لو سمحتم يا جماعه انا ان شاء الله هجيب عربيه قريب جدا ان شاء الله وانا بتفرج لقيت ان شيفروليه سبارك2011 البابين اللى ورا مالهومش مقابض فعايز اسال بيتفتحو ازاى ولا مبيتفتحوش اصلا؟ مع جزيل الشكر للاعضاء
عرض للطباعة
لو سمحتم يا جماعه انا ان شاء الله هجيب عربيه قريب جدا ان شاء الله وانا بتفرج لقيت ان شيفروليه سبارك2011 البابين اللى ورا مالهومش مقابض فعايز اسال بيتفتحو ازاى ولا مبيتفتحوش اصلا؟ مع جزيل الشكر للاعضاء
بيتفتحوا طبعا يا باشا....المقابض بتاعتها موجودة فوق في الباب زي الصورة ديه جنب الزجاج
http://pitstopbrasil.files.wordpress...et-spark_1.jpg
تمام الف شكر ليك يا استاذ فوزى على التوضيح وايه راى حضرتك فى السبارك حلوه ولا؟
وكنت عايز اعرف سعر السبارك المنيوال والاتوماتيك فول اوبشن
؟؟؟؟
طبعاً دكتور أحمد فوزى لازم يقولك إنها زى الفل ، لأنه صاحب أشهر سبارك فى المنتدى (( زقرده )) ، وهى فعلاً السبارك عربيه حلوه وإقتصاديه .
والموضوع ده فيه خلاصة حكايات السبارك ، وأكيد حتستفاد منه إن شاء الله .
http://www.nilemotors.net/Nile/204258-a.html
اللى أنا أعرفه آخر حاجه :
المانيوال : 55750 جنيه والأوتوماتيك : 72000 جنيه ..... لموديل 2011 .
حبيبي والله يا حريف
و زي ما قال باسم باشا......العربية اللي معايا هي سبارك لايت اللي هي الشكل القديم ....عربية تحفة والله
لكن النيو سبارك اللي انت بتتكلم عليها لسة محدش جربها ....بس عايز اقوللك انها بقالها سنة و شوية بتنزل برة و خدت جوائز كتير
و تحت امرك يا باشا
شكرا للاعضاء اللى شاركوا بس الاتوماتيك 72 الف كتير
72 الف ده للمانيوال يا فندم......:majd(4):
رخيصة يا دكتور
ولا تعليق :-)
تفتكر يا دكتور؟
اصلى واثق من عبقرية من اخذ قرار نزولها بهذا السعر :-)
فعلا درس السوق كويس هاهاهاهاهاها عبقرينو
اظن هى كده قريبه جدااااا من تمن الاوبترا والاقيو
متهيئلى محدش اشتراها انا مشفتهاش ماشيه فى الشارع خالص
هو منصور زود الاسعار كام
بعنى هى بقت بكام دلوقتى الموديل القديم طبعا
معلوماتى سعرها 56000
النيوسبارك شكلها حلو و عاجبني و كمان موتورها معقول 1200 سي سي
المشكلة تمنها غالي أوي أوي عليها
قدامك حل من التلاتة :
1. تزود ألفين على 72000 يبقوا 74000 تجيب أفيو مانيوال هاف اوبشن تجميع محلي
2. تصبر شوية لحد ما الناس دي تعقل و تنزل السعر شوية على أساس إن أي موديل جديد في الأول بيبقى غالي
3. يا تتوكل على الله و تشتريها :)
تصدق مكنت شايف المقابض فعلا بس انا شايف سعرها غالى على قوة الماتور دة
الأسعار دي بجد يا شباب ؟
فعلا سعرها غالى جدا بالنسبه للفئه بتاعتها فى لوجان وساجا ارخص منها
بالعكس دي سعرها كدا لوز العنب هو منصور بيه عمره بيسعر حاجه غلط دا هوا طول عمره صح واللى مش عاجبه تمن العربيه مايجبهاش بسيطه خليها تصدي وموديلها يعدي هو دا بجد الحل الوحيد بس للاسف في مصر مفيش الكلام دا انتوا شفتوا اسعار اللانسر موديل 2009 و2010 بكام دا بجد استهبال وهبل رسمي ربنا يرحمنا ويتوب علينا من التجار دول