هل عصام شرف عضو سابق بلجنة السياسات بالحزب الوطني؟
المعلومة دي اتقالت في موضوع تاني و انا مش عارف هي اكيدة ولا لأ و اتمني ان لا تكون صحيحة
هل فعلا عصام شرف كان عضو في لجنة السياسات بالحزب الوطني؟
هل عصام شرف عضو سابق بلجنة السياسات بالحزب الوطني؟
المعلومة دي اتقالت في موضوع تاني و انا مش عارف هي اكيدة ولا لأ و اتمني ان لا تكون صحيحة
هل فعلا عصام شرف كان عضو في لجنة السياسات بالحزب الوطني؟
اخي الكريم
سواء كان الكلام صحيح او غير صحيح
المهم هو عملة في المرحلة الحالية بأذن الله
و اللي نعرفه كويس ان شباب الثورة هم من رشحو اسمه هو او الدكتور حازم الببلاوي للمجلس العسكري لاختيار احدهما
لانه كان مشاركهم مسيرتهم و يعرف بالاستقامة
فنفسي مثل هذه التساؤلات ان تختفي الان لانها لن تفيد بل توجد هزه بلاش فتنة علشان فيه اخوه بيزعلو من الكلمة دي
لان اجاباتها لن تطلعنا عن ما في صدور الرجال
ممكن يكون لم يكن في اللجنة و ضميره وحش
و العكس ممكن كان في اللجنة و حابب انه يصلح البلد من وجهة نظرة
علشان كده مثلا انضم لها اثناء توليه منصبه السابق
خلينا ننظر للامام ارجوك
و هذا طبعا مع خالص تقديري لحضرتك
م.حاتم السباعي
اؤيدك يا هندسة فيما قلت و حابب اضيف مش القضية انه كان فى لجنة السياسات سابقا ام لا فعندك مثلا الدكتور اسامة الغزالى حرب كان عضو فى لجنة السياسات بالحزب الوطنى و استقال عندما وجد فكره الاصلاحى لا يتماشى مع اتجاه الحزب
و ممكن يأتى تصور من بعض الاخوة يقول اشمعنى ما هو كان فى الحزب الوطنى زيه زى الفريق شفيق
و لكن مع احترامى لشخص الفريق شفيق فهو كان من معارضى الثورة من البداية و كان مؤيدا بشدة لبقاء مبارك
اما الدكتور عصام شرف فهو كان من معارضى افعال النظام السابق و له مجهود فى محاولة رفع الحراسة عن نقابة المهندسين و مواقف اخرى ايجابية بالاضافة لتأييده للثورة و اشتراكه بنفسه فيها و باذن الله الواحد متفائل به خيرا و ربنا يعينوا على هذه التركة الثقيلة
مش عايزة ذكاء انها اشاعة مصدرها اللجنة اللاكترونية للحزب الوطني
لانه قاد مظاهرة اساتذة جامعة القاهرة ضد مبارك والمطالبه برحيله فورا
لجنة السياسات
* جمال مبارك أمينا
* يوسف رؤوف يوسف بطرس غالى عضوا
* أحمد عز عضوا
* محمود صفوت محيى الدين عضوا
* رشيد محمد رشيد حسين عضوا
* حسام حسن بدراوي عضوا
* محمد مصطفى كمال عضوا
* محمد محمود محمد الدكروري عضوا
* عالية محمد عبدالمنعم محمد المهدي عضوا
* حسن السيد عبد الله عضوا
انا بس حبيت اتأكد من المعلومة لاني رديت ف مكان تاني علي اساس انها معلومة صح من غير ما اتاكد و خفت تطلع اشاعة
انا ضد القول ان جميع من شغل منصب في عهد مبارك او في الحزب الوطني فاسدين الا اذا ثبت تورطهم بالادلة...انا ضد اخذ الصالح بالطالح و ده كان سبب معارضتي لاقالة شفيق
عشان كده ان ضد اقالة جميع رؤساء البنوك و الجامعات و كم تعلم ده هذا من المطالب الاساسية للمعتصمين بميدان التحرير و من المتوقع استمرار الاعتصام و المطالبة بعودة المظاهرات اذا لم يتحقق هذا الطلب
