المشاركة الأصلية كتبت بواسطة foxxy
بص يا باشا.. اولاً رول الفيميه سعره العادى 10 جنيه عند اى حد فى عزبة سعد و اليومين دول علشان شاحح شوية فبقى ب 15 جنيه يعنى انت هتحتاج 2 رول ب 30 جنيه علشان تفيم الشاهين بتاعتك... تانى حاجة تسيبك خالص من الكلام اللى قالهولك بخصوص عزل الحرارة لان الفيميه الحرارى لا يقل سعره عن 250 او 300 جنيه للرول الواحد..... نيجى بقى لصلب الموضوع و هو درجات الالوان, انت عندك الاسود لوحده 7 درجات يبتدى من l.l. Black و ده فاتح جدا و ماحدش بيركبه و فى بعديه درجتين تلاته نفس الوضع بس اغمق شويه و دول وظيفتهم الوحيده حجب الضوء نسبياً وبعدين يجى بعديهم ال m. Black او الاسود المتوسط و ده كويس و لكن بالنهار الموجودين فى العربية مكشوفين تماماً يجي بعد كده ال d. Black او الاسود الغامق وده برضه كويس و بيحجب رؤية الاشخاص داخل العربية اكثر من اللى قبله.. و بعد كدة عندك ال super dark black و ده من وجهة نظرى المتواضعة افضل درجات الاسود او الفيمية بصفه عامة لانه غير قابل لرؤية الاشخاص داخل العربية ماعدا بالنهار يمكن رؤيتهم خيالات لكن لايمكن تحديد الملامح ومن ناحية تانية مش هايضايقك فى السواقة اوى لانك ممكن تشوف منه.... و آخر درجة عندك هى ال ultra super dark black و ده نصيبة سوده!!! و لا انصح بتركيبه لانه عند تركيبه على الاربع شبابيك و الظهر انت كده اصبحت داخل كهف و معزول تماما عن العالم الخارجى و مش هاتعرف تسوق بيه خالص حتى لو عملت فتحات للمرايات و على فكرة موضوع الفيميه ده مالوش اى علاقة بمهارات القيادة...... الفيميه الموجود كله تايوانى الصنع و احذر الصينى لان اللون بيزول من تلقاء نفسه بعد فترة من الوقت...... طولت عليك بس يارب اكون افدتك.. ولك تحياتى.