استفسار صغير بخصوص اللوجان

**timaaa84** · 05-03-2011 12:25 AM

فى البداية احب ان اشكر كل من يساهم بمعلومات فى هذا المنتدى المتميز، الحمد لله استلمت اللوجان الكامله زيرو منذ ثلاث ايام، السيارة انا مقتنع بها جدا، عندى فقط استفساران بخصوصها....
- عند بلوغ سرععة 90 كم تقريبا، و يكون كل الزجاج مغلق, اسمع صفير بسيط من الهواء الذى يصتدم بالسيارة ( صوت فقط و ليس هناك تسريب للهواء داخل المقصورة) هل هذا عادى فى كل السيارات؟
- فى كمبيوتر الرحلات هناك اختيار يتيح للسائق معرفة كم عدد الكيلومترات المتبقية على نفاذ الوقود، عندي هناك بعض اللخبطة، يعني عندما استلمت السيارة كان مكتوب 11 كم متبقى على نفاذ الوقود، قلت تمام، تم ترخيص السيارةثم ذهبت لمحطة الوقود و فولتها على الاخر بنزين 92، بصيت على الكمبيوتر لقيت مكتوب 56 كم على نفاذ الوقود، بعد العودة للمنزل بصيت لقيت 63 كم على نفاذ الوقود، اتغديت و نزلت عملت مشوار لقيت 125 كم على نفاذ الوقود، و النهاردة بقت133 كم على نفاذ الوقود، (ملحوظة الرسمة اللى مرسوم فيها عربية بعدين سهم بعدين بنزيمة)

لو حد يعرف يفيدنى اكون شاكر جدا جدا ، و اسف للاطالة...

**zico900** · 05-03-2011 12:38 AM

الموضوع الاول ده انا قرأت عنه هنا و طلع ان الكبوت عايز يتقفل زياده و التوكيل بيعملها ببلاش
الموضوع الثاني ده لازم تصبر شويه على العربيه لانها تحت التليين و الاستهلاك الفعلي لسه متحددش علشان كده الكمبيوتر متلخبط

**haytham1542** · 05-03-2011 12:48 AM

المشاركة الأصلية كتبت بواسطة timaaa84

فى البداية احب ان اشكر كل من يساهم بمعلومات فى هذا المنتدى المتميز، الحمد لله استلمت اللوجان الكامله زيرو منذ ثلاث ايام، السيارة انا مقتنع بها جدا، عندى فقط استفساران بخصوصها....
- عند بلوغ سرععة 90 كم تقريبا، و يكون كل الزجاج مغلق, اسمع صفير بسيط من الهواء الذى يصتدم بالسيارة ( صوت فقط و ليس هناك تسريب للهواء داخل المقصورة) هل هذا عادى فى كل السيارات؟
- فى كمبيوتر الرحلات هناك اختيار يتيح للسائق معرفة كم عدد الكيلومترات المتبقية على نفاذ الوقود، عندي هناك بعض اللخبطة، يعني عندما استلمت السيارة كان مكتوب 11 كم متبقى على نفاذ الوقود، قلت تمام، تم ترخيص السيارةثم ذهبت لمحطة الوقود و فولتها على الاخر بنزين 92، بصيت على الكمبيوتر لقيت مكتوب 56 كم على نفاذ الوقود، بعد العودة للمنزل بصيت لقيت 63 كم على نفاذ الوقود، اتغديت و نزلت عملت مشوار لقيت 125 كم على نفاذ الوقود، و النهاردة بقت133 كم على نفاذ الوقود، (ملحوظة الرسمة اللى مرسوم فيها عربية بعدين سهم بعدين بنزيمة)

لو حد يعرف يفيدنى اكون شاكر جدا جدا ، و اسف للاطالة...

بخصوص الصوت- ايوه ده بيحصل معايا - بس انا مش عارف من ايه برده
انا العربية عاملة 600 كم بقالها معايا 3 اسابيع
سؤال تانى هل لمبة المارشيدير لمبة واحدة فى الفانوس الايمن الخلفي؟

**tamer61** · 05-03-2011 12:55 AM

المشاركة الأصلية كتبت بواسطة haytham1542

بخصوص الصوت- ايوه ده بيحصل معايا - بس انا مش عارف من ايه برده
انا العربية عاملة 600 كم بقالها معايا 3 اسابيع
سؤال تانى هل لمبة المارشيدير لمبة واحدة فى الفانوس الايمن الخلفي؟

فعلا ....لمبة المرشدير واحده بس في اليمين. و بخصوص كمبيوتر الرحلات ... صفر كل العدادات و إطلع مشوار طويل شويه و كل شىء حيتظبط بإذن الله. و تقبلوا تحياتي.

**timaaa84** · 05-03-2011 01:34 AM

شكرا على الردود... بخصوص لمبة المارشدير عندى برده واحدة بس فى اليمين، و قصادها الناحية الشمال لمبة الشبورة الخلفية.

**eng_mido9** · 05-03-2011 01:16 PM

انا عندى نفس مشكلة الصوت دى والعربية عاملة 2500 كم ومش عارف المشكله دى ليها حل فى التوكيل والا اية؟

**haytham1542** · 05-03-2011 11:42 PM

انا معايا لوجان عاملة 500 كم - يوجد بعض الملاحظات و مش عارف اتعامل معاها ازاي
1- باسمع صوت هواء لما بامشى على 100كم/س
2- لمبة الباب بتنور فى المطبات و لما باعلى الكاسيت علي الاخر و لما باسند بايدى جامد علي مسند الباب
3- صوت خبطة ( غير مستمر و فى فترات غير منتظمة - غالبا فى المطبات ) عند العجلة الخلفية ناحية السائق
4- زنة الموتور فى دواسة البنزين