كما نعلم جميعا اقالة شفيق لم تكن المطلب الوحيد
تحياتي لحضرتك
المعلومة دي مصدرها جريدة الاهرام و لا مصدر اخر لها علي النت
بركاتك يا عم سرايا
لجنة السياسات أعضائها كتير جداو ده علشان تعمل قاعده كبيره
وبتاخد فيها كل المرموقين فى الدوله
وأى وزير بيكون عضو فى الحزب الوطنى لأنه الحزب الحاكم
وكل ده أجبارى مش بمزاجك
ومش معنى أنك واقفت تبقى موافق على تصرفاتهم
بس فيه نقطه مهمه
هو عضو فعال ولا بيطلب منه تقرير فنى فى تخصصه ولا معاه كارنيه والسلام
يعنى عصام شرف كان عضو
معرفش بس مليون فى الميه كان عضو سواء بمزاجه أو لأ
ممكن يطلب يكون عضو ويكتب تقرير عن أصلاح الطرق والنهوض بمصر و و و و
مش ممكن هيقول لأ مش كاتب التقرير , وخصوصا أنه لمصلحة البلد
هما بعد كده هيحطوه فى الدرج ولا يعملوا بيه مش قضية الدكتور عصام
وعلى سبيل المثل
أنا من أشد المؤيدين لسمير رضوان وزير الماليه لأنى عارف أنجازاته فى دول العالم زى ماليزيا وتركيا و 74 دوله تانيه
تعرف أنه كان عضو فى لجنة السياسات
وطلب منه عمل تقرير لأصلاح البلد أقتصاديا
وجمال مبارك أنبهر بمعنى الكلمه من التقرير وقال ما معناه أيه العقليه دى
طب هو عضو فعال أكيد لأ لأن حياته كلها بيلف على دول العالم يعمل خطط اصلاح لها يبقى موضوع العضويه ده كان بالمبدأ اللى قلته فى أول المشاركه
ده مش دفاع عن عصام شرف
لكن توضيح لمبدأ مش كل واحد كان فى لجنة السياسات يكون فاسد
وألا يبقى الاموات اللى كانوا بيصوتوا فى الأنتخابات بعد ما ماتوا بسنين خونه
اقتباس:
مش عايزة ذكاء انها اشاعة مصدرها اللجنة اللاكترونية للحزب الوطني
اقتباس:
المعلومة دي مصدرها جريدة الاهرام و لا مصدر اخر لها علي النت
بركاتك يا عم سرايا
للأسف صحيحة و بتصريح منه شخصيا للمصرى اليوم بتاريخ 24/8/2010 !
لا من اللجنة الاكترونية للحزب الوطنى و لا حتى من الاهرام !!
و لم يكن وقتها وزيرا و لم يكن حتى معارضا للحزب الوطنى !
معلش سؤال هو الحزب الوطني ده والعياذ بالله هو حزب الشيطان واي عضو فيه يبقي كافر مثلا
كل القيادات في البلد بمعناها الشامل وليس الضيق بتاع الوزراء والمحافظين.....اعضاء لجنه السياسيات
لازم نشغل دماغنا شويه .....انا اللي يفرق معايا الراجل طاهر اليد....صاحب رؤيا .....يقدر يشيل المسئوليه ...يبقي ماشي
وبعدين انتو حتضحكو علي نفسكو .....اي حد كان عايز يعمل حاجه للبلد دي كان بينضم للحزب الوطني...عاجبه ولا مش عاجبه
ا.....ده كان واقع موجود ...نغيره للاحسن
مش كل ما نلاقي حد كويس نقول لالالالالالالالالالالالال الالا ده تبع حسني
انتو ناسين ان حسني حكم 30سنه ...علي كده 3/4 الشعب المفروض نولع فيه واحنا اولهم لان احنا جيل حسنيي مبارك
طب ما الكلام دا ينطبق على احمد شفيق !اقتباس:
نا اللي يفرق معايا الراجل طاهر اليد....صاحب رؤيا .....يقدر يشيل المسئوليه ...يبقي ماشي
مطلب الثورة واضح اسقاط النظام بأكمله يعنى كل الوزراء و اعضاء الحزب الوطنى و كل من عينهم مبارك :)
على العموم مش فارقة يقعد او يمشى كلها شهرين و حيقدم استقالته علشان الانتخابات يعنى لا هو و لا غيره حيلحقوا يعملوا حاجة
