[youtube]http://www.youtube.com/watch?v=BBCE0EUdK34[/youtube]
ياريت ناخد بالنا ان فيه شهود للكلام في القناة يعني الكلام مكنش في الخفاء علشان محدش يطلع يكذب
عرض للطباعة
[youtube]http://www.youtube.com/watch?v=BBCE0EUdK34[/youtube]
ياريت ناخد بالنا ان فيه شهود للكلام في القناة يعني الكلام مكنش في الخفاء علشان محدش يطلع يكذب
احمد شفيق انسان محترم جدا بس الوقت الي هوة جية فية ماخدمهوش وجب التحية والتقدير والاحترام لة وانا مع كل كلمة تقريبا قالها ا علاء الاسواني بس ضد الاسلوب الي هوة اتكلم بية دة تماما فياريت المطالب المشروعة حد يكون لية اسلوب ارقي ويحترم النقاش يطالب بيها لان الصوت العالي والغلط في الي بتحاور معاة دي بتبقي حجة الضعيف والي بيطالب بمطالب زي دي اكيد مش ضعيف
السلام عليكم و رحمة الله و بركاته
علاء الأسوانى, قال اللى أنا عاوز أقوله بالظبط فى الدقيقة ال 00-11 الى الدقيقة 20-12 .
لو سمحتوا اسمعوه من الدقيقة 00-11 لحد الدقيقة 20-12 تانى.
هو ده و هو ده بس, الطريقة و المنطق و الأسلوب و الوسيلة و الConcept اللى لازم نتعامل بيه مع أى مسؤول فى البلد من أول رئيس الجمهورية و أنتوا نازلين و أى طريقة تانية للتعامل خلاف دى, أنا أقسم بالله, أنها هترجعنا لأيام الذل و الهوان تانى زى قبل 25 يناير .
الصوت العالي؟ راجع كده الحلقة وشوف مين اللي كان صوته عالي؟
شفيق صوته كان موصل آخر الدنيا من أول تعليق للأسواني.
كل اللي قاله الأسواني "حضرتك جزء من نظام مبارك الذي ثار عليه المصريون"
وابتدت وصلة الزعيق والغرور والتعالي من شفيق، الراجل "المحترم جداً" اللي بتقوله عليه.
إذا كان هناك خلاصة فيما حدث هو أن مصر تغيرت من حق أي مواطن مصري إنه يتحدث مع رئيس الجمهورية و يسائله و يحاسبه و يطلب منه تقديم كشف حساب لما فعله و ما فشل في فعله و لا يعد هذا تجاوزا و لا قلة أدب
الله عليك يا أسواني
يا ريت نضيف الكلام ده كمادة في الدستور هههه
لا حول ولا قوه الا بالله
ازاى بس محترم ياباشا...مين اللى صوته عالى...دة جابلى صداع ياخى
انت شفت الحلقه كلها؟
شفت لما علاء قله انت موقفك ايه كرئيس وزراء والناس ببتقتل ويتداس عليهم فى الشارع...والناس اللى نظرها بتروح والشباب اللى مات...رد قاله انت بتتكلم بواطنيه زايده وانت مش عارف تاريخى... بصراحه اى كلام فى اى حته ...والله الناس دى هتتحاسب فى الدنيا قبل الاخره...ولاتحسبن الله غافلا
وبصراحه
علاء الاسوانى مسكه مسخره قدام الناس كلها وقال كلام كتير ناس كتير كان نفسها يتقال لشفيق
الاسوانى من الاخر خرج من دائره الهجص السياسى الى متخرجش منها بأى اجابه ولا اى حتجه تطمنك زى ما بيعمل شفيق... وقال كل الى عايزين المتظاهرين يقولوه وزياده كمان.. صحيح رفع صوته بس الطرفين اتصرفوا غلط فى اسلوب الحوار دا غير شغل القذافى الى شفيق عمله
