الموضوع: معاق وحصلت على جواب الاعفاء الجمركى للسيارات

العضو المحترم goge جزاك الله خيرا وبارك الله فيك
كنت بسأل ايضا عن الاجراءات المتبعة بعد الحصول على الجواب وعلى فكرة الجواب مكتوب عليه جمرك بورسعيد
فهل يا ترى ينفع اشترى العربية مثلا من مدينة نصر لان سمعت ان هناك فيه جمرك

بسم الله تعتبر هذه اول مشاركة في المنتد ى رغم انني عضو من فترة قريبه اخوكم فتحي منصور معاق والحمد لله حصلت على السيارة المعفاة مرتين وبفضل الله من اراد المعلومه فهي موجوده إن شاء الله بالنسبه للاخ الذي يريد شراء السياره اصبر ولاتتعجل ....... و تواصل عي وان شاء الله خير وسوف ادلك كيف تتعرف على جو السوق عن طريق التليفون وبالنسبه للشراء اصبر حتى تظهر ملامح قرار الوزير لانني عند ما سعت عن قرار الوزير كلمت أحد المحامين المعاقين وكان مختصا بقضايا الضريبه وشئون العاقين وبعض القررات السابقه التي افادت المعاقين فقال لي ان القرار بياخد حوالي 15 يوم حتى يعلن رسميا وينفذ وان شاء الله سوف اطلب من اعرفهم في بور سعيد وابلغك الاخ إللي سال عن الرخصه ازاي انت معاق ومعك رخصه خاصة ؟ لان المعاق لايحصل على رخصة إلا في وجود سيارة مجهزة طبية نكمل بعد ما تردوا علي لانني ساغلق الان والسلام عليكم واسأل الله ان يرزق كل منكم مراده ويباركله في سيارته ورزقه وأهله

السلام عليكم ورحمة الله وبركاته......... اريد ان ارد على بعض الاسئله
1الحصول على خطاب الحصول على سيارة مجهزة طبيا .......اولا الذهاب لوزارة الصحة( المجالس الطبية ) بشارع الفلكي بالقرب من محطة مترو سعد زغلول ومعك صورة البطاقه الشخصيه والرسوم ....آخر علم عندي 250 ج مصري وتأخذ ميعاد ......... آخر معلوماتي بعد 3 أو 4 شهور ولوحجزت مستعجل تدفع 500 ج وتحجز مستعجل وتاخد ميعاد بعدها بأسبوع
.........بعد ماتاخذ الميعاد تاخذ خطاب العيون وهذا يتم الكشف عليك في مستشفى المنيرة في نفس اليوم اوفي اي يوم المهم قبل الكشف (يوم اللجنه ) وبعدها بحوالي21 يوم يأتيك الخطاب وخلال شهر من الكشف تذهب الاوراق إلى بور سعيد وعندها تتأكد منوصول الخطاب ثم تتفرج ولاتشتري حتى تاخذ القرار لان البيع هناك يتم عن طريق بيسموها أبلف الزبون قبل مايروح لغيرك وهتلاحظ ده عند ماتروح تتفرج منغير شراء المهم............ من حصل على الخطاب مثل الاخ كريم ارجو ان لايشتري الا بعد وضوح الرؤيه في قرار وزير الماليه برفع الجمارك عن سيارات المعاقين وهذا ماقاله نصا على الهواء في برنامج واحد من الناس مع عمر الليثي في اتصال هاتفي وبعد معرفة الخبر اتصلت بأخ محامي فقال لي ان القرار ستظهر معالمه خلال 15 يوم وهي المدة القانونية لإعلان وتنفيذ القانون وان شاء الله ساتصل ببور سعيد واخبركم بآخر الاخبار أما عن الرخصة ..يتم الحصول عيها بعد الحصول على السياره لان المعاقين يُختبر كل منهم على سيارته لان قرار وزارة الصحة بالحصول على سيارة موجود فيه التجهيز المناسب لكل حالة وبالتالي فإن كل الحالات ليست كبعضها المهم ان معاملات المرور في الفتره القادمه ستتغير والتعسف والتلكيك سيزول كما وعد رئيس الوزراء شرف وقد وعد انه سينفذ كل طلبات المعاقين ........اريد من اخواننا تكوين رابطه لنوصل عن طريقها المتطلبات والسلام عليكم,,,,,,, وآسف على الإطاله