يعنى المسألة كلها حب و كره
شكرا للتوضيح
أحمد شفيق كان راجل محترم وانا من كلامه حسيت بمصداقيته بس الشعب حافظ مش فاهم طالما مبارك عينه يبقى من النظام السابق ويتشال ومستنوش عليه انه يعمل حاجة...عموما هارد لك يا شفيق ومصلحة مصر اهم وان شاء دكتور عصام شرف يفي بالغرض
ده سبب ان عملت الموضوع لأني لم اجد علي النت ما يؤكد الحكاية دي
بس الظاهر اها طلعت معلومة حقيقة و انا اتفاجأت بها لأن زي ما حضرتك قلت " مش عايزة ذكاء انها اشاعة"
مع احترامي لذكاء حضرتك المعلومة شكلها صحيح
للأسف دي النغمة اللي كانت سائدة قبل استقالة شفيق و في يوم و ليلة الكلام اتغير و اتضح ان في ناس كانت في الحكومة و في الحزب الوطني شريفة
مع كامل احترامي للثوار اللي حضرتك بتتكلم عليهم بس انا كمان من الثوار و غيري كتيييير قوي من الثوار كنا غير مؤيديين لرحيل شفيق (ولا الثورة حكر علي مجموعة معينة؟)
و هل مؤهلات رئيس الوزراء القادم و الرئيس القادم ان يرضي عنه المجموعة التي اختارت عصام شرف؟
و ان يكون ممن يمدحون الثورة؟
واضح انها طلعت كده
المسألة مش وجوه جديدة ولا حاجة..
بالظبط كل من يجرؤ و يعارض الائتلاف المتواجد حاليا في ميدان التحرير سيتم اسقاطه بالمظاهرات و تأليب الرأي العام عليه من خلال الفضائيات و الانترنت..و من يرضي عنه الائتلاف سيتم تلميعه و تقديمه لنا علي انه الاختيار الامثل
للأسف انا بدأت احس بنفس اللي كنت حاسس به قبل 25 يناير!
في ناس بتتكلم بالنايبة عني و عارفة مصلحتي اكتر مني
و لما احاول اعترض يطلعوني قلة مندسة و يقنعوني ان الغالبية معاهم و انا لوحدي اللي معترض
الواحد ما لحقش يفرح بالثورة :majd(4):
حبيبك يبلعلك الزلط وعدوك يتمنالك الغلط
هو ده حال أحمد شفيق
لو شلنا الأراء اللى كانت بتطالب بعزله علشان فاسد ( على أساس أن ده بدون دليل )
باقى الأراء كانت ضده لموضوع أنه مكنش مع الثوار من أول يوم ومكنش بيحمى الناس و و و
عصام شرف الناس حبته من الأول علشان كان فى ميدان التحرير بيتظاهر
يعنى القبول النفسى كان هو العامل الأول
زى ما تروح تتجوز واحده الأول تكون مستريح لشكلها وبعد كده تسأل عليها
من الأخر مفيش مسئول فى البلد مش عضو فى الحزب الوطنى لأنها مش بمزاجه
يبقى مش كل واحد من الحزب الوطنى ( مجرد عضويه مش شخص فعال ) يكون فاسد
الجويلى كان فى الحزب الوطنى
و الجنزورى
و حسب الله الكفراوى
و عمرو موسى
كل دول مش فاسدين وكل دول أقيلوا من الوزاره , رأيك فيهم أيه
لو حضرتك بتشتغل فى شركه وصاحب الشركه قالك كل الموظفين مشتركين فى نادى الشركه وحضرتك لازم تشترك وكمان ببلاش وأنت عارف أن النادى ده بيقدم خمور
هتشترك وتقول أصله أجبارى بس مش لازم أروح النادى ولا هتقدم أستقالتك
طب بعد ما تمشى من الشركه هتقبل حد يقولك أنت كنت مشترك فى النادى ده متجيش تعقد معانا
أو يبصولك طول عمرهم أنك خمورجى
ولا يقولوا خلاص يعقد معانا ولو شفناه بيشرب خمره نطرده من القعده
أن بعض الظن أثم
نشوف أعماله الأول
