Kick Down في الأوتوماتيك

**دموع الثلج** · 07-04-2008 03:46 PM

الف شششششششششششكر لكل محبى الكيك اللى ردوا وشرحوا لى

بصراحه انا مستحيل اعمل كده ادوس بنزين على الاخر دى ممكن قلبى يوقف فيها

لان الشوارع هنا مستحيل تقدر تعمل كده فجاءه تلاقى قدامك واحد بيعدى ولا ميكروباص سقط عليك

خلونى امشى على الرصيف اللى فى وسط الشارع واوعدكم اااجرب كل انواع الكيك الدوان والاب

بس بصراحه الحركه دى تخوف انا من شرحكم خفت

**marsguy** · 07-04-2008 08:10 PM

أحسن حاجه في عربيتي هي الـ Kick Down

الهوندا مشهوره بالكيك داون الجامد بتاعها

بتحس إن العربيه إتجننت لما أدوس بنزين على اﻵخر

أنا أصلاً مش باسوق بسرعه خالص وسواقتي على قدي، إلا إني غالباً باعمل كيك داون تقريباً يومياً عشان أخلص من مواقف معينه في السواقه، زي إني أوسع للي ورايا بسرعه عشان يعدي أو عشان أنا أعدي من حد.

بس فعلاً أنا لاحظت إن في عربيات الكيك داون مش حلو خالص مع إن مواتيرها مش ضعيفه.

**M.Mokhtar** · 08-04-2008 12:44 AM

المشاركة الأصلية كتبت بواسطة marsguy

أحسن حاجه في عربيتي هي الـ Kick Down

الهوندا مشهوره بالكيك داون الجامد بتاعها

بتحس إن العربيه إتجننت لما أدوس بنزين على اﻵخر

أنا أصلاً مش باسوق بسرعه خالص وسواقتي على قدي، إلا إني غالباً باعمل كيك داون تقريباً يومياً عشان أخلص من مواقف معينه في السواقه، زي إني أوسع للي ورايا بسرعه عشان يعدي أو عشان أنا أعدي من حد.

بس فعلاً أنا لاحظت إن في عربيات الكيك داون مش حلو خالص مع إن مواتيرها مش ضعيفه.

جرب الكيك دوان بتاع الاوبل فكترا CDX موتور 2000cc وهتعرف يعنى ايه كيك داون

فاكر فيلم to fast to furious
لما بيضغط على النتيروز بيتشد ازاى لورا
هو الوضع كده تقريبا انا بحس ان العربيه بتعمل زى الحصان :)

**ماجد يوسف وهبه** · 08-04-2008 12:48 AM

النيسان صنى 1600 مو 2008

يوجد نوعين من الكيك داون

1- عند الوصول بالدواسه الى حد معين من العمق قبل الآخر بشويه بتسقط نقله زى ما أنتم بتقولوا

2- لكن لما تدوس على الآخر يعنى تخبط فى الأرض تفصل التعشيق , تعلى Rpm الى 6000 , تسقط نقله , ثم التعشيق وده أقصى عزم ممكن تديه

الغريب أن انا بحس أنه يوجد زى نص نقله كده لو دوست دوسه خفيفه مفاجئه دى لسه تحت الأختبار مش واضحه قوى بالنسبه لى

**Mzeid** · 08-04-2008 01:35 AM

المشاركة الأصلية كتبت بواسطة ahmedfd

ليه يا جماعة الناس بتعتبر اللي يعمل Kickdown يعني يكبس بنزين علشان ينزل نقلة يبقى أجرم و هيبوظ الفتيس الأوتوماتيك بعد كام مرة؟
أنا نفسي كنت مقتنع بالكلام ده لحد فترة قريبة بس الحقيقة مشفتش أي حاجة في مانيوال العربية بتقول إن الكلام ده غلط...!!!
يعني في ظروف القيادة الطبيعية للناس العاديين و لا قيادة رياضية و لا يحزنزن لو عايز تعدي عربية بسرعة لأي سبب أو عايز تلحق إشارة لازم تعمل kickdown زي بالظبط لما تنزل نقلة في الفتيس المانيوال بدون أي مشاكل..!!
محدش قال أعمل kickdown و أفضل لازق الدواسة في الأرض لحد ما الـ RPM يوصل لخمسة و ستة... بس على الأقل تزود عزم العربية لحد الموقف اللي إنت فيه ما يعدي و تخف رجلك من البنزين العربية هتعمل shift Up علطول و كله شيئ يبقى عادي تاني.
مفيش أي حاجة مكتوبة شفتها بتقول إن ده غلط على العربية أو الفتيس على الإطلاق...!!!

1000000000+

**Mzeid** · 08-04-2008 01:45 AM

المشاركة الأصلية كتبت بواسطة mimysheckles

جرب الكيك دوان بتاع الاوبل فكترا CDX موتور 2000cc وهتعرف يعنى ايه كيك داون

فاكر فيلم to fast to furious
لما بيضغط على النتيروز بيتشد ازاى لورا
هو الوضع كده تقريبا انا بحس ان العربيه بتعمل زى الحصان :)

أنا ركبتها كتير بس راكب مش سائق و كانت 2002 بصراحة العربية شديدة شدة و جامدة جمودية 136HP بس بصراحة عربية من الآخر .

**marsguy** · 08-04-2008 09:29 AM

المشاركة الأصلية كتبت بواسطة mimysheckles

جرب الكيك دوان بتاع الاوبل فكترا CDX موتور 2000cc وهتعرف يعنى ايه كيك داون

فاكر فيلم to fast to furious
لما بيضغط على النتيروز بيتشد ازاى لورا
هو الوضع كده تقريبا انا بحس ان العربيه بتعمل زى الحصان :)

ما جربتهاش صراحه

بس أكيد هاتكون جامده جداً وأجمد من عربيتي بمراحل

عشان 2000 سي سي وعشان جديده كمان

بس شعور ممتع الكك داون، مش كده؟

**Mido80** · 08-04-2008 09:42 AM

افضل سيارات تعمل kick dowm هي السيارات الامريكاني. يعني علي سبيل المثال الجيب جراند شروكي الجديدة 5.7 لتر بيبقي واقف علي الاشارة ولما تفتح يدوس البنزين علي الاخر في ثانية الاقي العربية عند الاشارة التانية وكمان عندك بردة البورش كيان تيربو او الجيمبالا رهييييييييييييييبة جدا في الطلعة بتاعتها