الحملة الوطنية للقضاء على جهاز أمن الدولة
ناشطون يجهزون لوقفه أمام مقار أمن الدولة
سلمية سلمية سلمية - أى شخص سيتسبب فى شغب سوف نقبض عليه ونسلمه للجيش لأنه أكيد عميل لأمن الدولة
...
الوقفة الساعة 4 عصراً بعد صلاة العصر مباشرة
الترتيبات هى محاصرة كل مقرات أمن الدولة على مستوى الجمهورية كل واحد حسب محافظته .. أعتصام ومحاصرة حتى يتسلم الجيش مقرات أمن الدولة و يفرجوا عن المعتقلين تحت الأرض ويحتجزا رجال أمن الدولة
بالنسبة للقاهرة: الوقفة دى كلنا لازم نشارك فيها لإنقاذ المعتقلين أثناء الثورة لأن هناك أنباء قوية أنهم داخل مقر أمن الدولة فى مدينة نصر
كلنا حنتجمع قدام مبنى امن الدولة البوابة اللى ناحية قسم الشرطة وجامعة الازهر
الوقفة سلمية للمطالبة بالافراج عن كل المعتقلين فى مبنى امن الدولة
حنتجمع قبل الوقفة ب 10 دقايق فى وقفات متفرقة من المناطق القريبة من مقر امن الدولة من عند موقف اتوبيس الحى السادس ومن عند كوكتيل التوحيد قدام المدينة الجامعية لجامعة الازهر
المواصلات من رمسيس ميكروباصات الحى السادس والسابع تنزل عند قسم الشرطة
او بالعربية كوبرى اكتوبر وتنزل عند نزلة نادى السكة او طريق رمسيس وتكمل اخر الشارع قصاد شركة اوليمبك جروب تلاقى مبنى امن الدولة على شمالك
محتاجيين عدد كبير جدا من الناس .. انشر لكل اصدقائك .. وبلغ اللى تعرفه بالتليفون او الايميل
محتاجين يفط فى الوقفة
شعارات الوقفة
1- باطل .. امن الدولة .. باطل
2- يسقط يسقط امن الدولة
3- مصر حرة من غير امن دولة
4- افرجوا عن المعتقلين
5- يا حرية فينك فينك امن الدولة بينا وبينك
6- مش حنخاف ولا حنطاطى احنا كرهنا الصوت الواطى
المفضلات