غريبة قوي هي دعوات الاستقرار لحكومة شفيق بس, انما الدكتور المحترم عصام شرف المفروض نشكك فيه من قبل حتى ما يشكل الحكومة؟؟؟؟؟؟؟؟؟؟؟؟؟؟؟
عموما من غير لعب بالألفاظ, رفض الناس لشفيق لأنه و من لسانه تلميذ نجيب لمبارك. رفض الناس لشفيق لأنه أعلن مرارا و تكرارا تأييده لمبارك و رفضه لتنحيه. رفض الناس لشفيق لعدم اعترافه بالثورة و مطالبها من البداية, ازاي يبقى من القائمين على تنفيذ المطالب دي؟؟؟ رفض الناس لشفيق لأنه وزير في عهد مبارك لمدة 9 سنوات متتالية ثم مكلف برئاسة الوزراء من مبارك شخصيا, بمعنى أخر هو شخص متوافق تماما مع نظام مبارك و متوافق مع سياساته المختلفة. رفض الناس لشفيق عشان عدم قدرته على اثبات مصداقية تصريحاته منذ تولى الوزارة بداية من التعهد بحماية المتظاهرين بالتحرير ثم التعهد بملاحقة مهاجميهم و التعهد بعدم التستر على الفساد.......الخ. رفض الناس لشفيق لمحاولته الألتفاف على مطالب الناس في التغيير الوزاري الأخير الذي قام به و الأصرار على وجوه مرفوضة من الناس.
كفاية الأسباب دي و لا اشرح كمان؟؟؟؟؟؟؟؟؟؟؟؟ لو الكلام اللى فوق ده ينطبق على الدكتور المحترم عصام شرف, اتهموا الناس بالتناقض.
شفيق لم يكن فى الوقت المناسب و لا المكان المناسب ... و هذا لا ينتقص شىء من شخصه أو موقعه السابق.
بيقولك الشعب حافظ مش فاهم
و واحد تاني بيقولك إحنا بنقلد تونس بالظبت
يكفي رئيس وزرا يخطب في الشعب من غير أمن و يحمل على الأعناق و يقول " أعدكم لو لم أحقق مطالبك أن أقد إستقالتي "
أمجاد يا ثورة أمجاد رغم كل المثبطين و المنتفعين و المنافقين
بالظبط احنا ديكتاتورين واسوء من مبارك ومش بعيد نعتقل وندبح اللى يعارضنا او نطرده بره زى ماقلت علشان القتل حرام
والظلم كله فينا ولو حضرتك مش راضى عننا اعمل ثوره واعترض علينا بس اتشهد الاول على روحك لان الثوار الموجوديين ممكن يطردوك بره قبل ماتعملها اصلا
هو الموضوع ده أتفتح للأستفسار ولا التشكيك
أنا كنت برد على أساس أنه أستفسار وتخوف وده شئ كويس مش وحش
لكن لو الموضوع تشكيك هنسحب منه
مش لأنى مؤيد لعصام بس لأنى هعتبره تهريج
وبصراحه رأى شخصى اللى داخل يرد على أى موضوع على أساس أنه بيرد على تشكيك ميردش أحسن
ده عصام لسه مدخلش مكتبه
أنا كنت مقتنع بشفيق أنه شخص كويس وبلاش يمشى ولما مشى وجه عصام بقول نفس الكلام ده واحد أحسبه محترم وأنا معاه
لكن لو المنطق فى الحوار أن أنتوا رفضتوا شفيق يبقى أحنا كمان نرفض عصام علشان أنتو أخترتوه يبقى ده تهريج والبلد ضاعت
يا ريت يكون اللى فهمته غلط
يا جماعه أحنا خلصنا من خناقات شفيق ليه نطلع بخناقات عصام
هوة لية فى ناس مصرة تمشى عكس الثورة
هى الثورة دى بتاعت البلد اللى جنبنا مثلا
شفيق اقسم اليمين لمبارك و كان بيقول دى مش ثورة و كان بيستهزا بالثوار (البونبونى) ولما مبارك مشى قال انا مع الثوار ,,موقف متعارض جدا ,,, وبردة فى ناس مش عايزاة يمشى,,
ولما جة واحد تاريخة محترم (عصام شرف) واشترك فى المظاهرات وكان بيؤيد الثورة (قبل ما مبارك يمشى) مهم اوى دى,,,
دلوقتى فى ناس بتشكك فى علشان الناس مرتحالة..
