عمره موتور لانوس

**bao_die** · 05-03-2011 11:20 AM

عـــــــــايز اعمل طقم شامبر لعربيتى موديل 2002 المشكله كانت صوت رذع ودخان بيطلع من مقاس الزيت ولما فتحت غطا الموتور والعربيه دايره لاقيت دخان كتير اوى كانها بتغلى عايز اعرف ايه الحاجات اللى هاجيبها وتتكلف كام وهل فى نصائح بعد او اثناءالعمره؟

**moko_2004** · 05-03-2011 03:29 PM

لا انصحك بالعمرة و بنفس تكلفتها هات موتور استيراد واثبتة في المرور و ممكن تجيب موتور اعلي لو انت عاوز
والسبب ان السبائك المصنع منها البلوك تعتبر سر من اسرار الصناعة لو عملت رينج افر اول و ركبت شنابر جديدة وصبيت علي الشميز وغيرت عمود الكرنك الخ كل الكلام دة مش هيعيش معاك سنتين علي بعض
الموتور الأستيراد لو فيه عيب هتلبسة في دماغ التاجر لكن لو العمرة مش صح مين اللي هيلبس
اعتقد حضرتك عارف الاجابة علي السؤال دة

**mahmoudysf** · 05-03-2011 06:58 PM

المشاركة الأصلية كتبت بواسطة moko_2004

لا انصحك بالعمرة و بنفس تكلفتها هات موتور استيراد واثبتة في المرور و ممكن تجيب موتور اعلي لو انت عاوز
والسبب ان السبائك المصنع منها البلوك تعتبر سر من اسرار الصناعة لو عملت رينج افر اول و ركبت شنابر جديدة وصبيت علي الشميز وغيرت عمود الكرنك الخ كل الكلام دة مش هيعيش معاك سنتين علي بعض
الموتور الأستيراد لو فيه عيب هتلبسة في دماغ التاجر لكن لو العمرة مش صح مين اللي هيلبس
اعتقد حضرتك عارف الاجابة علي السؤال دة

+1

**acounter012** · 05-03-2011 11:36 PM

علي فكرة انا كان معايا لانوس وعملتلها طقم شمبر والكلام ده من سنتين لحد ما بعت العربية وكانت العربية والحمد لله زي الفل واتكلفت العملية حوالي 1200 جنيه

**moko_2004** · 06-03-2011 12:14 AM

انا رأيي العمرة بطيخة يا حمرا يا بيضا
1200 جنية هيتعمل بيهم طقم شنبر فقط مش عمرة كاملة و عمر مالعربية ما هترجع زي الأصلي بمعني لو السرعة القصوي للعربية 180 مثلا مش هتعرف تجيب اكتر من 140 بسبب انخفاض عزم العربية عن الوضع الاصلي و اختلاف المقاسات للشنابر المتركبة عن الأصلية و هتضطر انك تعامل العربية معاملة هادية بمعني هتبقي ماشي زي العربيات القديمة بهدوء و مينفعش تعدي 120 و منفعش تقرص لأنة النتيجة مع القرص هيتفتت الشميز المصبوب وهتتكسر الشنابر و ترجع ريمة لعادتها القديمة اذن هيبقي تسقيط النقله و الكيك داون ممنوع
الموتر الأستيراد بالفتيس الاوتو 3500 وانا بتكلم عن موتور نوبيرا 2 كامة علوية 110 حصان اشد بكتير من موتور اللانوس كامة واحدة 85 حصان او 90 حصان في الانواع الجديدة و من غير فتيس سعرة في حدود 1500 الي 2000 جنية حسب الحالة
عشان تختار الموتور و تجربة هتعمل الآتي
1- هتفك شمعات الاحتراق وتشوف الحريق مظبوط و لا لأه "البوجية ترمومتر حالة الموتور"
2- تاخد الموتور من تاجر ثقة و معاك ميكانيكي ثقة و علي التجربة لمدة شهر او مدة لا تقل عن اسبوع بعد التركيب
3- تخلي الميكانيكي يفك كارتيرة الزيت و يبص هلي فية اثار زيت شنبر في الكارتيرة ام لا
بكدة تطمئن بنسبة 90% علي الحالة العامة للموتور
4- هتجيب ورق الافراج الجمركي للموتور لأثباتة في المرور ودي مهمة لحسن يكون الموتور مسروق ولا حاجة "دي لازم التاجر يديهالك"
و عشان تعرف تخرج بية من الجمرك لو انت في بورسعيد

**ehabomar1987** · 06-03-2011 10:04 PM

انا كنت عايز اعرف سعر الموتور ال 1500 بالفتيس و من غير و ياريت لو سعر المانيوال و الاوتوماتيك
و سعر الموتور ال 1600 بالفتيس و من غير و ياريت لو سعر المانيوال و الاوتوماتيك
لانى ان شاء الله كنت عايز اغير الموتور بدل ما اعمل عمره انا عربيتى جوليت 1 مو 2000

**MMamdouh** · 07-03-2011 12:54 PM

اللى اعرفة ان المكنة ال 1600 بتعمل حوالى 2500 و الفتيس المانيوال بيعمل 700 او حاجة كدة

MMamdouh

**bao_die** · 08-03-2011 12:41 PM

يا جماعه موضوع العمره فشل انا هارجع الحاجه واجيب موتور استيراد

**ahmed_mido1889** · 09-03-2011 01:49 PM

المشاركة الأصلية كتبت بواسطة bao_die

يا جماعه موضوع العمره فشل انا هارجع الحاجه واجيب موتور استيراد

فشل ليه؟؟

فهمنا ايه اللي حصل علشان نستفاد

لو امكن

الموضوع: عمره موتور لانوس

LinkBack

أدوات الموضوع

عرض

-

-

-

-

المواضيع المتشابهه

سؤال في عمره موتور الشاهين

عمره كامله ولا تغيير موتور ؟؟

موتور هوندا سيفك 83 ( عمره وله التغير )

عمره ولا موتور استيراد

عمره موتور بالاسعار

الكلمات الدلالية لهذا الموضوع

المفضلات

المفضلات

ضوابط المشاركة