كان نائب رئيس جهاز مباحث أمن الدولة (اللي هيتحل ان شاء الله) فترة طويلة و امبراطور من أباطرة التعذيب و له تاريخ أسود حالك خلال خدمته في هذا الجهاز المجرم الحقير الجبان مدة 25 سنة من أوائل الستينيات لغاية 1985
عرض للطباعة
[youtube]http://www.youtube.com/watch?v=AT4aLc_iPyg&feature=player_embedded[/youtube]
الحمد لله والله أكبر
الله اكبر يا مصر
رجعت خلاص من امن الدولة و شاركت فى المظاهرات و اقتحمت المكان
اللى حصل كالاتى
الجيش اللى فتح البوابات
كمية ورق مفرومة غير طبيعية
قبضنا على عربية زبالة فيها ورق مفروم و حاول يدهس مواطنين 2
مفيش ولا عسكرى و لا ضابط موجود هناك
الزنازين غير ادمية حجرة متر فى متر فيها حمام بلدى و مسطبة اسمنت
شفنا تقرير عن مرشحى مجلس الشورى فى الشرقية
شفنا صور متاخدة للناس فى التحرير
الزنازين مغسولة بديتول
مفيش مساجين هناك
فاكرين عربيات الامن المركزى اللى قولتلكم عليها امبارح واقفين مليانين ورق مفروم
جراج المبنى بالكامل ورق مفروم
لما وصل المستشار زكريا وريناه كل اللى لاقيناه
لاقينا عربية بيجو مصفحة
اتكلمت مع لواء فى الجيش عن السبب ان الجيش متحفظش على امن الدولة اول ما النظام وقع و ليه الورق اتفرم اول لما شفيق مشى
راح قاللى كلامك فى محلة و راح مسلم علية و قارص على ايدى و قال لى اوامر عليا
كان فى كمية ناس ملتحين كتيرة و كانوا بيهيجوا الناس و عمالين يكسروا زى ما يكونوا بيشفوا غليلهم بس كنا واقفنلهم بالمرصاد
كان فيه اجانب مصورين بس مش كتير و كانوا بيكمروا ورق بس الحمدلله علمنا عليهم
النهاية سقطت امبراطورية امن الدولة
بس اعتقد ان خلاص الورق اللى اتفرم مش هيرجع
اه حاجة واحدة امبارح التواجد الامنى الفظيع كان عشان بينقلوا المساجين و الورق
النائب العام جاى كمان شوية
العاشرة مساء صورت شوية
اه نسيت فى لسة نص المبنى محدش دخله لسة
اى استفسار انا فى الخدمة
يا الله
بالزمة ينفع يبقي موضوع من اربعين صفحة منهم 30 صفحة مناقشة امن الدولة وحش ولا حلو :_Alshmokh08[1]:
انا عملت مشاركة واحدة في الموضوع امبارح ودخلت نمت كل وصل لحوالي 19 صفحة اقعد ساعتين دلوت اكمل 21 صفحة تانية
حرام
ماله امن الدولة
ده كميييييييييل
وعمره مازعل حد ولا كتب تقارير في حد
ولا لعب البخت في عيون حد
وانا من مكاني هذا
اقول للجميع
ان امن الدولة عمره مازعلني ولا جالي ضابط منه سنة 1995 ايام انتخابات مجلس الشعب
ولا قالي اتلم ياله ولم نفسك وشيل اليفط اللي معلقها لواحد من مرشحين الاخوان المسلمين
اللي كان امين صندوق نقابة المحامين ايامها
والراجل اللي جالي لسانه العفيف
ماقليش انا دلوقت بكلمك عند بيتك
المرة اللي جايه هجيبك عندنا و00000
نسيت هو ماقليش ايه