السلام عليكم

انا لسه شارى من اسبوع و مستلم العربيه امبارح بس

بص يا سيدي
25 الف دول يجيبوا نوبيرا 2 و ما تحتها فى الكورى
انا اساسا كنت بادور على كورى فمسالتش على شئ تانى
اللانوس واحد تقريبا من 18 الى 20 بالكثير جدا
اللانوس 2 تقريبا من 22 الى 26 بالكثير
الجوليت زى اللانوس واحد تقريبا
النوبيرا واحد من 19 لحد 22 تقريبا
النوبيرا 2 من 23 لحد 28 تقريبا

بص يا سيدي
انا نزلت بورسعيد فيه هناك عربيات تحفه بجد بس السعر ماسكين فيه اوى اوى
دمياط الجديده نوعا ما العربيات فيها كويسه بس قليله اوى
يعنى يوم لما رحت كانت 4 عربيات بس الدايو هناك و اوتوماتك و منها 3 متباعين كمان و الاخيره صاحب المعرض مش متاكد انها متباعه و لا لاء فمانصحكش بيها

الجمرك الثالث اللى رحته شبين الكوم
فيه هناك شركه كويسه اسمها كريستال و موجوده كمان فى بورسعيد الشركه ديه
انا جبت من هناك
نوبيرا 1 اوتوماتك فول
مريتين كهرباء و 4 زجاج كهرباء تكييف سنتر باور دفاية فبريكا جوه بس ( اللى يقلك جوه و بره بيضحك عليك لانهم اساسا علشان يخفضوا الجمرك و ميوصلش لل 20 الف لازم ترش بره بس و هى فى بلادها قبل ما تستورد العربيات بتكون رشه بس فيها حتت بس فبريكا بره لكن جوه محدش لمسها خالص ) و بصراحه عربيه تحفه بجد ثبات و سرعه و نعومه و رفاهيه من جوه و شكل انا باحبه عن النوبيرا 2 و قطع غيرا فى الارض و سعر الشركه ديه بجد اقل من باقى الناس كلها بس العربيه كان فيها مشاكل بسيطه بعد ما اخدتها منهم فى المكنه و العفشه و الحمد لله ضبطها و العربيه تمام جدا الوقتى

و اى خدمه انا موجود معاك يا باشا و تحت امرك
دا رقمى كلمنى لو عزت حاجه
0120717073
احمد زاهر

بس سؤال للناس اللى رخصت قبل كده

اجراءات الترخيص بتاع العربيه ايه و تكلفت لحد ما تعلق نمر و تطلع رخصه قد ايه لو حد يعرف يا ريت يدلنى

و شكرا مقدما على الرد على سؤالى

السلام عليكم ورحمة الله وبركاته
بالنسبة لجمارك مدينة نصر
في المنطقة الحرة هناك شركة تخصص استيراد ياباني مستعمل انا اشتريت منها تويونا كرولا موديل 98
انا حالتي مختلفة اصلا حصلت لي اصاية اثناء تادية الخدمة العسكرية وبالتالي القمسيون التابع ليه عسكري
ما خدث معي اني بعد ما اخذت الجواب من هيئة التنظم والادارة نظرا لان القمسيون تابع للجيش ذهبت الي بور سعيد ولم يعجبني شئ
كنت حجرب فكرة استيراد بنفسي ووجدت ان فرق الحمارك الذي سيوف يدفع علي عربه اوبل استرا 2001 هو 40 الف !!! لان اعفائي كان 20 الف جنبه
صرفت نظر ثم قيل لي علي المنطقة الحرة بمدينة نصر ذهبت هناك وعجبتني العربة كان ثمنها 35 الف ومع فرق الحمارك والضرائب والدمغات وصلت الي 42 ونصف تقريبا علي ما اتذكر الورق الخاص بها ليس امامي الان
علي العوم اخذت فاتورة البيع من الشركة اعطيتها هيئة التنظم والادارة ثم قاموا بارسالها مرة اخري الي جمارك مدينة نصر مع صورة من القمسيون وبعد ذلك قمت بدفع الضرائب وفرق الحمارك واستلمت العربه ثم ذهبت الي مرور مدينة نصر اخذت منه جواب الي المرور التابع ليه وهو مرور اسكندرية
قم اخذت اصل القمسيون من هيئة التنظم والادارة ثم قمت بترخيص العربةمع رخصتي في نفس الوقت وامتحنوني علي عربتي

ألف مبروك على الجواب وربنا يوفقك فى الأختيار

طب واللي ما بيعرفش يسوق خاصة ان سني كبير وعايز ابني هو اللي يسوقهالي وبالشكل ده مش هينفع نرخصها يا ريت تدلوني اعمل ايه