يا جماعة مافيش شك ان اللي قاله علاء الاسواني بيعبر عن رأي كل مصري - و بالمناسبة انا من عشاق الاسواني جدا و قريت كل كتبه تقريبا من عمارة يعقوبيان لشيكاجو مرورا بلماذا لا يثور المصريون اللي اعتقد ان لو اي حد قراه قبل 25 يناير حيعمل ثورة لوحده
لكن لي تحفظ علي الاسلوب العام اليومين دول و انا مش مختلف مع الرأي اللي بيقول ان طريقة تحدثنا مع المسئولين يكون فيها حدة و صوت عالي انما انا خايف لا يكون ده اسلوبنا حتي في التعامل مع بعض او مع اي كبير و ده بكل اسف هو الملاحظ اليومين دول ان مبقاش فيه احترام للكبير سواء الكبير ده عمي او خالي طالما اختلفنا في الارآء بيبقي اللي صوته اعلي هو اللي كلامه بيمشي سواء كان الكلام ده صح او غلط او الكلام ده موجه لحد كبير في السن و لا لأ
احنا كمصريين و عرب كنا بنتميز بأحترام الكبير لكن اللي انا شايفه اليومين دول ان القيمة دي اصبح لا وجود لها بكل اسف
بركاتك يا شيخ مطار
هل تعلم سيدى الفاضل انها لم تحدث مطلاقا في تاريخ مصر ان قام رئيس حكومة او حتى وزير بمناظرة على الهواء مباشرة مثل تلك التي حدثت بين علاء الاسواني المواطن المصري (لن اقول اي لقب، فيكفيني كونة مصري) و احمد شفيق رئيس وزراء مصر.
من المفروض ان احمد شفيق تم تعيينة في وقت عصيب و دقيق بأعتراف الرئيس المخلوع و نائبة، و انة من المفترض انه يتمتع بقدر من القدرة على الالتفاف و المراوغة و التهرب من الاسئلة ببراعة. اي انه اذكى و احنك ما انجبت حكومات مبارك و يتمتع بقدرات مميزة على مواجهة الازمات النقاشية فلم يفلح اي من ممن اسموا نفسهم "محاورين" ان يحاوروه فعلا، فقط اكتفوا بمحاولة مسك العصاة من الوسط دون الضغط المباشر عليه في المواضيع الشائكة.
الا ان الرائع علاء الاسواني استطاع و في مناظرة يبدو انها كانت وليدة الصدفة ان يعري احمد شفيق من كل هذة المهارات و ان يظهر للناس وجه احمد شفيق الضعيف المتواطئ مع نظام مبارك.
و لكني لاحظت ان بعض الناس قد ابتعدوا عن الموضوع الاساسي للمناظرة و اخذوا ينددوا بأسلوب علاء الاسواني في الحديث و كيف انه لا يحق له ان يتحدث بهذه اللهجة الي رئيس وزراء مصر، ناسيين ان هذا الرجل هو من يتحمل دم شهداء الثورة بحكم منصبة و مسؤوليتة عن امن مصر و لكني اود ان اذكر اولائك بالموضوع الاساسي للحوار و اسئلهم ببساطة :
1- هل كذب علاء الاسواني في اي كلمة قالها؟
2- هل اتهم جهاز امن الدولة انه جهاز مفتري بالباطل؟
3 هل ادعى بالباطل ان شفيق كان ضدد الثورة و انه كان متمسك بمبارك حتى اخر لحظة؟
4- هل بالغ في عدد الشهداءو المصابين و الجرحى؟
