عرض للطباعة
جوجل ادسنس
فوركس
اعلانات شركات فى موقعك
كلكات على اعلانات فى مواقع معينة
واخرها الربح من الفيسبوك واليوتيوب
وغيرها كتير
الكلام ده صحيح يا جماعة ولا من الاخر تضييع وقت
ياريت يعنى لو حد له تجربة ناجحة فى الحوار ده
او حتى يعرف حد مسك فى ايده فلوس منه
يقولنا وبمنتهى الصراحة ويحكى بالتفاصيل
ويحكى قصته يمكن نستفيد بالفعل
فى انتظار مشاركاتكم ونصائحكم :fdsa:
بص يا أستاذى الفاضل
أنا بدرس حاسب ألى و نظم معلومات
و عملت بحث كامل فى دراستى و قدمته لدكاترة و البحث نال أعجاب كل الدكاترة الموجودين لدرجة أننا عملت نسخة لكل شخص فيهم للأحتفاظ بيه و أتشهرت جدا مما أدى لأنى أطلع بمادة بسبب شهرتى دلوقتى ههههههههههههههه
فيه حوالى 95% موقع نصـــــــــــاب
فيه حوالى 5% من المواقع شغالين بضمير و منهم 3% فى طريقة للنصب
عشان تعرف الموقع نصاب من غير نصاب
عند طلبك لتحويل الفلوس إن لم يتم تحويل الفلوس لحسابك على البنك الأليكترونى مثل أليرت باى يبقى دة نصاب
لو تم تحويل الفلوس للبنك الأليكترونى الخاص بيك يبقى الموقع دة مش نصاب و صادق
أولا أنا جربت موضوع الضغطات لقيته بطئ جدا جدا جدا و كسبت دولار واحد فقط من Clicksia
ثانيا أتجهت لرفع الملفات و الكسب من التحميلات على كل ألف تحميله 1 دولار و أكتشفت موقع تانى بيدى 2دولار و نص لكل ألف تحميله و لحد دلوقتى وصلت لـ13 دولار لأنى مش حاطيت الموضوع فى دماغى أساسا و لو حطيته فى دماغى سهل جدا يبقوا 130 دولار و 1300 دولار كمان مع الصبر
ثالثا فيه الربح من أدسنس و دة صادق جدا و منتدى نايل موتورز كمان عامله و بيوصلك الشيك لحد باب بيتك لكن المشكلة أن الموقع ساعات مش بيقبل مواقع كتيره لتكرار المحتوى و ساعات بيغلق حسابك فى موقعة عشان معندكش زباين كتير (أعضاء و زوار يعنى) و دا لسه مجربتوش لكن لما أعمل موقع إن شاء الله هجربه و سمعت أن فيه ناس كسبت منه 500 دولار فى شهر واحد لان الضغطة بـ1 سنت و أنت و زباينك (زوار موقعك)
رابعا فيه مليون طريقة تانيه غير دول و جربت منهم كتير لكن زى ماقولتلك فيه مواقع نصابه و مواقع صادقة
عمتا يعنى أنا هعمل موقع بشرح فيه كل الكلام دة
لكن صدقنى الحوار مضمون لكن سجل فى البنك الأليكترونى .....Pay عشان دة شغال فى مصر لكن الباى بال مقفول فى مصر
و موقع أسمه شركة دهب دا ممكن تسحب منه فلوسك لكن فيه عموله كبيره و حد أدنى لسحب فلوسك كاش
و إن شاء الله كل دة هشرحة فى موقعى الجديد
و يا رب أكون قدرت أفيدك فى أى شئ و أهم حاجة على فكرة أقسم بالله العظيم لو طبقتها هتدعيلى
لا يأس مع الحياة و لا حياة مع اليأس
و الصبر مفتاح الفرج
و صلى على النبى
انا جربت جوجل ادسنس
بس لازم موقع يكون فيه زوار كتير
وهتلاقيها ربحها حلو جدا جدا
و اصحاب منتديات الدوانلود الكبيرة بيكسبو منه الاف الدولارات شهريا
يعني انا اعرف واحد منهم مصاريف المنتدى بس بتعدي ال 1000 دولار
تخيل بقى بيكسب كام
طيب ممكن قائمة باسماء المواقع الموثوق فيها المجربة؟
اقتباس:
المشاركة الأصلية كتبت بواسطة aly_hosny
اسمحلى اضيف لحضرتك معلومة ...... من شروط جوجل ادسنس الا يكون تخصص الموقع للداونلود لان هذا يعتبر خرق للملكية الفكرية وده طبعا بترفضه جوجل ..... يعنى حضرتك لما تحط اللينك فى المنتدى بتاع الداونلود وكده لما تيجى تطلب الدفع هيرفض لان ده مخالف لشروط جوجل