هو فى اية؟؟؟؟؟؟؟؟؟؟؟؟؟؟؟؟؟؟؟؟؟؟
أنا معرفش الموضوع ده اتفتح ليه, الله أعلم بالنوايا.
أنما يا ريت تراجع الردود كدة, حتلاقي نفس الناس اللي كانت بتنادي ان شفيق يقعد عشان الاستقرار بتشكك دلوقتي في عصام شرف و زعلانين ان الناس مبسوطة بيه و مش بتهاجمه.
عموما رأي حضرتك طبعا يحترم و رأي غيرك كمان أكيد انما للأسف الواحد مش بيلمس حسن النية في كلام كل الناس. ربنا يهدينا جميعا.
سؤال لصاحب الموضوع ايه المطلوب يعني عايز توصل لاية
يا ريت بس حضرتك تقرأ الموضوع من الأول عشان ما نقعدش نعيد و نزيد في نفس الكلام
و رد عضو فاضل ممن طالبوا برحيل شفيق و يؤيد عصام شرف
و انا رديت
يعني انا كنت بادور علي اجابة سؤال و طلبت مساعدة الاعضاء (في حاجة تزعل في كده؟)
و جاءت اجابة غير متوقعة (باعتراف احد مؤيدي عصام شرف) و بدأ الجميع في مناقشتها (برده مفيش حاجة تزعل..ولا ايه؟)
طيب هو كان في لجنة السياسات
و مع ذلك الثورة شالته على الأعناق
شفت المفارقة
عارف ليه
علشان الناس بقى عندها وعي و بتفهم و بتعرف تفرق بين الناس
انا من اكتر الناس تاييدا واحترام لشفيق
وكمان عاجبني جدا وباحترم شرف
انا بس حبب اسال الجميع هما مين المنتفعين والعملاء اللي ما بينا هنا في المنتدي
ما كفايه غلط في بعض بقي
وانا اوعدكم اني انشاء الله اي مشاركه هلاقي فيها ولو تلميح بالغلط من اي حد في اي اتجاه معارض مؤيد هاعمل عليها تقرير فورا
الشرطه مش موجوده اه بس اداره المنتدي موجوده
المثبطين معانا منهم هنا بصراحه
المنتفعين مقدرش أحددهم هنا بس بره موجود منهم كتيييييير أوييييي
المنافقين كفاية أوي تقرأوا الصفحه الأولى من الأهرام و الجمهورية بعد جمعة التنحي
السلام عليكم ورحمة الله وبركاته
تقيم السياسي بناء علي عواطفه وليس علي مواقفه اكبر خطر لانة ببساطة قد يستخدم لتلميع ووضع دكتاتور علي الكرسي وللاسف يوجد قطاع من المصريين تحركهم العاطفة كلمة تؤثر فيهم وخطاب مبارك العاطفي انه يريد ان يموت في وطنه اكبر دليل
تقييم لموقف واحد من عدة مواقف لاحمد شفيق
في لقاء ال بي بي سي قال ان مبارك مأتمن علي المصريين : خلب بالكم مبارك الي وقت العبارة ماغرقت راح يتفرج علي مبارة مبارك الي نظامة خرب البلد بقي مأتمن علي المصريين
في لقاء اون تي في يقول علي الثورة "ثورتنا" اصبحت الثورة التي ارادت اسقاط مبارك الذي وصفة بالمأتمن اصبحت "ثورتنا" بالله عليكم هل من يتغير موقفه يكون اهل للثقة؟ هل من كان رأية ان مبارك مأتمن علي المصريين يصبخ مأتمن علي الثورة التي ارادت اسقاط نظام مبارك؟
نحن نرضي عن اختيار عصام شرف ولا نرضي عن احمد شفيق لمواقف وليس لكره او لحب
وهذا لقاء احمد شفيق
