Kick Down في الأوتوماتيك

**ahmedfd** · 07-04-2008 01:57 PM

ليه يا جماعة الناس بتعتبر اللي يعمل Kickdown يعني يكبس بنزين علشان ينزل نقلة يبقى أجرم و هيبوظ الفتيس الأوتوماتيك بعد كام مرة؟
أنا نفسي كنت مقتنع بالكلام ده لحد فترة قريبة بس الحقيقة مشفتش أي حاجة في مانيوال العربية بتقول إن الكلام ده غلط...!!!
يعني في ظروف القيادة الطبيعية للناس العاديين و لا قيادة رياضية و لا يحزنزن لو عايز تعدي عربية بسرعة لأي سبب أو عايز تلحق إشارة لازم تعمل kickdown زي بالظبط لما تنزل نقلة في الفتيس المانيوال بدون أي مشاكل..!!
محدش قال أعمل kickdown و أفضل لازق الدواسة في الأرض لحد ما الـ RPM يوصل لخمسة و ستة... بس على الأقل تزود عزم العربية لحد الموقف اللي إنت فيه ما يعدي و تخف رجلك من البنزين العربية هتعمل shift Up علطول و كله شيئ يبقى عادي تاني.
مفيش أي حاجة مكتوبة شفتها بتقول إن ده غلط على العربية أو الفتيس على الإطلاق...!!!

يهمني أعرف رأيكم في الموضوع ده و جزاكم الله كل خير.

**CryptonX** · 07-04-2008 02:17 PM

الkickdown في الاوتوماتيك الوحيدة الي جربتها كانت في نيسان صني 2004 1300 ( نفس الشكل الحالي )

بصراحة اعدت اضحك !

قفلت الدواسة في حتة كنت عايز اطلع .. و لا كأني عملت حاجة ... بعد ثانية كدة او اتنين ! العربية افتكرت !! وفروووووووووووووووووووووو وووووووووووووم ! و كنت خلاص مش محتاج الطلعة فكنت حلبس في القدامي .. بس اتعودت بعد كدة ان في Lag دايما.. بس معرفش ده في الصني بس ولا لآ .

في المانوال .. انا نادرا مابسقط غيار .. بدوس دبرياج و بنزين ( حرق علي الفاضي ) اطلع بيهم الrpm سنة واورح سايب دبرياج علشان اطلع الطلعة المتينة ! ( بس متعملش كدة .. والا حتقع تحت طائقة " مودي غرز "

مودي غرز ©2008 سبعاوي كريشونز !

;)

**fahd_628** · 07-04-2008 02:41 PM

يا جماعة الفتيس الأوتوماتيك مش بتاع Kick Down طول ما انت ماشى لكن لو انت عاوز تعدى عربية و عملت كيك داون مفيش مشكلة عادى جدا امال هوة معمول لية بس كترها مش صح على الفتيس و على الموتور

**معاذ الشرباصى** · 07-04-2008 02:48 PM

المشاركة الأصلية كتبت بواسطة CryptonX

الkickdown في الاوتوماتيك الوحيدة الي جربتها كانت في نيسان صني 2004 1300 ( نفس الشكل الحالي )

بصراحة اعدت اضحك !

قفلت الدواسة في حتة كنت عايز اطلع .. و لا كأني عملت حاجة ... بعد ثانية كدة او اتنين ! العربية افتكرت !! وفروووووووووووووووووووووو وووووووووووووم ! و كنت خلاص مش محتاج الطلعة فكنت حلبس في القدامي .. بس اتعودت بعد كدة ان في Lag دايما.. بس معرفش ده في الصني بس ولا لآ .

في المانوال .. انا نادرا مابسقط غيار .. بدوس دبرياج و بنزين ( حرق علي الفاضي ) اطلع بيهم الrpm سنة واورح سايب دبرياج علشان اطلع الطلعة المتينة ! ( بس متعملش كدة .. والا حتقع تحت طائقة " مودي غرز "

مودي غرز ©2008 سبعاوي كريشونز !