ام ان الحقيقة ان هناك مجموعة من الناس لم تصدق عينها انهم يستطيعون ان يناظرة و يحاورو بل و يهزمو رئيس وزرائهم؟ ام اننا بالفعل نسينا اننا قد قدمنا مئات الشهداء لنطيح بمبارك و نظامة الذي شفيق هو جزء لا يتجزاء منه؟ ام ما زال بيننا من هو خائف مرتعب مختبئ في كهف مظلم خائف من التغيير ؟ الم نقم بالثورة كي نكسر حاجز الخوف و نضيئ شمعة الحرية؟ هل يوجد بننا من لازال يصدق الاعلام المصري الحكومي في تضليله بدعوى الاستقرار و ان ميدان التحرير هو سبب كل مشاكل الكون و هو سبب رئيسي في مشاكل ليبيا و اليمن و العراق و ان هو سبب انفصال السودان و تمرد الحوثيين و انتفاضة الشيعة في البحرين؟ اوليس عيب علينا؟
لا يعنيني كيف كان اسلوب علاء الاسواني ولا اهتم بتقويمه فهو حر في ما يقوله و ما يفعله ولكن يهمني انه عبر و بطلاقة عن غضب الضمير المصري الحقيقي و اذا كان بالاحرى ان نحاسب احدا على اسلوبة فيجب ان نحاسب احمد شفيق، فهو في موقع المسؤول كرئيس لوزراء مصر الذي لا يمكن ان يفقد سيطرتة على نفسة بهذا الاسلوب مهما كان اسلوب من يحاورة فقد صاح احمد شفيق في علاء الاسواني قائلا (متلبسش وش الوطنية!! انا حاربت و قاتلت و اتقتلت!!!)، و اذا كان هو رفضا لاسلوب علاء الاسواني يبقى كان يجب عليه ان ينسحب و لا يكمل الحوار افضل من ان يظهر بهذا المنظر.
و إن تابع بعضكم اسلوب احمد شفيق منذ البداية لعرفنا كم هو من يستحق مراجعة اسلوبة، فلا يزال يتحدث بالنظرة الفوقية الابوية عندما قال لعمرو حمزاوي (اسمع، انت زي ابني)؟!!بأسلوب قصد فيه و بوضوع كسر حماسة عمرو حمزاوي و تحديد مطالبة.......... انا اسف يا دكتور شفيق، بس انت مش اب لاي احد غير ابناءك الشرعيين، حضرتك "رئيس وزراء(سابق)"يعني موظف عند الشعب، و الحديث بلغة الاب لا تختلف عن حديث المشايخ الدراويش بلغة الالة لأن بهذة الطريقة تمنعنى من انتقدك لأنك (ابويا) وبالتالي عيب و ميصحش حد يتكلم مع ابوة كدة و اعتقد اننا عانينا الكثير من النظرة الابوية مع نظام مبارك (الاب) الذي ظل اب للمصريين 30 عاما حتى اضمحل المصريين خوفا و حرجا من انتقاده، لأنة بابا؟!!!
و على الجانب العملي و بعيدا عن الثورة و الابوية، هل من الممكن ان يذكر لي شخصا واحد ما هي مؤهلات ظابط طيار ان يقود مصر؟ لقد اجاب احمد شفيق بنفسة عن هذا السؤال ضمنيا قائلا (انا بنيت مطار القاهرة)، هل معنى ذلك ان تصبح مضيفات مصر للطيران مذيعات للقناة الاولى؟ او ان يصبح عاملين نظافة مطار القاهرة روئساء لأحياء القاهرة؟ و ان يصبح ظباط جوزات مطار القاهرة وزراء لداخلية مصر؟....... لو هذا هو المنطق المعمول بة اذن بركاتك يا شيخ مطار!
لقد علمني علاء الاسواني كيف اكون جسورا عندما قال لاحمد شفيق انا اشكرك علي سعة صدرك، انا حانزل يوم الجمعة اتظاهر علشان حضرتك تستقيل. شكرا علاء الاسواني لفضح بقايا النظام البائد و شكر دكتور احمد شفيق على حسن تعاونك مع علاء الاسواني لأنك و بالفعل استطعت ان تدعو جحافل اخرى للمصريين للمطالبة برحيلك. قد شاهدت بنفسي كم التصفيق الحاد الذي حاذ بة علاء الاسواني امس في قهوة شعبية كنت اشاهد منها الحوار.
