استفتاء غير ديمقراطى لايقاف 3 اعضاء لمنع الفتنه وتجنبا للاستفزاز

**atef_rashad** · 05-03-2011 01:53 AM

لو جالك فرصه لايقاف 3 اعضاء على الاقل بيخنقوك ويجننوك بردودهم ومواضيعهم عبر استفتاء - هدفه غير ديمقراطى- لايقاف 3 اعضاء لمده شهر مثلا لمنع الفتنه وتجنبا للاستفزاز وايقاف المزيد من الاعضاء بسبب ردودهم واستفزازهم خصوصا بعد ان جن جنونهم مما حدث فى التحرير اليوم وفضايح امن الدوله الحادثه الان
انا عارف انه استفتاء فى منتهى الغرابه والجنون
لكن عايز اعرف هل انا لوحدى اللى مفروس منهم ولا لا

**FunnyMickey** · 05-03-2011 01:56 AM

:)
موضوع في غير محله
استفزك او مستفزكش
بدون وجود الرأي الاخر
لا معني للديموقراطيه
حسني مبارك كان بيعمل كده
ليه عاوز تعمل زيه دلوقتي

**تامر.محمد** · 05-03-2011 01:58 AM

كلنا مفروسين بس في رأيي مسألة الايقاف لا تجوز

الكلام اللي ما يعجبش الواحد ما يردش عليه و خلاص
او ما يردش على صاحبه

**atef_rashad** · 05-03-2011 01:58 AM

المشاركة الأصلية كتبت بواسطة funnymickey

:)
موضوع في غير محله
استفزك او مستفزكش
بدون وجود الرأي الاخر
لا معني للديموقراطيه
حسني مبارك كان بيعمل كده
ليه عاوز تعمل زيه دلوقتي

انا محدد ياباشا من الاول وقلت انه غير ديمقراطى اصلا
لان من اللى ال1 بيشوفه بيحس ان الديمقراطيه حرام تتطبق معاهم
وكفايا ضحاياهم من المنتدى كل يوم

**FunnyMickey** · 05-03-2011 02:01 AM

مانا فاهم
عشان كده بقولك موضوع مش في محله
لانك ببساطه بتطلب مننا نرجع قبل يوم 25 بس بقياده مختلفه
اي حد مش عاجبنا اللي بيقوله نوقفه
زي ما كان بيحصل قبل كده
اللي يتقال اللي يعجبنا بس
واللي مش عاجبنا
نحبسه
نسجنه
نقتله
الحلول كتير

**Qmax** · 05-03-2011 02:04 AM

ناقص باند في التصويت :

ياريت لانهم فلقونى
خليهم يتسلوا
لا طبعا للانى مقتنع بردودهم

وانا اختارت المقوله الشهيره بتاع الرئيس المخلوع
الاختيار التاني

**atef_rashad** · 05-03-2011 02:09 AM

الهدف من الاستفتاء حاجتين
-يحسوا شويه بمشاعر الاخرين ويفكروا مره فى ردودهم بدل الاسطمبات المحفوظه
-علشان يعرفوا ان كل ردودهم تسخين وفتنه بين الاعضاء فيخافوا من ربنا شويه ويهدوا