;)

الصنى كده, حتى ال 1600 منها موديل 2007

فى Lag يخنق بجد

**دموع الثلج** · 07-04-2008 03:10 PM

انا عربيتى اتوماتيك بس مش فاهمه يعنى ايه كلمه كيك دوان دى

لولا انك كاتبها فى عنوان الموضوع بالعربى كنت افتكرتها نوع جديد من الحلويات هههههههه

اللى يقدر يشرحلى معناها بئه كثر خيره

**fahd_628** · 07-04-2008 03:13 PM

كيك داون معناها انك تكبسى بنزين على الأخر تقوم العربية مسقتة نقلة ( مسقتة نقلة يعنى مثلا لو كانت على التالت تنقل تانى علشان العربية تسحب ) و دية ممكن تستخدميها لو عاوز تعدى من عربية او فى المواقف الى تكونى عاوزة تسحبى بالعربية بس كدة دة معنى ال Kick down و سموها kick down لأنك بتدوسى بنزين على الأخر مرة واحدة و تفضلى دايسة على الأخر بس كدة و لو فية حاجة مش وضحة قوليلى :)

**حماده عزو** · 07-04-2008 03:23 PM

الكيك دون يا دموع
يعنى أنا مثلا ماشى على الطريق السريع فى الحاره اليمين
وأمامى عربيه نقل مثلا وعايز أعديها من الشمال ( طريق فردى )
هعمل أيه ؟؟؟؟
أجى على الحاره الشمال وبعدين أروح دايس بنزين على الأخر
لحد ما دواسه البنزين تكون هتعدى من تحت العربيه
يقوم الفتيس ( الأوتوماتيك ) يحس أنى عايز سرعه بطريقه مفاجئه
علطول يسقط غيار ويعلى الأربى أم كأنى بالظبط طالع أمركانى من الثبات
وساعتها أكون عديت العربيه الى على يمينى
قبل مايجى حد فى وشى من على الشمال
وحمد لله على السلامه .

**timo_crosswind** · 07-04-2008 03:26 PM

حلوه يادموع الثلج بس لما تعرفي يعني ايه كيك داون وتجربيها يبقي سيبي ليا حته اصل بصراحه سمعت ان الكيك داون حلو اوي وخصوصا بالفانيليا هههههههههههههههه ...الكيك داون في الاتوماتيك بتدوس البنزين علي اخر وده بيخلي العربيه تسقط نقله وده بيستخدموه لما بيكون في حد بيشد مع حد تاني او في موقف محتاج فيه تجميع سريع للعربيه وفي وقت صغير وتسقيط النقله دي بخلي العربيه تستخدم عزم النقله الاقل عشان سرعه الاستجابه والتجميع نفس الكلام ده في المانيوال لما بتكون محتاج تجميع اسرع بسقط نقله انا بصراحه جربت الكيك داون مره واحده في حياتي بعربيه واحد صحبي لانسر سبورت حسيت ان العربيه ركبها عفريت ...وده اللي اعرفي عن الكيك داون ياريت حد من الاخوه لو كلامي غلط يصححه

**ahmedfd** · 07-04-2008 03:33 PM

شوفي يا دموع، هوا في العادي كمبيوتر الفتيس الأوتوماتيك بينقل لفوق أو تحت حسب سرعة و تحميل و ظروف القيادة يعني كلما بنزود البنزين بينقل بنعومة للتاني و التالت و هكذا سواء براحته مع RPM واطي أو بصورة رياضية شوية مع RPM عالي لو رجل الواحد تقيلة على البنزين و برضه بينقل لتحت بنعومة لما سرعة العربية بتقل و ممكن حتى منحسش بيه لكن بقى الـ kick Down بتبقى العملية forced يعنى أنا بأجبر الفتيس إنه ينقل نقلة أوطى علشان أي ظرف خاص أنا شايفة و مظطر أتعامل معاه... زي ما الأخوة كلهم أوضحوا...

-

الموضوع: Kick Down في الأوتوماتيك

LinkBack

أدوات الموضوع

عرض

-

-

-

-

-

المواضيع المتشابهه

لاصحاب الاوتوماتيك kick down

ليه كتر kick down بالاوتوماتيك خطر على الفتيس .. مناقشة

مصر و رواندا .. kick off

kick down...............speed

الكلمات الدلالية لهذا الموضوع

المفضلات

المفضلات

ضوابط المشاركة