة مواقف لاحمد شفيق
في لقاء ال بي بي سي قال ان مبارك مأتمن علي المصريين : خلب بالكم مبارك الي وقت العبارة ماغرقت راح يتفرج علي مبارة مبارك الي نظامة خرب البلد بقي مأتمن علي المصريين
في لقاء اون تي في يقول علي الثورة "ثورتنا" اصبحت الثورة التي ارادت اسقاط مبارك الذي وصفة بالمأتمن اصبحت "ثورتنا" بالله عليكم هل من يتغير موقفه يكون اهل للثقة؟ هل من كان رأية ان مبارك مأتمن علي المصريين يصبخ مأتمن علي الثورة التي ارادت اسقاط نظام مبارك؟
نحن نرضي عن اختيار عصام شرف ولا نرضي عن احمد شفيق لمواقف وليس لكره او لحب

وهذا لقاء احمد شفيق

YouTube - ‫ط±ط¦ظٹط³ ط§ظ„ظˆط²ط±ط§ط، ط§ط.ظ…ط¯ ط´ظپظٹظ‚ ظپظٹ ط¨ط±ظ†ط§ظ…ط¬ ظ„ظ‚ط§ط، ظ‚ظ†ط§ط© ط§ظ„ط¨ظٹ ط¨ظٹ ط³ظٹ mpeg4‬&lrm;

**رزق** · 04-03-2011 06:41 PM

المشاركة الأصلية كتبت بواسطة ashrafakl

السلام عليكم ورحمة الله وبركاته
تقيم السياسي بناء علي عواطفه وليس علي مواقفه اكبر خطر لانة ببساطة قد يستخدم لتلميع ووضع دكتاتور علي الكرسي وللاسف يوجد قطاع من المصريين تحركهم العاطفة كلمة تؤثر فيهم وخطاب مبارك العاطفي انه يريد ان يموت في وطنه اكبر دليل

والله ده اللي أنا خايف منه
إن في ناس على نياتهم وماشية بنظام مبارك ده ابونا و اللي نعرفه أحسن من اللي منعرفوش
أو بيصدقوا أي حاجة يسمعوها..حتى لو جاية من أهرام سرايا أو تلفزيون الأنس كله

لولا موقعة الجمل بتاعت الحزب الغبي اللي كانت تاني يوم خطابه كان زمانهم لسة عند رأيهم

واللهِ كل مافتكر إن في الانتخابات صوت الجاهل ليه نفس قيمة صوت العالم
وصوت البلطجي ليه نفس قيمة صوت الدكتور بكتئب...بس حنعمل إيه بس

**ashrafakl** · 04-03-2011 06:45 PM

والله يا اخي الكريم AngelicCore ده الي خايف منه وخوفي بيزداد كلما بقي في المناصب القيادية في الاعلام كالاهرام الوجوه القديمة الي كلنا عارفينها

**م. عمرو شرف** · 04-03-2011 07:11 PM

زملائى وأصدقائى المحترمين

شفيق مشى
كان حلو وزى الفل وما فيش أحسن منه

عصام شرف مسك
حلو وزى الفل وما فيش أحسن منه

أعضاء المنتدى الحلوين واللى زى الفل
الموضوع أنتهى وخلاص

المجموعتين اللى فى المنتدى مؤيد ومعارض مش هتفرق دلوقت نقيم عصام أو حكومته

بعد أسبوعين فيه أستفتاء على التعديلات الدستوريه المؤقته

دى أهم من المناقشات فى عصام وحكومته

ممكن نبتدى نتناقش فيها لأنها مصيريه لكن موضوع عصام ممكن بعد أسبوعين نرجع نتخانق عليه تانى مفيش مشكله

أيه رأيكم

**ashrafakl** · 04-03-2011 07:44 PM

السلام عليكم ورحمة الله وبركاته
باخي الكريم sharafconsult المشكلة مش الفرق بين شفيق او عصام
الخطورة في تقييم السياسي بناء علي العواطف وليس تحليل المواقف

**wael17** · 04-03-2011 11:43 PM

المشاركة الأصلية كتبت بواسطة Medo007

ما انا مش عارف بجد ايه ده
انا اللى قلته اني بحترم شفيق وحسيت بمصداقية في الكلام وان لو كنا استنينا وشوفنا كنا نحكم

وان شاء الله دكتور عصام شرف يفي بالوعود يغير البلد للاحسن

خلاص بقينا كده منافقين ومنتفعين ومثبطين!!!

المشكلة ان من يطلق الاتهام يرفض تحديد شخص بعينه حتي لا يتعرض للشكوي و العقاب و بالتالي يجعل كل من يخالفه في الرأي يشك ان الاتهام موجه له و ده اسلوب مرفوض تماما

المشاركة الأصلية كتبت بواسطة factorialx

المثبطين معانا منهم هنا بصراحه

المنتفعين مقدرش أحددهم هنا بس بره موجود منهم كتيييييير أوييييي

المنافقين كفاية أوي تقرأوا الصفحه الأولى من الأهرام و الجمهورية بعد جمعة التنحي

الرجاء تفادي الاتهامات المرسلة بدون تحديد لان ذلك يؤدي الي ارهاب المعارضين في الراي حتي لا يتم اتهامهم بأنهم مثبطين و منتفعين و منافقين
انا احترم كل عضو في المنتدي و أرفض اتهام اي مخالف في الرأي بانه منافق او مثبط او منتفع

المشاركة الأصلية كتبت بواسطة tamer_a7

انا من اكتر الناس تاييدا واحترام لشفيق
وكمان عاجبني جدا وباحترم شرف

انا بس حبب اسال الجميع هما مين المنتفعين والعملاء اللي ما بينا هنا في المنتدي
ما كفايه غلط في بعض بقي
وانا اوعدكم اني انشاء الله اي مشاركه هلاقي فيها ولو تلميح بالغلط من اي حد في اي اتجاه معارض مؤيد هاعمل عليها تقرير فورا
الشرطه مش موجوده اه بس اداره المنتدي موجوده

حضرتك المشاركات دي كتييييييير جدا و التلميح بقي بزيادة قوي و في موضوع كامل اتعمل
هنا http://www.nilemotors.net/Nile/204881-a.html
و الحمدلله ابلغت ادارة نايل موتورز و تم اغلاق الموضوع و التحذير من اسلوب اتهام المعارضين في الرأي
أرجو من كل واحد عايز يقول رأيه بصراحه يقوله من غير خوف او قلق من اتهامه بانه من مؤيدين النظام السابق او لجنة الكترونية و الكلام ده...كل عضو هنا من حقه يقول رأيه و الثورة ليست حكرا علي مجموعة من الناس
يا جماعة احنا مانزلناش يوم 25 يناير عشان يتقال علينا بعد كده عملاء النظام القديم
خليك ايجابي و بلغ ان اي مشاركة فيها اتهام لاي عضو او محاولة للحجر علي رأيه
خليك ايجابي و قول رأيك بوضوح و ماتخليش حد يتكلم باسمك و يدعي انه يمثلك و يمثل باقي الشعب