كوبلين السيراتوا باظ!

**Deshahcoka** · 05-03-2011 02:45 PM

المشاركة الأصلية كتبت بواسطة egypt0777

هات جديد احسن من بره التوكيل وحتلقيه ان شاء الله النص

باشا انا لما سألت عليه جديد قالي مبيجيش كامل بيجي نص بس ! يا خارجي يا داخلي !

**manchy** · 05-03-2011 04:14 PM

نفس اللى حصل معايا يا جماعة بس انا الناحية الشمال فيها طقة جامدة وانا عربيتيى لسه امبارح عاملة 20000 كيلو بس واللهى انا مش عارف شكله عيب فى العربية لو لقيت حل يا ريت تقولى احسن انا خليجى

**Deshahcoka** · 05-03-2011 09:13 PM

باشا والله انا يمين :) ممكن نروح نشوف نص و نشتري جوز ههههههه ! حاجة تحرق الدم بجد و تنرفز :( مش وقتها خالص ! و انتا ماشي 20 الف بس و باظ يبقى في حاجة غلط ! الناس بتمشي بيه 200 الف !!! و انتا في الموضوع التاني كنت بتقول مقصات ؟ خير ؟

**Hany Saad** · 06-03-2011 05:24 PM

المشاركة الأصلية كتبت بواسطة deshahcoka

باشا والله انا يمين :) ممكن نروح نشوف نص و نشتري جوز ههههههه ! حاجة تحرق الدم بجد و تنرفز :( مش وقتها خالص ! و انتا ماشي 20 الف بس و باظ يبقى في حاجة غلط ! الناس بتمشي بيه 200 الف !!! و انتا في الموضوع التاني كنت بتقول مقصات ؟ خير ؟

بالنسبة للكبالن حتى لو حضرتك تحت الضمان مش بتتغير فى الضمان إلا لو كيلومتر قليل جدا أويكون عيب شائع التوكيل عنده خلفية عنه...

رأى إنك بلاش تجيب كبالن و بالذات كبالن لا إستعمال و لا تيوانى و إلا عمرها الإفتراضى هيكون قصير جدا جدا و هتخسر فلوسها و كمان فلوس مصنعية تركيبها......

روح على التوكيل إشترى جديد أصلى و فاصل معاهم جامد جدا و قولهم إن العربية لسه جديدة و لازم يشيلوا معاك جامد فى سعرها و كلم مدير الورشة.....

لما هتركب فى التوكيل هتكسب حاجات كتير...أولا معاك ضمان سنة كاملة على الكبلن بفاتورة رسمية و بعد السنة هتاخد خصم خرافى لو نفس الكبلن ضرب بعد فترة قصيرة من مرور السنة...

الكبالن عامة بغيرولها البلى و يملوها شحم و يبيعوها على إنها جديدة و ماركات محترمة ثم بعد فترة قليلة جدا لا تتعدى الأسابيع تبتدى تسمع طقطقة خفيفة متقطعة ثم تزيد تدريجيا لحد متبقى عالية جدا.....

ربنا يوفقك لما فيه الخير......

**Hany Saad** · 07-03-2011 01:45 AM

المشاركة الأصلية كتبت بواسطة deshahcoka

باشا ربنا يخليك ! بس دلوقتي اخر مرة كان الكوبلين عندهم في التوكيل ب 2200 !!!!!!!!!!!!! يعني رقم خيالي بجد ! و بره قالي النص الخارجي تيواني جديد ب 200 ! يعني مش عارف انا ايه الحل بصراحة ! اصلوا كل جنيه ليه قمته في الوقت ده ! و اصلاً التوكيل مش بيعمل خصم الي بالك فيه ! اخره ممكن يكون ب الفين ! لانوا قالي واحد هناك مرة بتاع 5 % ولا حاجة !

أنا مع حضرتك إن الجنيه دلوقتى ليه قمته....بس صدقنى الحل ده هو اللى هيخليك تحت قرشك فى المكان الصح.....

الكبالن بالذات بيبقى عليها إجهاد فظيع نتيجة إنها تمثل مفصل مع حركة دائرية....فلو فيها أى شعرة على طول التأكل بيزيد و الصوت بيزيد و تبقى مش طايق نفسك و كأنك راكب 128.

طول عمر الكبالن بتتقلد بطريقة غير طبيعية...عن طريق تغيير البلى جواها و ملاءها شحم من جديد و إعادة بيعها...و كتير من التجار و الميكانيكية بتعدى عليهم و بيبقى مكتوب مركات عالمية على الكبلن من بره و مع ذلك مضروب أبا عن جد....

لاحظ الفرق بين 200 جنيه و 2200 جنيه و حضرتك على طول هتفهم نوع الكواليتى اللى إنت هتشتريه....يعنى هتدفعلك بالميت 50 جنيه مصنعيه و 200 جنيه كبلن و صدقنى مش هيكمل أكتر من شهر واحد......

أنا لما بقلك على خصم التوكيل إحنا مش بنتكلم عن إنك تستسمحه فى خصم لأ....إنت تقوله العربيه مش عامله غير 40000 كم و مش من المفروض إن الكبالن تضرب عند كيلومتر قليل كده و ده بيدل إن مفيش إعتماديه للقطع و أنا هشتكى لشركة كيا فى كوريا لأنى مصدوم من قله العمر الإفتراضى للقطع و كلام من ده مش هوصى حضرتك و أطلب تقابل المدير لأن مسئول قطع الغيار مش فى إيده خصم عالى.....

طبعا إنت ممكن تلاقى كبلن فى السوق مش بطال بس عمره ما هيديك نفس العمر الإفتراضى بتاع الأصلى و لو إنه معمرش قوى و لكن على الأقل قعد 40000 كم....

لاحظ كمان إنك لو جبت الكبلن من الحرفيين مثلا و ركبته و طقطق بعدها بأسبوع واحد و ده وارد... الراجل ملوش فيه على عكس التوكيل هتروح تبهدل الدنيا هناك و هيبوسو إيدك علشان يغيرولك الكبلن البايظ ببلاش.....

طبعا ده رأى الشخصى و يحتمل الصواب أو الخطأ.......