-
مشكلة فى بروتون واجا
السلام عليكم
أنا معايا بروتون واجا موديل 2005 والحمد لله العربية كويسة بس فى مشكلة بقالها معايا فترة ومش عارف حلها مع انى رحت لأكثر من واحد والمشكلة عبارة عن ان مؤشر الحرارة عندى بيعدى 90 ويوصل للأشارة قبل الأخيرة ويفضل حوالى 3 دقائق على مكانه وبعد كده بيرجع تانى للنصف تقريبا زى ما كان والحكاية دى بتحصل لما ابقى واقف فى اشارة من غير ما زود بنزين او لما ابقى فى منطقة زحمة واقعد كل شوية ادوس بنزين ودبرياج وقلت يمكن السبب فى صابع الحرارة وغطاء الردياتير فقمت غيرت غطاء الردياتير عن طريق شراء غطاء جديد من التوكيل والمشكلة لم تحل فأرجو أى حد واجهته المشكلة دى أو عارف حلها يخبرنى وهل لو ملهاش حل هل دى تأثر على العربية
وجزاكم الله خيرآ
-
المشكلة دي حصلت لعضو معانا واللي عرف يحلهالو هو مركز عصام الصفا
-
المشكله من ترموستات الكوعه
شيله وجرب العربيه من غيره
لو العربية بقت تمام والحرارة أتعدلت أشترى واحد جديد وركبه
وأتأكد من مروحة الردياتير شغاله تمام ولا لأ
-
بص يا كبير اول حاجه تعملها انك تغسل الريداتير بس غسله محترمة عند حد كويس يغلهولك و يسلكه و ده عن تجربه فى بيرسونا كانت بتعمل كده فى اوقات كتير معايا لحد ماتحلت بالحل اللى بقولهولك ده
الله الموفق و المستعان
-
المشكلة دى حصلت معايا فى واجا بردوا بس 2006 اتوماتيك لما كنت حاطت بنزين 80 لما ما كانش فى غيروا فى البلد و بعد ما حطيت بنزين 92 راحت المشكلة دى لوحدها.
-
انا عندى نفس المشكله ,, دى حاجه عاديه ... الحوار دا بيحصل لما بيكون بليل ونور العربيه مفتوح ,,, بس مفيش خطوره
---------------
ممنوع كتابه الحروف العربيه بحروف اجنبيه , تم ترجمة الكلام
برجاء قراءة قواعد المنتدى
مشرف القسم ب7
Content Relevant URLs by
vBSEO 3.6.0 PL2