بالنسبة لسؤال صاحب الموضوع ..... بص حضرتك انا هديك الخلاصة .... جوجل ادسنس موثوق فيه ولكن يستحسن انك تعمل موقع موجه للزوار الاجانب لان سعر الضغطات ليهم بتبقى فى حدود من 30 سنت لحد 1 دولار كامل للضغطة وده على حسب محتوى وتخصص الموقع .... إنما لو الموقع هيبقى للمصريين والعرب يبقى صعب تجمع مبلغ مالى لان ضغطات العرب بتبقى 1 سنت غالبا للضغطة فتخيل بقى انت محتاج كام زائر
حوارات البكس bux والقصص ده بجد نصب فى نصب ... وحتى لو الموقع بعت الفلوس بتبقى جر رجل .... لان فكرة المواقع ده فى الاساس هيا تدوير فلوس المشتركين وخلاص لحد لما الموقع يخلع فى وقت من الاوقات ... والكلام ده عن ثقة وعن معرفة شخصية بناس كانت ادمنات مواقع بكس اصلا
فيه حوار تانى اسمه فوركس وده بورصة عملات على النت ..... وده انا كنت بكسب منها بفضل الله ..... ولكن مقابل ده حرقة دم واعصاب فظيعة وقلة نوم وعدم تركيز وفقدان الاصدقاء وحاجات كتيرة اوى هتروح منك بسببها .... ده اصلا لو عرفت تكسب من السوق ده لانه سوق صعب ومحتاج متمرسم جيد اتدرب على السوق ده لمدة سنة على الاقل
بالتوفيق ان شاء الله
طب ما انا عارف :)اقتباس:
المشاركة الأصلية كتبت بواسطة mr_7oda
حضرتك لو دخلت على منتدى عربي هتلاقي بيحولك على ما يسمى ب "موقع بروتكت" قبل ما تروح الموقع بتاع الداونلود
دا بيبقى بتاع صاحب الموقع برضو
وبيبقى راكب عليه اكونت ادسنس بتاعه
وبيتعمل من غير ما تاخد موافقة على الموقع
حوارات كدا انا عملتها بنفسي زي ما قولت في يوم من الايام و كسبت منها بس استحرمتها و سيبتها بعد كدا
شكرا استاذى الفاضل على الرد المستفيضاقتباس:
المشاركة الأصلية كتبت بواسطة ama
شرحك افادنى وادانى معلومات قيمة
بس ياريت تحط اللينك بتاع موقعك هنا لما تعمله
وهاصلى عالنبى طبعاً
اللهم صل وسلم وبارك على سيدنا محمد وعلى اله وصحبه وسلم
اقتباس:
المشاركة الأصلية كتبت بواسطة aly_hosny
ممتاز
بس صاحبى عمل 150 دولار فى جوجل ادسنس
ولما حب يستلمهم بعتولو اميل انه مينفعش
عشان النقرات من ip واحد
كان بيتفرج عالاعلانات لوحده تقريبا
متضامن معاك فى المطلب دهاقتباس:
المشاركة الأصلية كتبت بواسطة mostafaismail
اقتباس:
المشاركة الأصلية كتبت بواسطة Mr_7oda
ممكن حضرتك تدينى مثال لنوعية المواقع المرغوبة لدى الزوار الاجانب
يعنى المحتوى الاكثر جذبا للمتسوق الغربى
عربيات، بورصة، اخبار، ..... الخ
نبذة سريعة مختصرة بس بالتفصيل :cat34:
انا بخصوص موضوع النت انا شايف ان هو ده المستقبل كللللللو وان الشغل كلو هيبقى من عليه
انا عندى موقع سياحة ببيع عليه رحلات للأجانب لأنى شغال فى شركة سياحة وبقالى سنه ونص بتعلم السياحة الألكترونية ويعنى ايه seo وازى اظهر فى اول صفحة فى جوجل وده اهم حاجه لصحاب المواقع والحمد لله بداء الموقع يشتغل وبداء يظهر فى تالت صفحة والحمد لله بدأت اشتغل بس انا عاااااااوز اقول ان المستقبل كلو فى النت ان شاء الله
اقتباس:
المشاركة الأصلية كتبت بواسطة ahmed_elkhateb
المستقبل للنت فعلا
بس عايز تركيز وصبر وطول بال
وموقعك هايل يا باشا