YouTube - ‫ط±ط¦ظٹط³ ط§ظ„ظˆط²ط±ط§ط، ط§ط.ظ…ط¯ ط´ظپظٹظ‚ ظپظٹ ط¨ط±ظ†ط§ظ…ط¬ ظ„ظ‚ط§ط، ظ‚ظ†ط§ط© ط§ظ„ط¨ظٹ ط¨ظٹ ط³ظٹ mpeg4‬‎
والله ده اللي أنا خايف منه
إن في ناس على نياتهم وماشية بنظام مبارك ده ابونا و اللي نعرفه أحسن من اللي منعرفوش
أو بيصدقوا أي حاجة يسمعوها..حتى لو جاية من أهرام سرايا أو تلفزيون الأنس كله
لولا موقعة الجمل بتاعت الحزب الغبي اللي كانت تاني يوم خطابه كان زمانهم لسة عند رأيهم
واللهِ كل مافتكر إن في الانتخابات صوت الجاهل ليه نفس قيمة صوت العالم
وصوت البلطجي ليه نفس قيمة صوت الدكتور بكتئب...بس حنعمل إيه بس
والله يا اخي الكريم AngelicCore ده الي خايف منه وخوفي بيزداد كلما بقي في المناصب القيادية في الاعلام كالاهرام الوجوه القديمة الي كلنا عارفينها
زملائى وأصدقائى المحترمين
شفيق مشى
كان حلو وزى الفل وما فيش أحسن منه
عصام شرف مسك
حلو وزى الفل وما فيش أحسن منه
أعضاء المنتدى الحلوين واللى زى الفل
الموضوع أنتهى وخلاص
المجموعتين اللى فى المنتدى مؤيد ومعارض مش هتفرق دلوقت نقيم عصام أو حكومته
بعد أسبوعين فيه أستفتاء على التعديلات الدستوريه المؤقته
دى أهم من المناقشات فى عصام وحكومته
ممكن نبتدى نتناقش فيها لأنها مصيريه لكن موضوع عصام ممكن بعد أسبوعين نرجع نتخانق عليه تانى مفيش مشكله
أيه رأيكم
السلام عليكم ورحمة الله وبركاته
باخي الكريم sharafconsult المشكلة مش الفرق بين شفيق او عصام
الخطورة في تقييم السياسي بناء علي العواطف وليس تحليل المواقف
المشكلة ان من يطلق الاتهام يرفض تحديد شخص بعينه حتي لا يتعرض للشكوي و العقاب و بالتالي يجعل كل من يخالفه في الرأي يشك ان الاتهام موجه له و ده اسلوب مرفوض تماما
الرجاء تفادي الاتهامات المرسلة بدون تحديد لان ذلك يؤدي الي ارهاب المعارضين في الراي حتي لا يتم اتهامهم بأنهم مثبطين و منتفعين و منافقين
انا احترم كل عضو في المنتدي و أرفض اتهام اي مخالف في الرأي بانه منافق او مثبط او منتفع
حضرتك المشاركات دي كتييييييير جدا و التلميح بقي بزيادة قوي و في موضوع كامل اتعمل
هنا http://www.nilemotors.net/Nile/204881-a.html
و الحمدلله ابلغت ادارة نايل موتورز و تم اغلاق الموضوع و التحذير من اسلوب اتهام المعارضين في الرأي
أرجو من كل واحد عايز يقول رأيه بصراحه يقوله من غير خوف او قلق من اتهامه بانه من مؤيدين النظام السابق او لجنة الكترونية و الكلام ده...كل عضو هنا من حقه يقول رأيه و الثورة ليست حكرا علي مجموعة من الناس
يا جماعة احنا مانزلناش يوم 25 يناير عشان يتقال علينا بعد كده عملاء النظام القديم
خليك ايجابي و بلغ ان اي مشاركة فيها اتهام لاي عضو او محاولة للحجر علي رأيه
خليك ايجابي و قول رأيك بوضوح و ماتخليش حد يتكلم باسمك و يدعي انه يمثلك و يمثل باقي الشعب