و كنتيجة لهذة المقابلة التي اوضحت للرأي العام من هو احمد شفيق و من هم الثوار الشرفاء، فكان من البديهي ان يستقيل احمد شفيق في خطوة متأخرة بعد ان كان في استطاعتة حفظ ماء وجهه بالاستقالة فور سقوط نظام مبارك.
تحية جليلة للثوار الشرفاء الذين صمدوا على مطالبهم و وقفوا ثابتين ضد محاولات بائسة من المغيبين و و المنتفعين و اشلاء الحزب الوطني، اليوم نجني ثمرة اخرى من ثمار الثورة الناضجة التي ستملاء مصر بخيراتها.
شكرا لكل رموز مصر الذين دعمو الثورة، شكرا علاء الاسواني، شكرا للقوات المسلحة، شكر د محمد البرادعي، شكرا مستشار هشام البسطويسي، شكرا لناس كتير اوي، شكر شباب مصر، شكرا يا مصر.
عاشت مصر حرة مستقلة.
(عبدالله هنداوي - الدستور)
بركاتك يا شيخ مطار .... !!!
دا لو كان عمل محطات ( تكاتك ) كانت هتعمللو شعبية اكبر.
لأن نسبة مستعملى المطارات المفتخره اللى عملها اقل بكثير.
زملائى وأصدقائى المحترمين
شفيق مشى
كان حلو وزى الفل وما فيش أحسن منه
عصام شرف مسك
حلو وزى الفل وما فيش أحسن منه
أعضاء المنتدى الحلوين واللى زى الفل
الموضوع أنتهى وخلاص
المجموعتين اللى فى المنتدى مؤيد ومعارض مش هتفرق دلوقت نقيم عصام أو حكومته
بعد أسبوعين فيه أستفتاء على التعديلات الدستوريه المؤقته
دى أهم من المناقشات فى عصام وحكومته
ممكن نبتدى نتناقش فيها لأنها مصيريه لكن موضوع عصام ممكن بعد أسبوعين نرجع نتخانق عليه تانى مفيش مشكله
أيه رأيكم
http://www.nilemotors.net/Nile/204735-vs.html
الاسوانى قال انه كان قاعد قصاد مبارك
نفس الفكره انا حاسيتها و كتبتها فى الموضوع اللى فوق
احب اضيف
ده اسلوب مختلف فى الحوار
معروف من زمان اسلوب الاسوانى انه حاد
فيه فرق بين قله ادب و حاد
احنا فى مصر مش متعودين على اسلوب يبقى حاد مع اى من المسئولين عندنا لسه قناعه باسلوب سيادتك و التحسس عن السؤال المحرج
قنديل اعلامى مخضرم سويرس طبعه هادى و كم...ان صاحب قناة
ماينفعش يا هيثم تقارنه بيهم
الغلط الكبير ان شفيق افتكر بعد ما هاجم عمرو حمزاوى و سكته و هاجم ريم المزيعه انه قادر يقعمل نفس الوضع مع واحد دمه حامى و كمان حاد زى الاسوانى
و عشان كده بقول اتفرج على بدايه حوارهم و ازاى شفيق كانت ردوده مستفزه لاقصى درجه
يا عزيزى حتى سويرس قال لشفيق ماتقولوش كلام مستفز عشان فعلا شفيق كان مستفز جدا
اللى عايز يناقش و يقول كلام مفهوم يتفضل
بس يستخف بالناس اعتقد لازم يفوق مش نطبطب عليه
ديه مش لعبه - ديه سياسه و مستقبل
مش برنامج ادبى بيناقش فكره او روايه
اعتقد ان ده اللي بيسموه النقاش المحتدم
طالما لم يخرج خارج اطار الاداب العامة و الموضوعية في الحوار
يبقي حوار مثمر
و انا شايف انه جاب نتيجة كويسة في الاخر و ان في فكر انتصر علي الفكر التاني لقوة الحجة و تعدد نقاط الضعف في الفكر المقابل